ඉන්දියාවේ මුම්බායිහි මේ දිනවලට අයහපත් කාලගුණය හේතුවෙන් මිලියනයකට ආසන්න ජනතාවක් පීඩාවට පත්ව සිටියි.
විදෙස් මාධ්‍ය වාර්තා අනුව, ගෙවුණු දින හතරක කාලය තුළ මුම්බායි නගරයට මිලිමීටර් 800 කට ආසන්න වර්ෂාපතනයක් ලැබී තිබේ. මෙම සංඛ්‍යාව, සාමාන්‍යයෙන් මාස පුරා ලැබෙන වැසි ප්‍රමාණයටත් වඩා ඉහළ නිසා, නගරයේ දෛනික ජීවිතය සම්පූර්ණයෙන්ම අක්‍රිය වී තිබේ.
ඉන්දීය කාලගුණ දෙපාර්තමේන්තුව මෙම තත්ත්වය තවදුරටත් පවතින බවට අනතුරු අඟවමින්, මුම්බායි සහ අසල්වැසි දිස්ත්‍රික්කවලට රතු අනතුරු ඇඟවීම්ද නිකුත් කර ඇත.
