ඩුබායි සිට ක්‍රියාත්මක වන පාතාල කල්ලියකින් එල්ල වී ඇති ජීවිත තර්ජන හේතුවෙන්, නීතිපති දෙපාර්තමේන්තුවේ ජ්‍යෙෂ්ඨ නීතිඥයෙකු වන අතිරේක සොලිසිටර් ජනරාල්, ජනාධිපති නීතිඥ දිලීප පීරිස් මහතාට පොලිස් විශේෂ කාර්ය බළකා (STF) ආරක්ෂාව ලබා දීමට පොලිස්පතිවරයා පියවර ගෙන තිබේ.
ඉතා ඉහළ වැදගත්කමකින් යුත් ආන්දෝලනාත්මක නඩු කිහිපයක් වෙනුවෙන් නීතිපති දෙපාර්තමේන්තුව නියෝජනය කරමින් පෙනී සිටින නීතිඥවරයෙකු ලෙස දිලීප පීරිස් මහතා ප්‍රසිද්ධය. ඔහුගේ ජීවිතයට හානි කිරීමට පාතාල කල්ලියක් විසින් සැලසුම් කරමින් සිටින බවට බුද්ධි වාර්තාවක් පසුගිය සෙනසුරාදා දින පොලිස්පතිවරයා වෙත ලැබී ඇත. ඒ අනුව, වහාම ක්‍රියාත්මක වූ පොලිස්පතිවරයා විසින් ඔහුට STF භටයන්ගෙන් සමන්විත ආරක්ෂාවක් සපයා ඇත.
