ඇමෙරිකානු ජනාධිපති ඩොනල්ඩ් ට්‍රම්ප් විසින් ලොව රටවල් රැසකට බලපාන පරිදි නිකුත් කර ඇති බදු රැසක් නීතිවිරෝධී බව එරට අභියාචනාධිකරණය තීන්දු කර තිබේ.
මෙම බදු පැනවීමට එරට හදිසි ආර්ථික බලතල පනතක් යටතේ අවසර ඇකි බවට ට්‍රම්ප් පාර්ශවය ගෙන ආ තර්කය අභියාචනාධිකරණය විසින් ප්‍රතික්ෂේප කර ඇතැයි විදෙස් වාර්තා සඳහන් කරයි.
ඨෘත් Sඔcඉඅල් සමාජ ජාලය ඔස්සේ මෙම අධිකරණය තීන්දුව විවේචනය කර ඇති ට්‍රම්ප් ජනාධිපතිවරයා පවසා ඇත්තේ මෙම තීන්දුව ඉදිරියට ගෙන යාමට ඉඩකඩ ලැබුනහොත් එය ඇමෙරිකානු එක්සත් ජනපදයට දැඩි විනාශයක් අත් කර දෙන බවයි.
මෙම නඩු තීන්දුව ඔක්තෝබර් 14දා සිට ක්‍රියාත්මක වීමට නියමිත අතර, ඒ අතර කාලයේදී මීට එරෙහිව ශ්‍රේෂ්ඨාධිකරණය කරා යාමට ඇමෙරිකානු රජයට කාලය හිමිවේ.
