රත්නපුර ශික්ෂණ රෝහලේ සේවය කළ තිස් දෙහැවිරිදි වෛද්‍යවරියක, පෞද්ගලික මගී බස් රථ අනතුරකින් දිවි අහිමි වී තිබේ.
මොරගහයට පදිංචිව සිටි එක්දරු මවක වූ මදාරා මධුභාෂිනි නම් වෛද්‍යවරිය, සේවය නිම කර නිවෙසට යාමේ දී බස් රථයෙන් ඇද වැටී බරපතල තුවාල ලබා දින 14ක් දැඩි සත්කාර ඒකකයේ සටන් කළ ද, පසුගිය 1 වැනිදා මියගිය බව පැල්මඩුල්ල පොලිසිය සදහන් කරයි.
අනතුර සිදු වී ඇත්තේ ඉකුත් 19 වැනිදා මඩකලපුව–කොළඹ ප්‍රධාන මාර්ගයේ පැල්මඩුල්ල පොලිස් ස්ථානය අසලය. ත්‍රීරෝද රථයක් මාර්ගය හදිසියේ හරහා ගමන් කිරීම නිසා බස් රියදුරා තිරිංග තද කළ විට, වෛද්‍යවරිය දොරටුවෙන් විසිවී මාර්ගයේ ඇද වැටී ඇති බව මරණ පරීක්ෂණය හෙළි කරයි.
මෙම වෛද්‍යවරියගේ අවසන් කටයුතු අද පස්වරුවේ රත්නපුරේදී සිදුකිරීමට නියමිතය.
