ලෝක වෙළෙඳපොළේ රන් මිල ඉහළ යෑමත් සමඟ මෙරට රන් මිල ද වාර්තාගත ලෙස ඉහළ ගොස් ඇති බව සමස්ත ලංකා ස්වර්ණාභරණ සංගමය පවසයි.
සංගමයේ ලේකම් රාමන් බාලසුබ්‍රමනියම් මහතා සඳහන් කළේ, ඊයේ (සැප්තැම්බර් 02) දිනයේදී කැරට් 24 රන් පවුමක් රුපියල් 285,000ක් ලෙසත්, කැරට් 22 රන් පවුමක් රුපියල් 263,000ක් ලෙසත් අලෙවි වූ බවයි.
ලෝක වෙළෙඳපොළේ රන් අවුන්සයක මිල මේ වන විට ඇමරිකානු ඩොලර් 3,531 දක්වා ඉහළ ගොස් ඇති අතර, මෙරට රන් මිල තවදුරටත් ඉහළ යෑමට ඉඩ ඇති බවටද ඔහු අනතුරු අඟවයි.
