Blog – Page 110

Posted on:

රනිල්ට එකතු වෙන්න හොර සාකච්ඡාවක්

ජනාධිපති රනිල් වික්‍රමසිංහ මහතා සමඟ එක්වීම සම්බන්ධයෙන් පාර්ලිමේන්තු මන්ත්‍රී කබීර් හෂීම් මහතාගේ නිවසේදී දැනට සතියකට පෙර රාජිත සේනාරත්න සහ මන්ත්‍රීවරුන් 15 දෙනෙකුගෙන් යුත් පිරිසක් සාකච්ඡාවක් පවත්වා ඇති බව ජාතික ජන බලවේග නායක පාර්ලිමේන්තු මන්ත්‍රී අනුර දිසානායක මහතා පවසා ඇත. ඔහු මේ බව පවා ඇත්තේ ජාතික ජන බලවේගය විසින් දී ලන්ඩනයේදී පවත්වන ලද ජන හමුවකදී ය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi
TheNewsLK Tiktok link >>> https://www.tiktok.com/@thenewslk

Posted on: June 17, 2024

ආර්ථික අර්බුදය අවසන් කරලා රට ශක්තිමත් කළ ගෞරවය හිමි‍විය යුත්තේ රනිල්ට – පවිත්‍රා වන්නිආරච්චි

සශ්‍රීක දේශයක් හා ධාර්මික රටක් සෑදීමේ වගකීම අප සියළු දෙනා ට පැවරී ඇති බව හා කුමන දේශපාලන කඳවුරක සිටියත් රට වෙනුවෙන් එක මතයක සිට වැඩ කළයුතු බව වාරිමාර්ග, වනජීවී සහ වන සංරක්ෂණ අමාත්‍ය පවිත්‍රා වන්නිආරච්චි මහත්මිය පැවසීය.
වත්මන් ජනපති හා පොදුජන පෙරමුණේ දේශපාලන මතය කඳවුරු දෙකක වුවද ආර්ථික අර්බුදය අවසන් කර ආර්ථිකය ශක්තිමත් කිරීමේ ගෞරවය රනිල් වික්‍රමසිංහ ජනපතිට හිමිවන බවද එතුමිය ප්‍රකාශ කළේය.
ඇඹිලිපිටිය මොරකැටිය ප්‍රධාන මාර්ගයේ සිට මොරකැටිය බෙදුම් ඇළ දක්වා විකල්ප මාර්ගය ප්‍රතිසංස්කරණ කිරීමේ උත්සවයට සහභාගී වෙමින් මෙම අදහස් දක්වා ඇති අතර රනිල් සමඟ එදා දේශපාලන මතවාදී ගැටුම් තිබුනද වර්තමානයේ ආර්ථිකය ප්‍රකෘතිමත් කිරීම සඳහා ජාත්‍යන්තර සම්බන්ධතා පවත්වමින් විශිෂ්ඨ නායකයකු ලෙස රට ගොඩ නැඟීමට ඔහු දියත් කර තිබෙන වැඩපිළිවෙලට තම සහාය ලබාදී තිබෙන බව ද වැඩිදුරටත් පවසා ඇත.

Posted on:

නව ව්‍යවස්ථා කෙටුම්පතක් අද දින ජනාධිපති අතට

විශ්‍රාමික විනිසුරු කේ. ටී. චිත්‍රසිරි මහතා ප්‍රමුඛ කමිටුවක් මගින් සකසන ලද ශ්‍රී ලංකා ක්‍රිකට් ආයතනයේ නව ව්‍යවස්ථා කෙටුම්පත ජනාධිපති රනිල් වික්‍රමසිංහ මහතා වෙත අද (15) දින භාරදී ඇති බව වාර්ථා වේ.
ශ්‍රී ලංකා ක්‍රිකට් ආයතනයේ සංයුතිය සහ ව්‍යුහය ප්‍රතිව්‍යුහගත කිරීමටත් ඉන් යෝජනා කර ඇති බව වැඩිදුරටත් සඳහන් වේ.

Posted on:

සිරිල් රාමපෝසා 50% වැඩි ඡන්දයකින් නැවත බලයට

දකුණු අප්‍රිකානු ජාතික කොංග්‍රසය සහ විරුද්ධ පක්ෂ අතර සභා ගිවිසුමක් ඊයේ පැවැත්විණි. ඉන් අනතුරුව එරට පාර්ලිමේන්තුව විසින් සිරිල් රාමපෝසා ජනාධිපතිවරයා ලෙස යළි තෝරාපත් කරගෙන තිබුණු බව විදෙස් මාධ්‍ය වාර්තා කර ඇත. එමෙන්ම ජාතික සමගි නව රජය, රාමපෝසාගේ පාලක අප්‍රිකානු ජාතික කොංග්‍රසය, මධ්‍ය-දක්ෂිණාංශික ප්‍රජාතන්ත්‍රවාදී සන්ධානය සහ කුඩා පක්ෂ ඒකාබද්ධව මෙම සන්ධානය ගොඩනගා ඇති බව තව දුරටත් වාර්තා වී ඇත. ඒ වගේම නව පාලනයේ බලය දරන්නේ කවුරුන්ද යන්න තහවුරු කිරීම සඳහා විමසීමට ජාතික සභාව ඡන්ද විමසීමක් පවත්වා ඇති බව සඳහන් ය. මෙහිදී මෙම තීරණයට එළෙඹ ඇත්තේ පසුගිය මාසයේ පැවති මැතිවරණයේදී වසර 30කට පසු ප්‍රථම වරට පාර්ලිමේන්තු බහුතරය අහිමි වීමෙන් පසු දකුණු අප්‍රිකානු ජාතික කොංග්‍රසය හවුල් කරගන්නේ කවුරුන්ද යන්න පිළිබඳ සති ගණනාවක් පුරා පැවති සාකච්ඡාවලින් පසු බව තව දුරටත් විදෙස් මාධ්‍ය වාර්තා කර ඇත. ඒ වගේම 2018 දී ඇති වූ දැඩි බල අරගලයකින් පසු ජනාධිපති ජේකොබ් සූමා වෙනුවට සිරිල් රාමපෝසා බලයට පත් වී ඇත. එමෙන්ම ඔහුගේ පක්ෂය සෑම විටම සියයට 50 ට වඩා වැඩි ඡන්ද ප්‍රතිශතයක් ලබා ගෙන තිබුණු බව වාර්තා වී ඇත.

Posted on: June 15, 2024

රනිල් ජනපති පුටුව රැකගනී.?

ජනමත විචාරණයකින් තොරව ජනාධිපති ධූර කාලය පාර්ලිමේන්තුවේ තුනෙන් දෙකක බහුතරයක් ලබා ගනිමින් වසරකින් දීර්ඝ කර ගැනීම සම්බන්ධයෙන් මේ වන විට සාකච්ඡා ආරම්භ කර ඇත.
දැනටමත් මේ සම්බන්ධයෙන් නීති ක්ෂේත්‍රයේ ප්‍රවීණයන්ගෙන් අදහස් විමසීමටද කටයුතු කර ඇති බවද වාර්තාවේ. ජනාධිපතිවරයාගේ දුර කාලය වසර පහේ සිට හය දක්වා දීර්ඝ කරගැනීමේ හැකියාවක් ඇති බව ඔවුන් පෙන්වා දෙයි.
ජනාධිපතිගේ දුර කාලය 19 වන සංශෝධනයේදී වසර හයේ සිට පහ දක්වා පහත දැමුවේ ජනමත විචාරකයෙන් තොරව නිසා ඒ ආකාරයෙන්ම නැවතත් හය දක්වා ඉහල දැමීමටද හැකියාව ඇති බව ඔවුන් පෙන්වා දී ඇත.
ඒ සඳහා පාර්ලිමේන්තුවේ තුනෙන් දෙකක බහුතරක් අහිමි උවහොත් ජනමත විචාරණයකට යොමු කිරීමට ද හැකියාව පවතින බවද ඔවුන් පෙන්වා දී ඇත.

Posted on:

පළාත් කීපයකට අදත් වැසි

උතුරු,උතුරු මැද සහ වයඹ පළාත්වලත් ත්‍රිකුණාමලය, හම්බන්තොට සහ මොනරාගල දිස්ත්‍රික්කවලත් විටින් විට තරමක තද සුළං ඇති විය හැකි බවත් බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් වැසි වාර කීපයක් ඇති විය හැකි බව කාලගුණ විද්‍යා දෙපාර්තමේන්තුව ප්‍රකාශ කර සිටි.

Posted on: June 15, 2024

ආසියාවේ හොඳම අධ්‍යාපන ක්‍රමය ලංකාවෙන්, මෙය සටන් පාඨ කියමින් කාලය ගත කිරීමට හැකි යුගයක් නොවේ.

දුෂ්කර ආර්ථික තත්ත්වයක් හමුවේ වුවද අධ්‍යාපනය වෙනුවෙන් ලබාදිය යුතු ප්‍රතිපාදන වෙන් කිරීමට රජය කටයුතු කර ඇති බවත් අනාගතයට ගැලපෙන දකුණු ආසියාවේ හොඳම අධ්‍යාපන ක්‍රමය රටේ නිර්මාණය කරන බවත් ජනාධිපති රනිල් වික්‍රමසිංහ මහතා පැවසීය.
ඊයේ (14) හලාවත කිරිමැටියාන බෞද්ධ බාලිකා ජාතික පාසලේ අභිනවයෙන් ඉදිකරන ලද තෙමහල් ගොඩනැඟිල්ලේ පළමු අදියර සිසු අයිතියට පත් කිරීමේ උත්සවයට සහභාගී වූ ජනපතිවරයා මේ බව පැවසූ අතර ගොඩනැඟිල්ලේ ඉදිකිරීම් සම්පූර්ණ කර දෙන ලෙස සිසුවියන් කළ ඉල්ලීම අනුව අදියර දෙකක් යටතේ ගොඩනැගිල්ලේ ඉදිකිරීම් සම්පූර්ණ කර දීමට කටයුතු කරන බව ද එතුමා පැවසීය.
රටේ ශක්තිය අධ්‍යාපනය වන බව පැවසූ එතුමා ආණ්ඩුවක වගකීම වන්නේ රට සංවර්ධනය කිරීම බවත් මෙය සටන් පාඨ කියමින් කාලය ගත කිරීමට හැකි යුගයක් නොවන බවත් වැඩිදුරටත් අවධාරණය කළේය .

Posted on:

වැඩිම ඡන්ද ලබාගෙන දිනන්නෙ සජිත්

සමගි ජන බලවේග පාර්ලිමේන්තු මන්ත්‍රී නලින් බණ්ඩාර මහතා විපක්ෂ නායක කාර්යාලයේදී පැවති මාධ්‍ය හමුවක් අමතමින් පවසා ඇත්තේ ඉදිරි මැතිවරණයේදී වාර්තාගත ජයග්‍රහණයක් ලබමින් සජිත් ප්‍රේමදාස මහතා විධායක ජනාධිපතිවරයා ලෙස පත්වීම ස්ථීර වශයෙන් ම සිදුවන බවයි.
දෙවන අපේක්ෂකයාට වඩා වැඩි ඡන්ද ලක්ෂ තිහකින් අවම වශයෙන් සජිත් ප්‍රේමදාස මහතා ලබාගනු ඇතැයි තමන් විශ්වාස කරන බව ද ඔහු වැඩිදුරටත් මෙම අවස්ථාවේදී පවසා ඇති අතර වැඩිම ඡන්ද ප්‍රමාණය සහ වැඩිම ඡන්ද ප්‍රතිශතයකින් ජයගන්නා ජනාධිපතිවරයා වන්නේ ප්‍රේමදාස මහතා බව ද ඔහු පවසා ඇත. ඔහු මේ පිළිබඳ පවසා ඇත්තේ සිදුකර ඇති සමීක්ෂණ වාර්තාවලින් සහ සංඛ්‍යා ලේඛනවලට අනුව බවත් ඔහු සඳහන් කර ඇත.

Posted on: June 14, 2024

ශ්‍රීලනිප අර්බුදය විසදන්න දින නියමවෙයි

විජයදාස රාජපක්ෂ මහතා ශ්‍රී ලංකා නිදහස් පක්ෂයේ සභාපතිවරයා ලෙස කටයුතු කිරීම වළක්වාලමින් කොළඹ දිසා අධිකරණය විසින් නිකුත් කර තිබෙන වාරණ නියෝගයට එරෙහිව ගොනුකළ අභියාචනා පෙත්සම දීර්ඝ ලෙස සලකා බැලීමෙන් අනතුරුව ගිහාන් කුලතුංග සහ ෆ්‍රෑන්ක් ගුණවර්ධන යන මහත්වරුන්ගෙන් සමන්විත සිවිල් අභියාචනා මහාධිකරණ විනිසුරු මඩුල්ලක් විසින් විභාගයට ගැනීමට නියෝගය නිකුත් කරන ලදී. කෙසේ වෙතත් කොළඹ දිසා අධිකරණය හමුවේ පැවැත්වෙන නඩුව විභාගය ඉදිරියට පවත්වාගෙන යාමටද විනිසුරු මඩුල්ල විසින් නියෝග කරනු ලැබූ අතර ඉන් අනතුරුව අදාළ අභියාචනා පෙත්සම ලබන 26 වනදා කැඳවන ලෙසත් නියෝග කර තිබේ.

Posted on: June 14, 2024

වාහන ආනයන සීමා ලිහිල් කිරීමට IMF වෙත ඉදිරිපත් කළ යුතුයි

මෙරට වාහන ආනයන සීමා ලිහිල් කිරීම සම්බන්ධයෙන් වන සැලසුමක් (Road Map) ශ්‍රී ලංකා බලධාරීන් විසින් ජාත්‍යන්තර මූල්‍ය අරමුදල වෙත ඉදිරිපත් කර ඇති බව සඳහන් වේ. ඒ බව මුදල් රාජ්‍ය අමාත්‍ය ශෙහාන් සේමසිංහ මහතා පවසා ඇත. මෙහිදී වාහන ආනයන සීමා ලිහිල් කිරීම, වාහන ඛාණ්ඩ කිහිපයක් යටතේ මේ වසරේ තෙවන සහ සිව්වන කාර්තුවලදී සිදු කිරීමට යෝජිතය.