හිටපු ජනපති රනිල් වික්‍රමසිංහ ඇප මත මුදා හරී
පොදු දේපළ පනත යටතේ රක්ෂිත බන්ධනාගාර ගත කර සිටි හිටපු ජනාධිපති රනිල් වික්‍රමසිංහ මහතා ඇප මත මුදා හැරීමට කොටුව මහේස්ත්‍රාත් අධිකරණය අද (අගෝස්තු 26) නියෝග කළේය.
කොටුව මහේස්ත්‍රාත් නිලුපුලී ලංකාපුර මහත්මිය මෙම නියෝගය නිකුත් කර ඇත්තේ අපරාධ පරීක්ෂණ දෙපාර්තමේන්තුව සහ විත්තියේ නීතිඥවරුන් විසින් ඉදිරිපත් කළ කරුණු සලකා බැලීමෙන් අනතුරුවයි. ඒ අනුව, සැකකරු රුපියල් ලක්ෂ 50 බැගින් වූ ශරීර ඇප තුනක් මත මුදා හැරීමට නියම කර තිබේ.
මෙහිදී රනිල් වික්‍රමසිංහ මහතා වෙනුවෙන් අධිකරණයට කරුණු දැක්වූ ජනාධිපති නීතිඥ අනුජ ප්‍රේමරත්න මහතා සඳහන් කළේ, හිටපු ජනාධිපතිවරයාගේ හෘදයේ ප්‍රධාන ධමනි හතරෙන් තුනක් අවහිර වී ඇති බවයි.
