ගර්භණී මවකගේ කුස මෙන් කළලය පැළඳ ගෙන උපත දක්වා රැඳවිය හැකි මානවරූපී ගර්භණී රොබෝවරුන් නිපදවීමේ තාක්ෂණය පිළිබඳව චීනයේ ග්වැන්ජෝ නගරයේ තාක්ෂණ ආයතනයක් දැනටමත් අත්හදා බැලීමේ අවධියට පියවර ගෙන ඇත.

මෙම නවෝත්පාදනය සාර්ථක වුවහොත්, මව්ගැබේ පිළිසිඳගැනීමේ දක්වා උපතේ දක්වා වූ සම්පූර්ණ ගර්භණී ගමනක් යාන්ත්‍රිකව සංකල්පනය කිරීමට හැකිවනු ඇතැයි පර්‍යේෂකයන් සදහන් කරයි.

එහෙත් මේ වන විට ඩිම්බ සංසේචනය කෙසේ සිදුකරන්නේද යන්න පිළිබඳ පැහැදිලි විස්තරයක් සොයාගැනීමට හැකි වී නොමැති බවද වාර්තා වෙයි.

කෙසේ වෙතත්, අනාගතයේ පරිගණක, රොබෝ සහ ජෛව විද්‍යාව එක්ව මනුෂ්‍ය ජීවිතයේ විශාල වෙනසක් ගෙන ඒමට සූදානම් වෙමින් සිටින බව විශේෂඥයන් පෙන්වා දෙයි.

මෙම මාසයේ අවසන් දිනයන් සමග ඉන්දීය අග්‍රාමාත්‍ය නරේන්ද්‍ර මෝදි මහතාගේ චීන සංචාරය නිසා දෙරට සබඳතා යළි ශක්තිමත් වන ආකාරයක් දක්නට ලැබේ.

එයට පෙර චීන විදේශ අමාත්‍ය Wang Yi මහතා ඉන්දියාවට කළ සංචාරයත් මේ වන විට විශේෂ අවධානයක් ගත් අතර, ඔහු ඉන්දීය විදේශ අමාත්‍ය Subrahmanyam Jaishankar මහතා සමග පැවැත්වූ සාකච්ඡාව තුළ ද්විපාර්ශ්වික සබඳතා නව පියවරකට ගෙන යෑම පිළිබඳව දෙපාර්ශ්වයම එකඟතාව දක්වා ඇත.

Wang Yi මහතා තර්ජන හෝ තරඟකරුවන් ලෙස නොව, හවුල්කරුවන් සහ අවස්ථා ලෙස එකිනෙකා බලමින් නිවැරදි උපායමාර්ගික දැක්මකින් ක්‍රියා කිරීමට අවශ්‍ය බව අවධාරණය කර තිබේ. එමෙන්ම දෙරට නායකයන්ගේ මඟපෙන්වීම් යටතේ, නව සංවාද හා හුවමාරු යළි ආරම්භ කිරීමට චීනය සූදානම් බව ද ඔහු ප්‍රකාශ කරයි. ඉන්දීය බැතිමතුන්ට චීනයේ Xizang ප්‍රදේශයේ ආගමික ස්ථානවලට වන්දනා ගමන් යළි ආරම්භ කිරීමටද සහයෝගය ලබා දෙන බවත් ඔහු වැඩිදුරටත් සඳහන් කර තිබේ.

මේ අතර Subrahmanyam Jaishankar මහතා සඳහන් කළේ දෙරට නායකයින්ගේ මඟපෙන්වීම යටතේ ද්විපාර්ශ්වික සබඳතා අඛණ්ඩව වැඩිදියුණු වන බවත්, සියලු අංශවල සහයෝගීතා නව තත්ත්වයකට පත් වන අතර, දේශපාලන විශ්වාසය ශක්තිමත් කරගෙන ආර්ථික සහ වෙළඳ කටයුතුත් ඵලදායී කරගැනීමට ඉන්දියාව උනන්දු වන බවත් ඔහු අවධාරණය කරයි.

මෙම වසරේදී චීන – ඉන්දීය රාජ්‍යතාන්ත්‍රික සබඳතා 75 වැනි සංවත්සරයට පත් වීමත්, අතීත පාඩම් මත පදනම්ව නව සම්බන්ධතා ගොඩනගා ගන්නා බවත් යළි සිහිපත් කළේය.

විදෙස් මාධ්‍ය සදහන් කරන්නේ අසල්වැසි විශාල රටවල් ලෙස ගරුත්වය, විශ්වාසය සහ පොදු සංවර්ධන අරමුණු මත පදනම් වූ නව කාල පරිච්ඡේදයකට දෙරට පිවිසෙමින් සිටින බවය.

ඉදිරි සති දෙක ඇතුළත රුසියානු ජනාධිපති ව්ලැද්මීර් පුටින් සහ යුක්‍රේන ජනාධිපති වොලොදිමීර් සෙලෙන්ස්කි අතර නියමිත සාම සාකච්ඡාවක් පැවැත්වීමට එකඟ වී ඇති බව ජර්මානු චාන්සලර් ෆ්‍රෙඩ්රික් මර්ස් නිවේදනය කර තිබේ.

මෙම වාර්තාව අනුව, ඉහත තීරණයට එළඹුණේ අමෙරිකානු ජනාධිපති ඩොනල්ඩ් ට්‍රම්ප් විසින් පුටින් සමඟ පැවැත්වූ විශේෂ දුරකථන සංවාදයකින් පසුවය.

වොෂින්ටනයේදී සෙලෙන්ස්කි සහ යුරෝපීය නායකයින් සමඟ පැවති සාකච්ඡාවකින් අනතුරුව මර්ස් වැඩිදුරටත් පැවසූයේ, යුද්ධය අවසන් කිරීමට අවශ්‍ය ප්‍රධාන කොන්දේසි කිහිපයක් පිළිබඳව දීර්ඝ සාකච්ඡා සිදු වූ බවයි.

මෙම සන්දර්භය තුළ, ජනාධිපති ට්‍රම්ප් අවධාරණය කළේ රුසියාව සාමය කරා ගමන් කිරීමට කැමැත්ත පෙන්වීමේ පියවරක් ලෙස යුක්‍රේන සිරකරුවන් 1,000ක් නිදහස් කරන ලෙස තමන් බලාපොරොත්තු වන බවයි.

අමෙරිකානු ජනාධිපති ඩොනල්ඩ් ට්‍රම්ප් සමඟ පැවති සාකච්ඡාව මෙතෙක් පැවති සාර්ථකම හමුව බව යුක්‍රේන ජනාධිපති ව්ලොද්මියර් සෙලෙන්ස්කි පවසයි.

ඔහු පෙන්වා දෙන්නේ, යුද්ධය සම්බන්ධයෙන් නිසි දැනුවත් කිරීමක් සිදුකිරීමට මෙම සාකච්ඡාවේ දී අවස්ථාව හිමි වූ බවය.

අමෙරිකානු ජනාධිපතිවරයා සහ යුක්‍රේන ජනාධිපතිවරයා අතර ඊයේ (18) ධවල මන්දිරයේ පැවති සාකඡාවෙන් අනතුරුව මාධ්‍ය වෙත අදහස් දක්වමින් ව්ලොද්මියර් සෙලෙන්ස්කි මේ බව ප්‍රකාශ කර තිබේ.

රුසියාව සමග යුද්ධය අවසන් වුවහොත් මැතිවරණය පැවැත්වීමට තමන් සූදානම් බව ද යුක්‍රේන ජනාධිපතිවරයා පවසයි.

අමෙරිකානු ජනාධිපතිවරයා සහ යුක්‍රේන ජනාධිපතිවරයා අතර පැවති මෙම සාකච්ඡාවට ලෝකයේ වැඩි අවධානයක් යොමුවූ අතර අදාළ සාකච්ඡාවට යුරෝපා කවුන්සිලයේ සභාපතිනිය, බ්‍රිතාන්‍ය අගමැති, ප්‍රංශ ජනපති, ජර්මන් චන්සලර්, ඉතාලි අගමැති, නේටෝ සමාගමේ ලේකම්වරයා ඇතුළු කණ්ඩායමක් සහභාගී වී සිටියහ.

අදාළ සාකච්ඡාව පැවැත්වෙන අවස්ථාවේ අමෙරිකානු ජනාධිපති ඩොනල්ඩ් ට්‍රම්ප් රුසියානු ජනාධිපති ව්ලැද්මීර් පුටින් සමග දුරකථන මාර්ගයෙන් අදහස් හුවමාරු කර ගැනීමක් සිදුකර ඇති බව වාර්තා වේ.