හිටපු අමාත්‍ය එස්.එම්. චන්ද්‍රසේන අගෝස්තු මස 01 වනදා දක්වා යළි රක්ෂිත බන්ධනාගාර ගත කරන ලෙස කොළඹ මහේස්ත්‍රාත් අධිකරණය අද නියම කරනු ලැබීය.
2014 වසරේ අනුරාධපුර දිළිඳු ගොවීන් සඳහා සහනදායි මිල ගණන් යටතේ බෙදා දීමට රුපියල් මිලියන 25ක් මුදලක් වැයකර මිලදී ගනු ලැබූ බඩ ඉරිඟු බීජ නීත්‍යානුකූල ක්‍රමවේදයට පටහැනිව බෙදා හැරීම තුලින් ෂණය නැමති වරද සිදු කළේ යැයි අල්ලස් කොමිසම විසින් සැකපිට අත්අඩංගුවට ගත් හිටපු අමාත්‍යවරයා අද අධිකරණයට රැගෙන ආවේ රක්ෂිත බන්ධනාගාර ගතව සිටියදීය.
බූස්ස අධිආරක්‍ෂිත බන්ධනාගාරයේ ආරක්‍ෂකව සඳහා අනුයුක්ත කර සිටින පොලිස් විශේෂ කාර්ය බළකා නිලධාරීන් ඉන් ඉවත් කිරීමේ නියෝගයක් නිකුත් කරන්නැයි ඉල්ලා ප්‍රබල පාතාල කල්ලි නායකයකු බව කියන මිදිගම රුවන් ගොනු කර ඇති පෙත්සම විභාගයට ගැනීමට අවසර ලබාදෙන්නේ ද නැතිද යන නියෝගය ලබන සැප්තැම්බර් 1 වැනිදා නිකුත් කරන බව අභියාචනාධිකරණය ඊයේ ප්‍රකාශ කළේය.
බන්ධනාගාරයේ අභ්‍යන්තර කටයුතුවලට පොලිස් විශේෂ කාර්ය බළකායේ නිලධාරීන් යොදවා ගැනීම සම්පූර්ණයෙන්ම නීතිවිරෝධී ක්‍රියාවක් බව පැවැසූ පෙත්සම්කරු වෙනුවෙන් පෙනී සිටි නීතිඥවරයා බන්ධනාගාරයේ සිදුකරන වැටලීම් හා පරීක්‍ෂණවලට යොදා ගන්නා විශේෂ කාර්ය බළකා නිලධාරීන් අතින් රැඳවියන්ට දැඩි අමානුෂික හිරිහැරවලට ලක්වන බැවින් එම නිලධාරීන් බන්ධනාගාර තුළට ඇතුළුවීම වළක්වන නියෝගයක් නිකුත් කරන්නැයි ඉල්ලා සිටියේය.
නීතිපතිවරයා ප්‍රමුඛ වගඋත්තරකරුවන් වෙනුවෙන් පෙනී සිටි අතිරේක සොලිසිටර් ජනරාල් ජනාධිපති නීතිඥ ශනිල් කුලරත්න මහතා විනිසුරු මඬුලෙ ඉල්ලා සිටියේ පොලිස් විශේෂ කාර්ය බළකා නිලධාරීන් ද පොලිසියේම කොටසක් වන බැවින් පෙත්සම්කරුගේ ඉල්ලීම මුල් අවස්ථාවේදීම ප්‍රතික්ෂේප කරන ලෙසයි.
දෙපාර්ශවයම ඉදිරිපත් කල කරුණු සලකා බැලූ අභියාචනාධිකරණයේ සභාපති විනිසුරු රොහන්ත අබේසූරිය හා ප්‍රියන්ත ප්‍රනාන්දු යන මහත්වරුන්ගෙන් සැදුම්ලත් විනිසුරු මඬුල්ල අදාල පෙත්සම විභාගයට ගන්නේද යන්න සම්බන්ධයෙන් තීරණය සැප්තැම්බර් 1 වැනිදා නිකුත් කිරීමට දින නියම කලහ.
විදෙස්ගත පරිත්‍යාගශීලින් විසින් මෙරට රෝහල් සඳහා නොමිලයේ ලැබෙන පරිත්‍යාග සදහා මෙතෙක් ලබාදුන් තීරුබදු සහනය ඉවත් කිරීමට රජය කටයුතු කොට ඇත. සෞඛ්‍ය හා ජනමාධ්‍ය අමාත්‍යාංශ ලේකම් වෛද්‍ය අනිල් ජාසිංහ මහතා ඒ බව සනාථ කරන ලදි.
මුදල් අමාත්‍යාංශය විසින් පසුගිය ජූනිමාසයේ සිට ක්‍රියාත්මක වන පරිදි අතිටුවා ඇත. එම නිසා පරිත්‍යාග ශීලීන් විසින් මෙරටට නොමිලයේ ලබාදෙන, රෝහල් ඇඳන්, වෛද්‍ය උපකරණ, ගිලන් රථ යනාදී බෝහෝ පරිත්‍යාගයන්ට හිමිවූ බදු සහනය අහෝසිවේ.
වසර 10ක් පමණ ක්‍රියාත්මක වූ මෙම බදු සහනය නිසා රේගුවට මුදල් ගෙවීමට සිදුවූයේ සෞඛ්‍ය අමාත්‍යාංශයට බව සදහන් කල සෞඛ්‍ය ලේකම්වරයා එම හේතුවෙන් පසුගිය 2024 වසරේ පමණක් රේගුවට රුපියල් මිලියන 200ක බද්ධක් සෞඛ්‍ය අමාත්‍යාංශයේ මුදලි ගෙවීමට සිදුවූ බව හෙළිදරව් කළේය.
අගෝස්තු දෙවැනිදා විවෘත කිරීමට නියමිතව තිබූ දකුණු ආසියාවේ පළමු ඒකාබද්ධ සංචාරක හෝටල් සංකීර්ණය වන City of Dreams Sri Lanka විවෘත කිරීමේ අවස්ථාවට පැමිණීමට නියමිතව තිබූ ප්‍රධාන ආරාධිත අමුත්තාවන ජනප්‍රිය බොලිවුඩ් නළු ෂාරුක් ඛාන් නොවැලැක්විය හැකි හේතුවක් නිසා එම අවස්ථාවට සහභාගී නොවන බව අද නිලවශයෙන් දැනුම්දී ඇත.
ෂාරුක් ඛාන් සහභාගී නොවීම පිළිබඳව ඔහුගේ නිල ඒජන්සි ආයතනය වන WizCraft විසින් පහත නිවේදනය නිකුත් කර ඇත.
ගල්කිස්ස අධිකරණයෙන් අත්තඩංගුවට ගැනීමේ වරෙන්තු නිකුත්කර ඇති වසන්ත සමරසිංහ හා බිමල් රත්නායක අමාත්‍යවරුන් වහාම අත්තඩංගුවට ගැනීමට කටයුතු කරන ලෙස පිවිතුරු හෙළ උරුමයේ නායක උදය ගම්මන්පිල ජනාධිපති අනුර දිසානායකගෙන් ඉල්ලා සිටී.
ප්‍රශ්නගත බහාලුම් 323 සම්බන්ධයෙන් පිවිතුරු හෙළ උරුමය අල්ලස් කොමිසමට මෙයට මාස දෙකකට ආසන්න කාලයකදී සිදුකල පැමිණිල්ලට අදාල ප්‍රගතිය සම්බන්ධයෙන් විමර්ශණය කිරීම සදහා අද අල්ලස් කොමිසමට පැමිණ පිටව යන අවස්ථාවේ මාධ්‍යවෙත අදහස් දක්වමින් අමාත්‍යවරයා මෙම අදහස් පළ කළේය.
නැගෙනහිර ඉරාකයේ පිහිටි අල්-කුට් නගරයේ සාප්පු සංකීර්ණයක ඇතිවූ ගින්නක් හේතුවෙන් පුද්ගලයි 50 දෙනෙකු ජීවිතක්ෂයට පත්ව ඇත. තුවාල ලැබූ සංඛ්‍යාව මෙතෙක් වාර්තා නොවුනු අතර ගිනි නිවන භටයින් ගින්න මැඩපැවැත්වීමට උත්සාහ කරන බව විදෙස් මාධ්‍ය පවසයි.
හිටපු සෞඛ්‍ය අමාත්‍ය කෙහෙළිය රඹුක්වැල්ලට සහ ඔහුගේ බිරිඳ, දියණියන් තිදෙනා සහ එක් බෑණා කෙනෙක්ට එරෙහිව අද කොළඹ මහාධිකරණයේදී අධිචෝදනා භාරදෙනු ලැබීය.
අල්ලස් කොමිසම මගින් ගොනුකල අධිචෝදනා මහාධිකරණ විනිසුරු ලංකා ජයරත්න මහත්මිය ඉදිරියේ භාර දීමෙන් අනතුරුව විත්තිකරුවෙක් වෙනුවෙන් රුපියල් මිලියනය බැගින්වූ ශරීර ඇප දෙකක් සහ රුපියල් පනස්දහසක මුදල් ඇප මත නිදහස් කරනු ලැබිණ.
විත්තිකරුවන් සියලු දෙනාගේ විදෙස් ගමන් තහනම් කල මහේස්ත්‍රාත්වරිය ඔවුන්ගේ විදෙස් ගමන් බලපත් අධිකරණ භාරයට ලබාදෙන ලෙසද නියෝග කළහ.
පළාත් පාලන ආයතන නිසි ක්‍රමවේදයන්ට අනුකූලව පවත්වාගෙන යාමට විපක්ෂය ඉඩ ලබා නොදුන හොත් පවතින නීතිය අනුව එම පලාත් පාලන ආයතන කොමසාරිස් පාලනයට යටත්කරන බව පළාත් සභා හා පළාත් පාලන අමාත්‍ය ආචාර්ය චන්දන අබේරත්න මහතා අවධාරණය කරයි.
මේ පියවර ගැනීම සඳහා ප්‍රමාද වන්නේ ඒ සඳහා තවත් යම් කාලයක් නෛතිකව ලබා දිය යුතු නිසා බව යැයි පෙන්වා දුන් ඇමතිවරයා මුලින්ම අදාල පළාත් පාලන ආයතනවල ස්වරූපය සම්බන්ධව පලාත් පාලන කොමසාරිස්වරුන් විසින් ආණ්ඩුකාරවරයා වෙත වාර්තාවක් ලබා දිය යුතු බව පෙන්වා දුන්නේය.
නීතිපති දෙපාර්තමේන්තුවේ උපදෙස් ලබා ගැනීමෙන් අනතුරුව ඉදිරි දින කිහිපයේදී එලෙස හඳුනා ගන්නා ආයතන විශේෂ කොමසාරිස්වරුන්ගේ පාලනයට යටත්කරනු ලබන බවද අමාත්‍යවරයා ප්‍රකාශ කලේය.
ඇමෙරිකා ජනාධිපති ඩොනල්ඩ් ට්‍රම්ප් ශ්‍රී ලංකාවට පනවා ඇති තීරුබදු 30%ක නව තීරු බදු අගෝස්තු පළමුවනදාට පෙර තවදුරටත් අඩු කර ගැනීම සඳහා ඇමෙරිකාව සමග විශේෂ සාකච්ඡා පැවැත්වීමට මෙරට විශේෂ නියෝජිතයින් පිරිසක් හෙට (18) වන දින ඇමෙරිකාව බලා පිටත්වීමට නියමිතය.
විදේශ කටයුතු විදේශ රැකියා හා සංචාරක අමාත්‍ය විජිත හේරත් මහතා ප්‍රකාශ කලේ ශ්‍රී ලංකා දූත පිරිස හැකි උපරිමයෙන් 30% බද්ධ අඩුකර ගැනීම සඳහා කටයුතු කරනු ඇති බව තමන්ගේ විශ්වාසය බවයි.
ඇමරිකානු ජනාධිපති හා ඉන්දුනීසියානු ජනාධිපති අතර පැවැති සාකච්ඡාවකින් පසුව ඇමරිකාව ඉන්දුනීසියාවට පනවා තිබූ 32%ක තීරුබද්ධ 19% දක්වා අඩුකල බව ඇමරිකානු ජනාධිපති ඩොනල්ඩ් ට්‍රම්ප් ඊයේ නිල වශයෙන් නිවේදනය කලේය.
2030 වසරේදී ඩොලර් බිලියන 2.4ක ආදායමක් උපයා ගැනීම සඳහා රටේ සමස්ත තේ නිෂ්පාදනය නිමි තේදලු මිලියන 400 දක්වා ඉහල නැංවීමේ වැඩ පිළිවෙලක් අරඹන බව වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා පවසයි.
තේ කර්මාන්ත ශාලා හිමිකරුවන්, කුඩා තේවතු හිමියන්,තේ තවාන්කරුවන් හා අමුතේ දලු එකතු කරන්නන් අතර රත්නපුර පැවැති සාකච්ඡාවකදී අමාත්‍යවරයා ඉලක්ක ගත වැඩපිළිවෙල සම්බන්ධව අනාවරණය කලේය.
දැනට තේ දලු මිලියන 262ක් නිෂ්පාදනය කර උපයන ආදායම වන්නේ ඇමරිකානු ඩොලර් මිලියන 1.4ක් පව පැවසූ අමාත්‍යවරයා එය 2030 වසරේදී මිලියන 2.5 දක්වා වර්ධනය කිරීම පහසු ඉලක්කයක් බවද ප්‍රකාශ කලේය.
