පළාත් පාලන ආයතන නිසි ක්‍රමවේදයන්ට අනුකූලව පවත්වාගෙන යාමට විපක්ෂය ඉඩ ලබා නොදුන හොත් පවතින නීතිය අනුව එම පලාත් පාලන ආයතන කොමසාරිස් පාලනයට යටත්කරන බව පළාත් සභා හා පළාත් පාලන අමාත්‍ය ආචාර්ය චන්දන අබේරත්න මහතා අවධාරණය කරයි.

මේ පියවර ගැනීම සඳහා ප්‍රමාද වන්නේ ඒ සඳහා තවත් යම් කාලයක් නෛතිකව ලබා දිය යුතු නිසා බව යැයි පෙන්වා දුන් ඇමතිවරයා මුලින්ම අදාල පළාත් පාලන ආයතනවල ස්වරූපය සම්බන්ධව පලාත් පාලන කොමසාරිස්වරුන් විසින් ආණ්ඩුකාරවරයා වෙත වාර්තාවක් ලබා දිය යුතු බව පෙන්වා දුන්නේය.

නීතිපති දෙපාර්තමේන්තුවේ උපදෙස් ලබා ගැනීමෙන් අනතුරුව ඉදිරි දින කිහිපයේදී එලෙස හඳුනා ගන්නා ආයතන විශේෂ කොමසාරිස්වරුන්ගේ පාලනයට යටත්කරනු ලබන බවද අමාත්‍යවරයා ප්‍රකාශ කලේය.

ඇමෙරිකා ජනාධිපති ඩොනල්ඩ් ට්‍රම්ප් ශ්‍රී ලංකාවට පනවා ඇති තීරුබදු 30%ක නව තීරු බදු අගෝස්තු පළමුවනදාට පෙර තවදුරටත් අඩු කර ගැනීම සඳහා ඇමෙරිකාව සමග විශේෂ සාකච්ඡා පැවැත්වීමට මෙරට විශේෂ නියෝජිතයින් පිරිසක් හෙට (18) වන දින ඇමෙරිකාව බලා පිටත්වීමට නියමිතය.

විදේශ කටයුතු විදේශ රැකියා හා සංචාරක අමාත්‍ය විජිත හේරත් මහතා ප්‍රකාශ කලේ ශ්‍රී ලංකා දූත පිරිස හැකි උපරිමයෙන් 30% බද්ධ අඩුකර ගැනීම සඳහා කටයුතු කරනු ඇති බව තමන්ගේ විශ්වාසය බවයි.

ඇමරිකානු ජනාධිපති හා ඉන්දුනීසියානු ජනාධිපති අතර පැවැති සාකච්ඡාවකින් පසුව ඇමරිකාව ඉන්දුනීසියාවට පනවා තිබූ 32%ක තීරුබද්ධ 19% දක්වා අඩුකල බව ඇමරිකානු ජනාධිපති ඩොනල්ඩ් ට්‍රම්ප් ඊයේ නිල වශයෙන් නිවේදනය කලේය.

2030 වසරේදී ඩොලර් බිලියන 2.4ක ආදායමක් උපයා ගැනීම සඳහා රටේ සමස්ත තේ නිෂ්පාදනය නිමි තේදලු මිලියන 400 දක්වා ඉහල නැංවීමේ වැඩ පිළිවෙලක් අරඹන බව වැවිලි හා ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා පවසයි.

තේ කර්මාන්ත ශාලා හිමිකරුවන්, කුඩා තේවතු හිමියන්,තේ තවාන්කරුවන් හා අමුතේ දලු එකතු කරන්නන් අතර රත්නපුර පැවැති සාකච්ඡාවකදී අමාත්‍යවරයා ඉලක්ක ගත වැඩපිළිවෙල සම්බන්ධව අනාවරණය කලේය.

දැනට තේ දලු මිලියන 262ක් නිෂ්පාදනය කර උපයන ආදායම වන්නේ ඇමරිකානු ඩොලර් මිලියන 1.4ක් පව පැවසූ අමාත්‍යවරයා එය 2030 වසරේදී මිලියන 2.5 දක්වා වර්ධනය කිරීම පහසු ඉලක්කයක් බවද ප්‍රකාශ කලේය.

මෙරට අධ්‍යාපනය ඩිජිටල්කරණය කිරීමට ටික් ටොක් සමාගමේ එකඟතාව පල කර ඇත. ටික් ටොක් සමාගමෙහි දකුණු ආසියානු රාජ්‍ය සම්බන්ධතා ප්‍රධානී සහ දකුණු ආසියාවේ මහජන කටයුතු ප්‍රධානී ෆර්දවුස් අල් මොටාකින්, සහ අග්‍රාමාත්‍ය ලේකම් ප්‍රදීප් සපුතන්ත්‍රි මහතා අතර හමුවක් පැවතීමෙන් අනතුරුවය.

එහිදී ටික් ටොක් නියෝජිතයින් පෙන්වා දී ඇත්තේ ඩිජිටල් අධ්‍යාපනය පිළිබඳ දැනුම ලබා දීම සඳහා විධිවිධාන, පර්යේෂණ සහ විෂයමාලාවට අවශ්‍ය සංශෝධන ඇතුළත් කිරීමේ වැදගත්කමයි. මෙම සාකච්ඡාවේදී අග්‍රාමාත්‍ය ලේකම් ප්‍රදීප් සපුතන්ත්‍රි මහතා අධ්‍යාපන පද්ධතිය තුලට ඩිජිටල්කරණ ක්‍රියාවලිය අන්තර්ගත කිරීමට කඩිනමින් පියවර ගන්නා බවද සඳහන් කොට ඇත.

මාධ්‍යවේදී ප්‍රගීත් එක්නැළිගොඩ පැහැරගෙන ගොස් අතුරුදහන් කිරීමේ සිද්ධියට අදාලව ක්‍රියාත්මක වන නීතිකෘත්‍යයේ සාක්ෂිකරුවෙකු ලෙස වර්තමාන අපරාධ පරීක්ෂණ දෙපාර්තමේන්තුවේ අධ්‍යක්ෂ ශානි අබේසේකර මහතා නම්කර නොමැති බව ජනාධිපති නීතිඥ උපුල් කුමරප්පෙරුම ඊයේ කොළඹ ත්‍රිපුද්ගල මහාධිකරණ විනිසුරු මඩුල්ල හමුවේ ප්‍රකාශ කලේය.

එහිදී පැමිණිල්ල වෙනුවෙන් පෙනී සිටි නියෝජ්‍ය සොලිසිටර් ජනරාල් වසන්ත පෙරේරා අධිකරණයට දන්වා සිටියේ, ශානි අබේසේකර මෙම නඩුවේ 109 වන සාක්ෂිකරු වශයෙන් දැනටමත් නම් කර ඇති බව ය.

මෙම නඩුව නාමල් බලල්ලේ, මහේෂ් වීරමන් සහ සුජීව නිශ්ශංක යන මහත්වරුන්ගෙන් සමන්විත ත්‍රිපුද්ගල මහාධිකරණ විනිසුරු මඩුල්ල ඉදිරියේ කැඳවනු ලැබිණි.

කොටි සාමාජිකයෙකුට කැනඩාවේ පුරවැසිකම ලබාදීම සම්බන්ධයෙන් අයුතු බලපෑමක් සිද්ධ කලේ යැයි එරට මහජන ආරක්ෂක අමාත්‍ය ගැරී ආනන්දසංගරීට බරපතල චෝදනාවක් එල්ලව ඇතිබව විදෙස් මාධ්‍ය අනාවරණය කරයි.

2016 වර්ෂයේ දී හා 2023 වර්ෂයේ දී කැනේඩියානු දේශ සීමා නියෝජිත ආයතනය වෙත අදාළ ලිපි දෙකක් යොමුකර ඇති ආනන්ද සංගරී සෙල්වකුමාර් නැමති හිටපු එල්.ටී.ටී.ඊ සාමාජිකයාට මානුෂීය හේතු සලකා බලා කැනඩාවේ පුරවැසිභාවය ලබාදෙන ලෙස ඉල්ලා ඇත. ඒ මෙම පුද්ගලයා සෘජුවම එල්.ටී.ටී.ඊ සංවිධානයට සම්බන්ධ බවට තහවුරු වීම නිසා එරට ආගමන හා විගමන දෙපාර්තමේන්තුව විසින් අවස්ථා කිහිපයක දී පුරවැසිභාවය ලබා දීමේ ඔහුගේ ඉල්ලුම් පත්‍රය ප්‍රතික්ෂේප කර ඇති පසුබිමකය.

කැනඩාව තුල එල්.ටී.ටී.ඊ සංවිධානය තහනම් සංවිධානයක් බැවින් ආනන්ද සංගරී මහතා ක්ල මෙම ක්‍රියාව ත්‍රස්තවාදයට ආධාර අනුබල දීමක් වන හෙයින් ඔහුට මහජන ආරක්ෂක අමාත්‍යධූරය දැරීම වලක්වා එයින් නෙරපා හරින ලෙස චෝදනාකරුවන් කැනඩා අග්‍රාමාත්‍යවරයාගෙන් ඉල්ලා ඇත.