එසැණ පුවත් – Page 92

Posted on: June 27, 2024

ගංවතුර ගැන වාර්තාවක්

දිස්ත්‍රික් ලේකම්වරුන් සමඟ ජනාධිපති මාධ්‍ය අංශය සංවිධානය කළ සාකච්ඡාවකට එක්වෙමින් ජ්‍යෙෂ්ඨ ජනාධිපති උපදේශක මාණ්ඩලික ප්‍රධානී සාගල රත්නායක මහතා පවසා ඇත්තේ කොළඹ දිස්ත්‍රික්කය තුළ ගංවතුර ඇතිවීමට හේතු කරුණු සොයා බලමින් ග්‍රාම නිලධාරී කොට්ඨාස ආවරණය වන පරිදි සති දෙකක් තුළ සැකසූ මූලික වාර්තාවක් ලබා දෙන ලෙසයි.
සති දෙකක් තුළ සැකසූ මූලික වාර්තාව ජනාධිපති ලේකම් කාර්යාලයට ලබා දෙන ලෙසට දැනුම් දුන් අතර ඊයේ (26) මෙම දැනුම්දීම ජනාධිපති කාර්යාලයේදී සිදු කෙරුණ බව ද සඳහන් ය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: June 27, 2024

බලය අල්ලා ගැනීමේ උත්සහය ව්‍යාර්ථ වේ..

බොලිවියාවේ රජය පෙරළාදමා හමුදා කුමන්ත්‍රණයකින් බලය අල්ලා ගැනීමට එරට හමුදා ජෙනරාල්වරයෙක් ගත් උත්සාහය ව්‍යාර්ථ වී තිබෙන බව විදෙස් මාධ්‍ය වාර්තා කරයි, මෙම කුමන්ත්‍රණයේ ප්‍රධානියා ලෙස හඳුනාගත් ජෙනරාල් Juan José Zúñiga ව එරට පොලීසිය විසින් අත්අඩංගුවට ගෙන ඇත, කුමන්ත්‍රණයට නායකත්වය දුන් ජෙනරාල්වරයා පවසා තිබුණේ එරට ප්‍රජාතන්ත්‍රවාදය ප්‍රතිව්‍යුහගත කිරීම ඔහුගේ උත්සාහය බවයි. නමුත් ජනාධිපති ලුවී ආර්ස් පවසා ඇත්තේ මෙය සිය රට අස්ථායි කිරීමට ඔවුන් ගන්නා උත්සාහයක් බවයි එමෙන්ම ක්‍රමන්ත්‍රණකරුවන්ගේ ප්‍රකාශය තමන් ප්‍රතික්ෂේප කරන බව ද ඔහු වැඩිදුරටත් ප්‍රකාශ කලේය.

Posted on: June 27, 2024

ක්‍රිස් සිල්වර්වූඩ් ක්‍රිකට් පුහුණුකරු ධූරයෙන් ඉවත් වේ.

ශ්‍රී ලංකා ජාතික ක්‍රිකට් කණ්ඩායමේ ප්‍රධාන පුහුණුකරු ක්‍රිස් සිල්වර්වූඩ් මහතා තම ධුරයෙන් ඉල්ලා අස්වුණු බවට වාර්තා වේ. ඒ තම පවුලේ සාමාජිකයන් සමඟ කාලය ගත කිරීමට අවශ්‍ය බව දැනුම් දෙමිනි. ඔහුගේ ධුර කාලය තුළ ශ්‍රී ලංකා ක්‍රිකට් ක්‍රීඩාව සඳහා සිදුකළ වටිනා දායකත්වයට ස්තුති වන්ත වන බව ශ්‍රී ලංකා ක්‍රිකට් ආයතනය මෙම ඉල්ලා අස්වීම නිල වශයෙන් නිවේදනය කරමින් සඳහන් කර ඇත. ඔහුගේ පාලන කාලය තුළ ශ්‍රී ලංකා ක්‍රිකට් කණ්ඩායම 2022දී T 20 ආසියානු කුසලානය ජයගත් අතර 2023දී එක්දින ආසියානු කුසලානයේ අවසන් මහා තරඟයට තරඟ වැදුණේය.

Posted on: June 27, 2024

අභියෝග තේරුම් අරන් ප්‍රායෝගික විසදුම් ලබා දුන් කතාව ඇත්තක්ද?

ජනාධිපති රනිල් වික්‍රමසිංහ මහතා ජාතිය අමතා විශේෂ ප්‍රකාශයක් කරමින් ඊයේ (26) පවසා සිටියේ මේ අවස්ථාවේදී රටේ ජනතාව තීරණය කළයුත්තේ රට මුහුණදී ඇති අභියෝගය සැබෑ ලෙසම තේරුම්ගෙන ඊට ප්‍රායෝගික විසඳුම් ලබා දී ප්‍රතිඵල පෙන්වූ තමන් සමඟ එක්වී රට ඉදිරියට ගෙනයනවාද? එසේ නැතිනම්, තවමත් ප්‍රශ්නය තේරුම් ගෙන නැති, අඳුරේ අතපත ගාමින් බලය වෙනුවෙන් වෙහෙසෙන කණ්ඩායම් සමඟ එක් වෙනවාද යන්න බවයි.
එමෙන්ම ශ්‍රී ලංකාවේ ප්‍රධාන නිල ද්විපාර්ශ්වික ණය හිමියන් සමඟ අවසන් එකඟත්වයට පැමිණීම රටට ආදරය කරන සියලු දෙනාට සුබ ආරංචියක් බවද එතුමා පැවසීය.
ණය ගෙවීමට වසර දෙකක සහන කාලයක් ලැබීම හා රටේ තව තවත් ණය බර වැඩි වීම මෙන්ම තවමත් ණය ගෙවීමට පටන් නෙ‍ාගැනීම යන හේතු කාරනා නිසාවෙන් ජනාධිපති රනිල් වික්‍රමසිංහ මහතා පවසන අයුරින් රට මුහුණදී ඇති අභියෝගය සැබෑ ලෙසම තේරුම්ගෙන ඊට ප්‍රායෝගික විසඳුම් ලබා දී ඇත්ද යන්න දේශපාලන විචාරකයන් විසින් ප්‍රශ්න කරයි.
එමෙන්ම දිනෙන් දින අළුත් වන බදු පනත් මගින් සාමාන්‍ය ජනතාව පීඩාවට පත් කරන අතර ඉදිරියට කුමන ආකාරයේ බදු බරක් ජනතාවගේ කරපිටට වැටෙයිද සිතා ගත නොහැති බවත් ජනතාව බදු බරින් ඕනෑවටත් වඩා දැනටමත් පීඩා විිදින බවත් පවසමින් ආරංචිය සුභ නොවන බවට දේශපාලන විචාරකයන් විසින් විවිධ මත පළ කර ඇත.

Posted on:

20යි 20 ක්‍රිකට් අවසන් පූර්ව තරඟය අද

20යි 20 ලෝක කුසලාන ක්‍රිකට් තරගාවලියේ අවසන් පූර්ව වටය මේ වන විට ඇෆ්ගනිස්තාන කණ්ඩායම සහ දකුණු ආප්‍රිකා කණ්ඩායම සමඟ පැවැත්වෙන අතර තරගයේ කාසියේ වාසිය දිනාගනිමින් ප්‍රථමයෙන් පන්දුවට පහරදුන් ඇෆ්ගනිස්තාන කණ්ඩායම පන්දුවාර 11 පන්දු 5ක් අවසානයේ සියලුදෙනා දැවී ලකුණු 56ක් රැස්ක‍ර තිබේ. Azmatullah Omarzai ඇෆ්ගනිස්තානය වෙනුවෙන් ලකුණු 10ක් රැස් කල අතර පන්දු යැවීමේදී දකුණු අප්‍රිකානු කණ්ඩායම වෙනුවෙන් Marco Jansen සහ Tabraiz Shamsi කඩුලු 03 බැගින් දවාගෙන තිබේ. දකුණු අප්‍රිකානු කණ්ඩායමට තරගය ජය ගැනීම සඳහා ලකුණු 57ක ඉලක්කයක් හිමිව තිබේ.

Posted on: June 27, 2024

උපදේශක මහේල ඉල්ලා අස්වෙයි

උපදේශක පුහුණුකරු ධූරයෙන් මහේල ජයවර්ධන මහතා ඉල්ලා අස්වී ඇති බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් පවසා ඇත.

Posted on: June 26, 2024

ණය ප්‍රතිව්‍යුහගතකරණයේ අවසන් එකඟතාවකට පැමිණෙයි

ශ්‍රී ලංකාව ද්විපාර්ශ්වික ණය දෙන්නන්ගේ නිල ණයකරුවන්ගේ කමිටුව සමඟ ඇමරිකානු ඩොලර් බිලියන 5.8 ක ණය සඳහා අවසන් ප්‍රතිව්‍යුහගත කිරීමේ ගිවිසුමකට එළඹ ඇත.
මෙම ගිවිසුම මගින් ද්විපාර්ශ්වික ණය දෙන්නන් සමඟ සැලකිය යුතු ණය සහනයක් හිමිවන බව වාර්තා වේ.
මෙම ගිවිසුම මගින් ශ්‍රී ලංකාවට අත්‍යවශ්‍ය මහජන සේවාවන් සඳහා අරමුදල් වෙන් කිරීමට සහ එහි සංවර්ධන අවශ්‍යතා සඳහා සහනදායී මූල්‍ය පහසුකම් ලබා ගැනීමට ද ඉඩ ඇති බව සඳහන් වේ.

Posted on: June 26, 2024

සපුගස්කන්ද තෙල් පිරිපහදුව රජය සතු වෙනම ආයතනයක් කරයි

විදුලිබල හා බලශක්ති අමාත්‍ය කාංචන විජේසේකර මහතා සඳහන් කර සිටියේ ලංකා ඛනිජතෙල් නීතිගත සංස්ථාව ප්‍රතිව්‍යූහගත කිරීමේ පළමු පියවර ලෙස සපුගස්කන්ද තෙල් පිරිපහදුව රජය සතු වෙනම ආයතනයක් බවට පත්කරන බවයි. ඒ අනුව එහිදී තෙල් පිරිපහදුවට අවශ්‍ය ආයෝජනය සොයාගැනීම, ඉන්ධනවල ප්‍රමිතිය, කාර්යක්ෂමතාව සහ ධාරිතාව ඉහළ නංවා පිරිවැය අඩු කිරීමට හැකි බව ද එමෙන්ම ඛනිජ තෙල් සංස්ථාවේ අනුමත සේවක සංඛ්‍යාව සහ වැටුප් ව්‍යූහය සමාලෝචනය කර විවිධ කාර්යන් සහ සේවාවන් සඳහා ඩිජිටල් වේදිකා හඳුන්වාදීමට ද නියමිත බව අමාත්‍යවරයා තවදුරටත් පවසා තිබේ.මෙහිදී ප්‍රතිසංස්කරණ ක්‍රියාත්මක කරන කාලය සහ ක්‍රියාවලිය සම්බන්ධයෙන් ලංකා ඛනිජ තෙල් නීතිගත සංස්ථාව සහ තෙල් පිරිපහදුව යන ආයතනවල ජ්‍යෙෂ්ඨ කළමනාකාරීත්වය සමඟ අමාත්‍යවරයා විශේෂ සාකච්ඡාවක් පැවැත්වූ බව ද එතුමා වැඩි දුරටත් ප්‍රකාශ කර තිබේ.

Posted on: June 26, 2024

බදු වැඩි කිරීම නිසා ගිණිගත් පාර්ලිමේන්තුව

කෙන්යාවේ රජය විසින් ජනතාව මත නව බදු යෝජනාවලියක් ක්‍රියාත්මක කිරීම හේතුවෙන් එහි ව්‍යවස්ථාදායකය වන පාර්ලිමේන්තුවට ගිනි තබා විනාශ කර ඇති බව විදෙස් ආරංචි මාර්ග සඳහන් කර ඇත.විරෝධතාකරුවන් වීදි බැස උද්ඝෝෂණය සිදුකරමින් පැමිණ පාර්ලිමේන්තුවට කඩාවැදී ඇති බව සහ පාර්ලිමේන්තු සංකීර්ණයට ඇතුල් වී එම පරිශ්‍රයේ කොටසක් ගිනි තබා ඇති බව ද සඳහන් වේ. මෙම තත්ත්වය පාලනය කිරීමට ආරක්ෂක අංශ සහ පොලිසියද පැමිණ ඇති බව ද වාර්තා වේ. දින ගණනාවක් තිස්සේ බදු වැඩි කිරීම සහ මූල්‍ය පනත් කෙටුම්පතකට එරෙහිව මෙම විරෝධතාවය ක්‍රියාත්මක වන බව ද සඳහන් වන අතර ඊයේ දින එරට ජනාධිපති ලියම් රූටෝ හදිසි තත්ත්වයක් නම් කරමින් පවසා ඇත්තේ රටේ ආරක්ෂාව සහ ස්ථාවරත්වය වෙනුවෙන් භයානක අපරාධකරුවන් විසින් දරන ඕනෑම උත්සාහයක් ව්‍යාර්ථ කිරීමට අවශ්‍ය හැකි ඕනෑම ප්‍රයත්නයක් දරන බවයි. පාර්ලිමේන්තු මන්ත්‍රීවරුන් සංශෝධිත පනත් කෙටුම්පත් සම්මත කිරීම සමඟ මෙම තත්ත්වය එළඹ ඇති බවත් එහිදී විරෝධතාකරුවන් විසින් සෙංකෝලය ද සොරකම් කරගෙන ගොස් ඇති බවත් විදෙස් වාර්තා වැඩිදුරටත් සඳහන් කර ඇත.

Posted on: June 26, 2024

ජාතිය ඇමතීම අද

රටේ වත්මන් ආර්ථික තත්ත්වය පිළිබඳ හා විදෙස් ණය ප්‍රතිව්‍යුහගත කිරීම සම්බන්ධයෙන් මේ වන විට ලබා ඇති ප්‍රගතිය පිළිබඳ ජනතාව දැනුවත් කිරීම සඳහා ජනාධිපති රනිල් වික්‍රමසිංහ මහතා අද ජාතිය අමතා විශේෂ ප්‍රකාශයක් සිදු කිරීමට නියමිත බව වාර්තාවේ. මෙය රාත්‍රී 8ට විදත් මාධ්‍ය ඔස්සේ විකාශය කිරීමට සූදානම් බවත් රටේ ආර්ථිකය පිළිබඳ රජය ගන්නා ඉදිරි ක්‍රියාමාර්ග සම්බන්ධයෙන් මෙහිදී අදහස් දැක්වීමට සූදානම් බවත් ආරංචි මාර්ග වැඩිදුරටත් ප්‍රකාශ කර ඇත.ඒ අනුව මෙම ප්‍රකාශයන් සමඟ ජනතාවට ඉදිරියේදී සහන රැසක් හිමිවනු ඇතැයි විශ්වාස කරන බව ද සඳහන් ය.