ප්‍රධාන පුවත – Page 18

Posted on: September 4, 2024

‍තැපැල් ඡන්ද සළකුණු කිරීම ඇරඹෙයි.

මෙවර ජනාධිපතිවරණයට අදාළ තැපැල් ඡන්ද සලකුණු කිරීම අද ආරම්භ වූ අතර අද පෙරුවරු 9.00 සිට පස්වරු 4.00 දක්වා තැපැල් ඡන්ද සලකුණු කිරීමේ කටයුතු සිදු කිරීමට නියමිතව ඇත.
දිස්ත්‍රික් ලේකම් කාර්යාල, මැතිවරණ කොමිශන් සභාවේ කාර්යාල, ජ්‍යෙෂ්ඨ සහ නියෝජ්‍ය පොලිස්පති කාර්යාල, පොලිස් අධිකාරී සහ සහකාර පොලිස් අධිකාරී කාර්යාල, පොලිස් ස්ථාන, විශේෂ කාර්ය බළකා කඳවුරු, විශේෂ පොලිස් ඒකක සහ ප්‍රභූ ආරක්ෂක කොට්ඨාසය යන ස්ථානවල සේවය කරන කාර්ය මණ්ඩලවලට අද තැපැල් ඡන්ද ප්‍රකාශ කිරීමේ හැකියාව පවතී.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: September 3, 2024

උප්පැන්න, විවාහ,මරණ සහතික කිරීම ඔන්ලයින් ක්‍රමයට

උප්පැන්න, විවාහ,මරණ සහතික ඔන්ලයින් ක්‍රමයට සහතික කර ගැනීම සඳහා විදේශ කටයුතු අමාත්‍යාංශයේ කොන්සියුලර් අංශය කටයුතු යොදා තිබේ.
ඒ සඳහා වන ඔන්ලයින් ද්වාරය ඊයේ දියත් කෙරුනු අතර විදේශ ඇමැති අලි සබ්රි ‘X’ සමාජ මාධ්‍ය වේදිකාවේ සටහනක් තබමින් සඳහන් කළේ මීට වසර දෙකකට පෙර, අමාත්‍යාංශය භාර ගන්නා විට, මෙම සේවාවන් සඳහා ඇති ඉල්ලුම හේතුවෙන් විශාල ජනකායක් පැමිණි අතර එක රැයකින් පෝලිම් ද ඇති වූ බවයි.
මෙම ගැටලුව විසඳීම සඳහා මූලික පියවරක් ලෙස විදේශ අමාත්‍යාංශය විසින් eChanneling ද්වාරය හරහා අන්තර්ජාලය ඔස්සේ හඳුන්වා දී මහජන අපහසුතා සැළකිව යුතු ලෙස අඩු කල අතර ඒ මහතා පෙන්වා දුන්නේ දැනට 50-55% ලේඛන සඳහා අමාත්‍යාංශයට මාර්ගගත සහතිකය සම්පූර්ණ කළ හැකි බවයි.
ඉදිරියේ දී සියලුම ලේඛන අන්තර්ජාලය හරහා සහතික කිරීමේ හැකියාව ලබා ගැනීමට කටයුතු කරමින් සිටින බව ද ඔහු සඳහන් කරයි.

Posted on: September 3, 2024

සමිත දුලාන්ගෙන් රිදී පදක්කමක්

පැරිස් 2024 පැරාලිම්පික් ක්‍රීඩා උළෙලේ පිරිමි හෙල්ල විසිකිරීම (F64) ඉසව්වෙන් රිදී පදක්කම දිනා ගැනීමට ශ්‍රී ලංකාවේ සමිත දුලාන් කොඩිතුවක්කු සමත්වී තිබෙනවා.
මීටර 67.03 ක පුද්ගලික හොඳම දුරක් සමඟින් දුලාන්ට F44 කාණ්ඩයේ ඔහුගේම පෙර පැවති ලෝක වාර්තාව (මීටර් 66.49) ද බිඳ දැමීමටද හැකිවී ඇති බවයි වැඩිදුරටත් සඳහන් වෙන්නේ.

Posted on:

2024 වසරට අදාල ශිෂ්‍යත්ව විභහගයට දින නියම වෙයි.

සැප්තැම්බර් මස 15 වනදා 2024 වසරේ 5 ශ්‍රේණිය ශිෂ්‍යත්ව විභහගය පැවැත්වෙන බව විභහග දෙපාර්තමේන්තුව නිවේදනය කර ඇත.
ඒ අනුව සැප්තැම්බර් මස 15 වන ඉරිදා දින උදෑසන 9.30 සිට 10.45 දක්වා දෙවන ප්‍රශ්න පත්‍රයද එදින උදෑසන 11.15 සිට දහවල් 12.15 දක්වා පළමු පත්‍රයද පැවැත්වීමට නියමිත බව වාර්තා වේ.
අපේක්ෂකයින්ගේ පැමිණීමේ ලේඛනය අදාළ පාසල් විදුහල්පතිවරුන් වෙත මේ වනවිට තැපැල් මඟින් යවා ඇති අතර විභහග මධ්‍යස්ථාන 2,649 කදී මෙම විභහගය පැවැත්වීමට කටයුතු සුදානම් කර ඇත.
මෙතෙක් එම ලේඛන නොලැබී ඇති විදුහල්පතිවරුන්ට www.doenets.lk හෝ https://onlineexams.gov.lk/eic පිවිසීමෙන් ලේඛනය බාගත හැකි බව විභහග දෙපාර්තමේන්තුව වැඩි දුරටත් සදහන් කර ඇත.

Posted on: September 3, 2024

කරුණාරත්න පරණවිතාන පාර්ලිමේන්තු මන්ත්‍රීවරයෙක් ලෙස දිවුරුම් දෙයි

කරුණාරත්න පරණවිතාන මහතා මීට සුළු මොහොතකට පෙර පාර්ලිමේන්තු මන්ත්‍රීවරයෙක් ලෙස කථානායක මහින්ද යාපා අබේවර්ධන ඉදිරියේදී දිවුරුම් දෙනු ලැබීය.
තලතා අතුකෝරාල ඉවත්වීමෙන් පුරප්පාඩු වූ මන්ත්‍රී ධූරය සඳහා එතුමා මෙලෙස දිවුරුම්දී ඇත.

Posted on: September 2, 2024

බස් ගාස්තු සංශෝධනයක් සිදු නොවේ.

ඉන්ධන මිල පහළ දැමුවද බස් ගාස්තු සංශෝධනයක් සිදු නොවන බව ජාතික ගමනාගමන කොමිෂන් සභාව පවසා ඇත.

Posted on: September 2, 2024

ඡන්දෙට කලින් ලංවිමට 25%ක පඩි වැඩිවෙන ලකුණු

ජනාධිපතිවරණයට පෙර ලංකා විදුලිබල මණ්ඩලයේ සේවකයන්ට 25% ක පමණ වැටුප් වැඩිවීමක් ලැබීමට ඉඩ ඇති බව
‘ද සන්ඩේ මෝර්නින්’ වාර්තා කර ඇත.
විදුලිබල හා බලශක්ති අමාත්‍යාංශය විසින් අදාළ කැබිනට් පත්‍රිකාව දැනටමත් ඉදිරිපත් කර ඇති අතර, එය හෙට (2) පැවැත්වෙන කැබිනට් රැස්වීමේදී සාකච්ඡා කිරීමට බලාපොරොත්තු වන ද වාර්තා වේ.
මසකට රුපියල් මිලියන 750ක් පමණ මෙම වැටුප් වැඩිකිරීම සඳහා අතිරේකව වෙන්කිරීමට සිදුවනු ඇති බවයි වාර්තා වන්නේ.
රජය පොරොන්දු වී ඇති රුපියල් 10,000ක අතිරේක වැටුප් වැඩිවීම මෙම වැටුප් වර්ධකයට අතිරේකව ලබාදෙනු ඇතැයිද වාර්තා වී ඇත

Posted on: September 2, 2024

මෛත්‍රී ට එරෙහිව පෙත්සමක්

අධිකරණයට අපහාස කළේ යැයි චෝදනා කරමින් හිටපු ජනාධිපති මෛත්‍රිපාල සිරිසේන මහතාට එරෙහිව ගොනුකර ඇති පෙත්සමක් සලකාබැලීම සඳහා මේ මස 27 වනදා ඔහුව කැඳවන ලෙස ශ්‍රේෂ්ඨාධිකරණය නියම කළේය.
එම අවස්ථාවේදී වගඋත්තරකාර මෛත්‍රිපාල සිරිසේන මහතා වෙනුවෙන් පෙනී සිටි ජනාධිපති නීතිඥ මෛත්‍රී ගුණරත්න මහතා අධිකරණය හමුවේ කරුණු දක්වමින් තම සේවාදායකයා ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කිරීම වළක්වාලමින් කොළඹ දිසා අධිකරණය විසින් අතුරු තහනම් නියෝගයක් නිකුත් කිරීමෙන් පසුව ඔහු පක්ෂයේ සභාපති ධුරයෙන් ඉල්ලා අස්වූ බව සඳහන් කළේය.

ඒ අනුව ඔහු සභාපති ධුරයේ අඛණ්ඩව කටයුතු කිරීමක් නොකළ බවත් ඔහු අධිකරණ නියෝග උල්ලංඝනය කරමින් අපහාසයක් සිදුකර නොමැති බවත් ජනාධිපති නීතිඥවරයා පෙන්වා දුන්නේය.
මෙම පෙත්සම අද (02) අභියාචනාධිකරණ විනිසුරු ශෂී මහේන්ද්‍රන් මහතා ඉදිරියේ කැඳවනු ලැබීය.
එම අවස්ථාවේදී පෙත්සම්කරු වෙනුවෙන් පෙනී සිටි නීතීඥ ශාන්ත ජයවර්ධන මහතා අධිකරණය හමුවේ ඉල්ලීමක් කරමින් මෙම පෙත්සම කරුණු තහවුරු කිරීම සඳහා දිනයක් ලබා දෙන ලෙස ඉල්ලා සිටි අතර එහිදී අදාළ පෙත්සම සලකා බැලීම සඳහා මේ මස 27 වනදා කැඳවන ලෙස අධිකරණය නියෝග කළේය.

Posted on: September 2, 2024

ඡන්ද පත්‍රිකා අද තැපෑලට

ජනාධිපතිවරණයේ නිල ඡන්ද පත්‍රිකා, අද (02) තැපෑලට භාරදීමට සියලු කටයුතු මේ වනවිට සූදානම් කර ඇති බව මැතිවරණ කොමිෂන් සභාව සඳහන් කර ඇත.

ඒ අනුව අඟහරුවාදා සිට නිල ඡන්ද පත්‍රිකා බෙදා හැරීම ආරම්භ කරන බවද, ඒ සඳහා තැපැල් සේවකයින් 8000 පමණ පිරිසක් යෙදවීමට නියමිත බවද ජ්‍යෙෂ්ඨ නියෝජ්‍ය තැපැල්පති රාජිත රණසිංහ වැඩිදුරටත් සඳහන් කර තිබේ.

Posted on: September 2, 2024

නාමල් දැක්ම එළිදකී

මීට සුළු මොහොතකට පෙර ශ්‍රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂගේ මැතිවරණ ප්‍රතිපත්ති ප්‍රකාශය එළි දක්වා ඇති අතර “නාමල් දැක්ම” ලෙස මෙම ප්‍රතිපත්ති ප්‍රකාශය නම් කර ඇති බව වාර්තා වේ.