ප්‍රධාන පුවත – Page 6

Posted on: October 3, 2024

ශ්‍රී ලංකා ක්‍රීඩකයෙකුට වසරක ක්‍රිකට් තහනමක්

ICC දූෂණ විරෝධී සංග්‍රහය උල්ලංගනය කළ බව ශ්‍රී ලංකා ක්‍රිකට් ක්‍රීඩක ප්‍රවීන් ජයවික්‍රම විසින් පිළිගැනීමෙන් පසුව ඔහුට වසරක සියලු ආකාරයේ ක්‍රිකට් තහනමක් පැනවීමට ජාත්‍යන්තර ක්‍රිකට් කවුන්සිලය තීරණය කර ඇති බව වාර්තා වේ.
ඔහුට එල්ල වූ චෝදනාව , ජාත්‍යන්තර ක්‍රිකට් තරගවලදී සහ 2021 ලංකා ප්‍රිමියර් ලීග් තරගාවලියේදී තරග පාවාදීම සඳහා ඔහු වෙත සිදුකර තිබූ යෝජනා සම්බන්ධයෙන් දුෂණ විරෝධී ඒකකය දැනුවත් නොකිරීම බව වැඩි දුරටත් වාර්තා වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: October 2, 2024

හෙට දිනයේ දිවයින පුරා සුරාසැල් වැසෙයි

ලෝක අමද්‍යප දිනය හෙට දිනයේ යෙදීම නිමිත්තෙන් හෙට (03) දිවයින පුරා පිහිටි මත්පැන් විකිණීමේ බලපත්‍ර ඇති සියලු ස්ථාන වසා තැබිය යුතු බව සුරාබදු කොමසාරිස් ජනරාල්වරයා නිවේදනය කර තිබේ.

Posted on: October 2, 2024

හොරා කෑවනම් ඔප්පු කරන ලෙස නාමල් අනුරට අභියෝග කරයි

හිටපු පාර්ලිමේන්තු මන්ත්‍රී නාමල් රාජපක්ෂ ව්සින් රාජපක්ෂ පාලනය මහජන මුදල් සොරකම් කළ බවට කරන චෝදනා ඔප්පු කරන ලෙස ජනාධිපති අනුර කුමාර දිසානායකට අභියෝග කරයි.
උගන්ඩාව සහ සීෂෙල්ස් ඇතුළු විවිධ රටවල මහජන මුදල් සොරකම් කර ගොඩගසා ඇති බවට ජනාධිපති දිසානායක විසින් මීට පෙර කළ ප්‍රකාශවල වීඩියෝ දර්ශන නාමල් රාජපක්ෂ සිය ‘X’ ගිණුමේ පළකරමින් මෙම අභියෝගය කර ඇත.
නාමල් රාජපක්ෂ පවසන්නේ, ජනාධිපතිවරයාට තම චෝදනා ඔප්පු කිරීමට දැන් කාලය එළඹ ඇති බවයි.

Posted on: October 2, 2024

නියමිත බස් ගාස්තු ඉක්මවුවහොත් වැඩ වරදී

අද සිට ක්‍රියාත්මක බස් ගාස්තුව ඉක්මවා මුදල් අයකරන බස්රථවලට එරෙහිව නීත්‍යනුකූල ක්‍රියාමාර්ග ගන්නා බව ජාතික ගමනාගමන කොමිෂන් සභාව පවසා ඇති අතර එලෙස නියමිත මුදල ඉක්මවා මුදල් අයකරන බස්රථ පිළිබඳ දැනුම්දෙන ලෙස එම කොමිෂන් සභාව මගීන්ගෙන් ඉල්ලීමක් කර ඇත.
1955 ක්ෂණික දුරකථන අංකයට හෝ 071 259 5555 වට්ස්ඇප් අංකයට පැමිණිලි ඉදිරිපත් කළ හැකි බව ජාතික ගමනාගමන කොමිෂන් සභාව වැඩිදුරටත් සඳහන් කර ඇත.

Posted on: October 2, 2024

වැඩිකළ පොහොර සහනාධාරය මැතිවරණයෙන් පසුව ගොවීන් වෙත.

වැඩිකළ පොහොර සහනාධාරය අදියර 2කින් ලබා දීමට කෘෂිකර්ම අමාත්‍යාංශය තීරණය කර තිබේ.
අමාත්‍යාංශ ලේකම් එම්.පී එම් වික්‍රමසිංහ සඳහන් කර සිටියේ වැඩිකළ පොහොර සහනාධාරය මහ මැතිවරණය අවසන් වන තෙක් අත්හිටුවන ලෙස මැතිවරණ කොමිසම කළ දැනුම්දීම හේතුවෙන් එම පියවර ගත් බව යි.
ඒ අනුව මෙතෙක් ගෙවන ලද රුපියල් 15000 ක පොහොර සහනාධාරය ගොවීන්ගේ බැංකු ගිණුම් වෙත කඩිනමින් මුදාහැරෙනු ඇති බවත් වැඩිකළ රුපියල් 10,000 මුදල මැතිවරණය අවසන් වූ පසු ගොවීන්ගේ බැංකු ගිණුම් වෙත මුදාහරින බවත් ලේකම්වරයා ප්‍රකාශ කර තිබේ.

Posted on: October 2, 2024

උතුරු නැගෙනහිර දමිළ පක්ෂ එකතුවෙන් මහමැතිවරණයට සංධානයක්

උතුරු පළාත සමග සමීප සම්බන්ධතා ඇති, ලයිකා (LYCA) ජංගම දුරකථන ජාලයේ හිමිකරු අල්ලිරාජා සුබාස්කරන් ඉදිරි මහමැතිවරණයට පෙර උතුරේ සහ නැගෙනහිර කැබලි වී ඇති දෙමළ දේශපාලන පක්ෂ එකතු කර දැවැන්ත දෙමළ දේශපාලන සන්ධානයක් පිහිටුවීමට උත්සාහ කරමින් දේශපාලනයට අවතීර්ණ වීමට සූදානම් වන බව වාර්තා වේ.
දෙමළ ජාතික සන්ධානයේ හිටපු පාර්ලිමේන්තු මන්ත්‍රී සිවඥානම් ශ්‍රීධරන් පසුගිය සෙනසුරාදා අල්ලිරාජා සුබාස්කරන් හමුවූ බවද වාර්තා සඳහන් කරයි.

Posted on: October 2, 2024

කාන්තා 20-20 ලෝක කුසලාන තරඟාවලිය හෙට ආරම්භ වෙයි

කාන්තා 20-20 ලෝක කුසලාන තරඟාවලිය හෙට (3) බංග්ලාදේශයේ සත්කාරකත්වයෙන් එක්සත් අරාබි එමීර් රාජ්‍යයේදී ඇරැඹීමට නියමිත අතර චමරි අතපත්තුගේ නායකත්වයෙන් යුත් ශ්‍රී ලංකා කණ්ඩායමේ පළමු තරඟය හෙට පකිස්තානය සමගින් පැවැත්වීමට නියමිතව ඇත. කාන්තා විස්සයි විස්ස ලෝක කුසලාන ඉතිහාසයේ 9 වැනි තරගාවලිය වන මෙවර තරගාවලිය සඳහා සහභාගී වන කණ්ඩායම් ගණන 10කි.

Posted on:

මව්බිම ජනතා පක්ෂයේ සභාපති ධුරය රොෂාන් රණසිංහට

හිටපු ක්‍රීඩා අමාත්‍ය රොෂාන් රණසිංහ දිලිත් ජයවීර නායකත්වය දරණ මව්බිම ජනතා පක්ෂය සමඟ එක්ව තිබේ.
ඒ අනුව ඔහු එම පක්ෂයේ සභාපතිවරයා වශයෙන් පත්කර ඇති බව සඳහන් වේ.
එසේම හිටපු අමාත්‍ය මහාචාර්ය චන්න ජයසුමන මව්බිම ජනතා පක්ෂයේ උපසභාපතිවරයා ලෙස පත්කර ඇති බවයි වැඩිදුරටත් සඳහන් වේ.

Posted on: October 2, 2024

මැතිවරණ නිලධාරීන් සහ පොලීසිය අතර සාකච්ඡාවක්

මැතිවරණ කොමිසමේ නිලධාරින් හා පොලිසිය අතර සාකච්ඡාවක් අද (02) පැවැත්වීමට නියමිතව තිබෙන බවට වාර්තා වේ.
ඒ අනුව ඉදිරි මහ මැතිවරණයේ ආරක්ෂක කටයුතු සම්බන්ධයෙන් එහිදී සාකච්ඡා කිරීමට නියමිත බවයි වැඩිදුරටත් සඳහන් වෙන්නේ.
ඒ සඳහා මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්පතිවරයා ඇතුළු පොලිස් නිලධාරින් පිරිසක් සහභාගි වීමට නියමිතව ඇත.

Posted on: October 2, 2024

මහ මැතිවරණයට නාමල් කුරුණෑගලින් ?

පොදුජන එක්සත් පෙරමුණේ හම්බන්තොට දිස්ත්‍රික් හිටපු පාර්ලිමේන්තු මන්ත්‍රී නාමල් රාජ්‍යක්ෂ මහතා මහ මැතිවරණයේ දී කුරුණෑගල දිස්ත්‍රික්කයෙන් තරග වැදීමට අවධානය යොමුකර ඇති බව විශ්වාස කටයුතු දේශපාලන ආරංචි මාර්ගවලින් වාර්තා වේ.
පක්ෂයේ ජ්‍යෙෂ්ඨයන් කිහිප දෙනකු සමග නාමල් රාජපක්ෂ මහතා සාකච්ඡා කර තිබෙන බවද වැඩි දුරටත් වාර්තා වේ. මීට පෙර නාමල් රාජපක්ෂ මහතා හම්බන්තොට දිස්ත්‍රික්කයෙන් පාර්ලිමේන්තුවට පත් අතර හිටපු ජනාධිපති මහින්ද රාජපක්ෂ මහතා 2020 වසරේ පැවැති මහ මැතිවරණයේ දී තරග කරනු ලැබුවේ කුරුණෑගල දිස්ත්‍රික්කයෙනි.