අලියත් සටනට සූදානම්
පිටකෝට්ටේ පක්ෂ මූලස්ථානයේ දී ඊයේ (2) ජනාධිපති රනිල් වික්‍රමසිංහ මහතාගේ ප්‍රධානත්වයෙන්
කෘත්‍යාධිකාරී මණ්ඩලය රැස් වී ඇති බව වාර්තා වේ.
එහි දි මැතිවරණ ඉලක්ක කරගනිමින් නව නිලධාරී මණ්ඩලයක් පත්කරගෙන ඇති බව ද ආරංචි මාර්ග විසින් සඳහන් කර ඇත.
ඒ අනූව ජාතික මැතිවරණ ලේකම් ලෙස හිටපු අමාත්‍ය රවී කරුණානායක මහතා ද ජාතික මැතිවරණ සංවිධායක ලෙස අමාත්‍ය හරින් ප්‍රනාන්දු මහතා සහ ජනාධිපති නීතිඥ රොනල්ඩ් පෙරේරා මහතා මැතිවරණ නියෝජ්‍ය මහ ලේකම් දුරයට පත් කර ඇත.
මීට අමතරව එක්සත් ජාතික පක්ෂයේ භාණ්ඩාගාරික ලෙස ෆිරොස් ශාබ්දින් මහතා ද භාණ්ඩාගාරික ලෙස කටයුතු කළ මිස්බා සතාර් මහතා උප සභාපති ලෙස ද ක්‍රිෂාන් තියඩෝර් මහතා නියෝජ්‍ය මහ ලේකම් ලෙස ද පත්කර ඇත.
එම පක්ෂයේ නියෝජ්‍ය නායක රුවන් විජේවර්ධන , මහ ලේකම් පාලිත රංග බණ්ඩාර, සභාපති වජිර අබේවර්ධන සහ ජාතික සංවිධායක සාගල රත්නායක, උපනායක අඛිල විරාජ් කාරීයවසම් මහත්වරුන් ප්‍රමුඛ සෙසු නිලධාරීන්ගේ තනතුරු වෙනස් නොවී පවත්වාගෙන යෑමට ද කෘත්‍යාධිකාරි මණ්ඩලයේදී තීරණය කරන බව ද වාර්තාවේ
සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1
