විදේශීය

Posted on: October 4, 2024

ඉන්දීය විදේශ ඇමති දිවයිනට

නිල සංචාරයක් සඳහා අද (04) ඉන්දීය විදේශ කටයුතු අමාත්‍ය ආචාර්ය එස්. ජෙයිශංකර් මහතා දිවයිනට පැමිනෙන බව වාර්තා වේ.
විදේශ කටයුතු අමාත්‍යාංශය සඳහන් කර සිටියේ, ඔහු එම සංචාරයේදී ජනාධිපති අනුර කුමාර දිසානායක සහ අග්‍රාමාත්‍ය හරිනි අමරසූරිය හමුවීමට නියමිත බවයි.
පසුව ඔහු විදේශ කටයුතු අමාත්‍ය විජිත හේරත් හමුවීමට නියමිත බවද වැඩිදුරටත් සඳහන් වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: September 16, 2024

නැවතත් හිටපු ජනපති ඝාතනය කිරීමේ උත්සහයක්

අමෙරිකාවේ හිටපු ජනාධිපති ඩොනල්ඩ් ට්‍රම්ප් ෆ්ලොරිඩා ගොල්ෆ් පිටියේදී ඝාතනය කිරීමේ උත්සහය ව්‍යර්ථ වී සැකකරුවෙක් අත්අඩංගුවට පත් වූ බව විදෙස් මාධ්‍ය වාර්තා කරනවා.

නමුත් එහිදී හිටපු අමෙරිකානු ජනාධිපතිවරයාට කිසිදු හානියක් සිදුව නොමැති අතර ආරක්ෂක නිලධාරීන් විසින් සැකකරුවෙකු යැයි සැලකිය හැකි පුද්ගලයෙකුව පසුව අත්අඩංගුවට ගෙන ඇති බව වැඩිදුර වාර්තා වෙයි. එමෙන්ම එරට මාධ්‍ය තවදුරටත් සඳහන් කළේ බුද්ධි අංශ නිලධාරීන් විසින් තුවක්කුකරුවෙක් සිටින බවට හඳුනාගෙන ඒ දෙසට වෙඩිතබා ඇති අතර එහිදී සැකකරු සිය තුවක්කුව සහ වෙනත් භාණ්ඩ කිහිපයක් එම ස්ථානයේ දමා පැනගොස් තිබුණි.

පසුගිය ජුලි මාසයේදී ද හිටපු ජනාධිපති ඩොනල්ඩ් ට්‍රම්ප් ව ඉලක්ක කර වෙඩි ප්‍රහාරයක් එල්ල විය. ඒ ට්‍රම්ප් පෙන්සිල්වේනියා ප්‍රාන්තයේදී සහභාගී වූ මැතිවරණ රැලියක් අතරතුරදීය.

Posted on: September 10, 2024

ඉන්දියාවටත් මන්කිපොක්ස් ඇවිත්

ඉන්දියාවෙන් පළමුවරට මන්කිපොක්ස් (mpox) වෛරස ආසාදිත බවට සැකසහිත රෝගියකු හමුව ඇති අතර එරට සෞඛ්‍ය අමාත්‍යාංශය නිවේදනය කළේ mpox වෛරසය පැතිර පවතින රටක සංචාරය කළ පුද්ගලයෙකු එලෙස ආසාදිතයකු ලෙස හඳුනාගෙන ඇති බවයි.
මෙම තරුණ පිරිමි රෝගියා රෝහලක හුදෙකලා කර වෛද්‍ය අධීක්ෂණය යටතේ සිටින බවත්, මේ වනවිට ඔහුගේ සෞඛ්‍ය තත්ත්වය ස්ථාවර බවත් ඉන්දීය සෞඛ්‍ය අමාත්‍යංශය නිවේදනය කර ඇත.
රට තුළ වෛරස පැතිර යෑම වැළැක්වීම සඳහා පූර්ව පියවර ක්‍රියාත්මක බව ද ඉන්දීය සෞඛ්‍ය බලධාරීන් පවසා තිබේ.
එහෙත් ආසාදනය තහවුරු කිරීම සඳහා පරීක්ෂණ පවත්වනු ලැබේ.

Posted on:

ඉන්ධන බවුසරයක් අනතුරට ලක්වීමෙන් 48 දෙනෙකු මියයයි

නයිජීරියාවේ අගේ ප්‍රදේශයේදී ඉන්ධන ප්‍රවාහන බවුසරයක් අනතුරට ලක්වීමෙන් පුද්ගලයින් 48 දෙනෙකු මියගොස් ඇති අතර තුවාල ලැබූ පුද්ගලයින් සංඛ්‍යාව සියයකට ආසන්න බව විදෙස් මාධ්‍ය වාර්තා කරනවා. ඉන්ධන රැගත් බවුසරය, ගවයින් ප්‍රවාහනය කරමින් තිබූ ට්‍රක් රථයක ගැටීමෙන් මේම අනතුර සිදු වී ඇති බවටයි වැඩිදුර වාර්තා වන්නේ.
අනතුරින් ට්‍රක් රථයේ සිටි ගවයින් 50 දෙනෙකු ද, මියගොස් තිබේ. අනතුර සිදුවූ ස්ථානයේ අඛණ්ඩ සෝදිසි මෙහෙයුම් ක්‍රියාත්මක බව විදෙස් මාධ්‍ය තවදුරටත් වාර්තා කළේ ය.

Posted on: September 6, 2024

ජනපති පුතා අධිකරණය ඉදිරියේදී වරද පිළිගනී.

අමෙරිකානු ජනාධිපති ජෝ බයිඩන් ගේ පුත් හන්ටර් බයිඩන්ට එරෙහිව එල්ල වූ ඩොලර් මිලියන 1.4ක බදු ගෙවීම පැහැර හැරීමේ චෝදනාවලට ඔහු වරදකරු බව පිළිගෙන ඇති බව වාර්තා වේ.

ලොස් ඇන්ජලීස් ෆෙඩරල් අධිකරණයකදී ජූරි සභිකයින් නඩු විමසුම අරඹන විටම හන්ටර් බයිඩන් තමන්ට එරෙහිව ඇති චෝදනා 9ටම වැරදිකරු බවත් පිළිගත් බවත් ඒ අනුව හන්ටර් බයිඩන් ට වසර 17ක සිර දඩුවමක් සහ ඩොලර් මිලියන ගණනක දඩයක් නියමවීම ඉඩ ඇති බවත් දඬුවම් නියම කිරීමේ දී ඔහු වරද පිළිගැනීමත් විශේෂිතව සලකා බැලීමට ඉඩ ඇති බවත් වාර්තා වේ.

Posted on: September 5, 2024

14 හැවිරිදි සිසුවෙක් විසින් කළ වෙඩි තැබීමකින් පුද්ගලයින් හතරදෙනෙකු මියයයි

ජෝර්ජියාවේ උසස් පාසලක 14 හැවිරිදි සිසුවෙක් විසින් කළ වෙඩි තැබීමකින් පුද්ගලයින් හතරදෙනෙකු මියගොස් තවත් පුද්ගලයින් 09 දෙනෙකු තුවාල ලබා ඇති බව විදෙස් මාධ්‍ය වාර්තා කරනවා.

එලෙස මියගොස් ඇත්තේ එම පාසලේම 14 හැවිරිදි සිසුන් දෙදෙනෙක් සහ ගුරුවරුන් දෙදෙනෙකි.
කෙසේ වෙතත් වෙඩි තැබීමට හේතුව මෙතෙක් අනාවරණය වී නොමැති අතර සැකකරු අත්අඩංගුවට ගෙන ඇති බව විදෙස් මාධ්‍ය වැඩිදුරටත් වාර්තා කරනවා

Posted on: August 28, 2024

තුන්වන ලෝක යුද්ධයේ ආරම්භය ද ?

යුක්රේනයට යුධ ආධාර ලබාදී රුසියාවට පහර දීමට ඉඩ සැලසීමෙන්, තුන්වන ලෝක යුද්ධයක් ආරම්භ විය හැකි බවට රුසියාව, අමෙරිකාවට අනතුරු අඟවා තිබේන බවට විදේස් මාධ්‍ය වාර්තා කරනවා.
රුසියාව වැඩිදුරටත් ප්‍රකාශ කරන්නේ එය සිදු වුවහොත් එය යුරෝපයට පමණක් සීමා නොවනු ඇති බවයි.

යුක්රේනය පසුගිය 06 වැනිදා රුසියාවේ බටහිර කර්ස්ක් ප්‍රදේශයට ප්‍රහාරයක් එල්ල කර ආක්‍රමණයක් සිදු කළේය.
දෙවන ලෝක යුද්ධයෙන් පසු රුසියාවට එල්ල වූ විශාලතම ආක්‍රමණය එය වේ.

Posted on: August 27, 2024

රැකියා වේලාවෙන් පසු රාජකාරි පණිවිඩ සඳහා ප්‍රතිචාර නොදී සිටීමේ අයිතිය ලැබේ

රැකියා වේලාවෙන් පසු කිසියම් සේවකයකුට ලැබෙන රාජකාරි පණිවිඩ සඳහා ප්‍රතිචාර නොදක්වා සිටීමේ අයිතිය හෙවත් විසන්ධි කිරීමේ අයිතිය(right to disconnect ) සම්බන්ධ නීතිය ඕස්ට්‍රේලියාවේ අද සිට ක්‍රියාත්මක වන බවට විදෙස් මාධ්‍ය වාර්තා කරයි.
ඒ අනුව රාජකාරි වේලාවන් පසු ලැබෙන දුරකථන ඇමතුම්,ඊ මේල් පණිවීඩ සහ කෙටි පණිවීඩ සඳහා අද සිට ප්‍රතිචාර නොදැක්වීමට හෝ විසන්ධි කිරීමට සේවකයන්ට හැකියාව ඇත.
ඊට එරෙහිව ක්‍රියා කරන හාම්පුතුන්ට විරුද්ධව ඕස්ට්‍රේලියානු ඩොලර් 93,900ක දඩ මුදලක් නියම කළ හැකි බව එරට වාර්තා පෙන්වාදෙයි.
රැකියාවෙන් පසු සේවකයන්ට වඩාත් හොඳ පෞද්ගලික ජීවිතයක් ගතකිරීමට අවස්ථාව උදාකර දීම සඳහා ඕස්ට්‍රේලියානු රජය මෙලෙස නීති හදුන්වා දී ඇති බවයි වාර්තා වන්නේ.

Posted on: August 26, 2024

පකිස්තානයට ත්‍රස්ත ප්‍රහාරයක්

මගී බස්රථ ඉලක්ක කර ගෙන නිරිතදිග පාකිස්තානයට ත්‍රස්ත ප්‍රහාරයක් එල්ලකර ඇති බව වාර්තා වේ.
ඉන් පුද්ගලයින් 23 දෙනෙක් මියගොස් ඇති බව සඳහන් වන අතර එරට අභ්‍යන්තර කටයුතු පිළිබඳ අමාත්‍යවරයා එම ප්‍රහාරය සම්බන්ධයෙන් තොරතුරු අනාවරණය කර ඇත.

Posted on: August 26, 2024

ටෙලිග්‍රෑම් ප්‍රධාන විධායක නිලධාරී පවෙල් ඩුරොව් අත්අඩංගුවට

ටෙලිග්‍රෑම්හි ප්‍රධාන විධායක නිලධාරී පවෙල් ඩුරොව් ප්‍රංශ පොලිසිය විසින් අත්අඩංගුවට ගෙන තිබේන බව විදේස් මාධ්‍ය සදහන් කරනවා. ඔහුගේ පෞද්ගලික ජෙට් යානය Le Bourget ගුවන් තොටුපළට ගොඩබැස්සවීමෙන් පසු පවෙල් ඩුරොව් පොලිසිය විසින් රඳවාගෙන සිටි බවයි වැඩි දුරටත් සදහන්
ටෙලිග්‍රෑම්හි සාපරාධී භාවිතයන් මැඩලීමට පියවර ගැනීමට අපොහොසත් වීම සම්බන්ධයෙන් ඩුරොව් මහතාට චෝදනා එල්ල වි තිබේ. ඒ සම්බන්ධයෙන් වරෙන්තු ලබා සිටියදී ඔහු අත්අඩංගුවට ගෙන තිබේ.