විදේශීය – Page 4

Posted on: July 10, 2024

හමාස් යුද්ධයෙන් මිය ගිය පිරිස 38240 දක්වා ඉහළට

ඊශ්‍රායල් හමාස් යුද ගැටුම් හේතුවෙන් පලස්තීනුවන් 38,240 දෙනෙකු ඉක්මවා මියගොස් ඇති බව සහ ඊස්‍රායලය විසින් ගාසා තීරයට එල්ල කළ ගුවන් ප්‍රහාරය හේතුවෙන් පලස්තීනුවන් 30කට වැඩි පිරිසක් මියගොස් ඇති බවත් තවත් විශාල පිරිසක් තුවල ලැබ ඇති බවත් වාර්තා වේ. ඒ අනූව මෙම ප්‍රහාරය සිදු කර ඇත්තේ හමාස් සංවිධායන ප්‍රධානියෙකු ඉලක්ක කරගනිමින් බව සහ එය එල්ල කර ඇත්තේ ආබාධිත පුද්ගලයන් තුවාලකරුවන් රැඳී සිටින කඳවුරකට බවත් විදෙස් මාධ්‍ය වැඩිදුරටත් මෙහිදී සඳහන් කර ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 9, 2024

ළමා රෝහලකට මිසයිල ප්‍රහාරයක්

රුසියන් හමුදාව විසින් යුක්රේනයේ කීව් අගනුවර ස්ථාන කීපයකට මිසයිල ප්‍රහාර එල්ල කර ඇති අතර ඉන් එක් ප්‍රහාරයක් හේතුවෙන් ඔහ්මට්යාඩ් නමැති ළමා රෝහල් ගොඩනැගිල්ල විනාශ වී එහිදී දෙදනකු ජීවිතක්ෂයට පත්ව ඇති බව වාර්තා වේ. රුසියන් ප්‍රහාරවලින් 36 දෙනකු ජීවිතක්ෂයට පත්වුණු අතර, 140 කට වැඩි පිරිසක් තුවාල ලැබූ බව විදෙස් මාධ්‍ය පවසයි. පිළිකා රෝගීන්ට ප්‍රතිකාර ලබා දෙන සහ ඉන්ද්‍රයන් බද්ධ කිරීම් සිදු කරන කීව් අගනුවර ප්‍රධාන පෙළේ රෝහලක් ලෙස ඔහ්මට්යාඩ් ළමා රෝහල සැලකෙන අතර ප්‍රහාරයත් සමඟ රෝහල් ගොඩනැගිල්ලේ පිපිරීම් කීපයක් සිදුවුණු බව වාර්තා වී තිබේ.

Posted on:

බ්‍රිතාන්‍ය පාර්ලිමේන්තුවට ගිය ලංකාවේ උමා

බ්‍රිතාන්‍ය මහ මැතිවරණයට කම්කරු පක්ෂය නියෝජනය කරමින් ශ්‍රී ලංකා සම්භාවයක් සහිත උමා කුමාරන් මහත්මිය ඡන්ද 19,145 ලබා ගනිමින් එරට පාර්ලිමේන්තුවට පත්වූ බව වාර්තා වේ. ඒ අනූව මෙම මැතිවරණයේ දී ඡන්ද 19,145 ක් ලබා ගනිමින් ස්ට්‍රැට්ෆෝර්ඩ් සහ බෝ ආසනය නියෝජනය කරමින් පාර්ලිමේන්තුවට තේරී පත්වූ ප්‍රථම පාර්ලිමේන්තු මන්ත්‍රීවරිය වීමට උමා කුමාරන් මහත්මිය එහිදී වාසනාවන්ත වී ඇත.

Posted on: July 6, 2024

සටන් විරාමයකට සුදානම්

ඊශ්‍රායල – හමාස් යුද්ධයේ සටන් විරාමයකට එළඹීම සඳහා සාකච්ඡා ලබන සතියේ ආරම්භ කරන බව ඊශ්‍රායල අග්‍රාමාත්‍ය බෙන්ජමින් නෙතන්යාහු පවසන බව විදේස් මාධ්‍ය වාර්තා කරයි. සටන් විරාමයක් සහ ප්‍රාණ ඇපකරුවන් නිදහස් කිරීම සඳහා වූ ගිවිසුමක් සම්බන්ධයෙන් දෙපාර්ශවය මේ වන තෙක් එකඟතාවකට පැමිණ නොමැති අතර, හමාස් සංවිධානය පවසන පරිදි ගාසා සටන් විරාමයක් සඳහා එක්සත් ජනපද සැලැස්ම යෝජනා කර ඇති අතර සංශෝධනවලට ඊශ්‍රායලයේ ස්ථාවරය පැහැදිලි නොවුනද ධනාත්මක ප්‍රතිචාරයක් ලැබී ඇත.

Posted on: July 5, 2024

බ්‍රිතාන්‍ය අගමැති ලෙස Keir Starmer පත්වේ.

ඊයේ (04) බ්‍රිතාන්‍ය මහ මැතිවරණය පැවැත්වුණු අතර එහි ප්‍රතිඵල මේ වනවිට නිකුත්වෙමින් පවතින බව වාර්තා වේ. එම ප්‍රතිඵල වලට අනුව කම්කරු පක්ෂය ඉදිරියෙන් සිටින බව විදෙස් මාධ්‍ය වාර්තා කළේය. එබැවින් එම පක්ෂයේ Keir Starmer එරට අගමැති ලෙස පත්වීමට නියමිතව ඇත. මේ අනුව කම්කරු පක්ෂය ආසන 410 ක් සහ පාලන බලය හිමිකරගෙන සිටි කොන්සර්වෙටිව් පක්ෂය ආසන 131ක් ලබාගැනීමට ඉඩ ප්‍රස්ථාව ඇති බව වැඩි දුරටත් වාර්තා වේ.

Posted on: July 4, 2024

වායු දූෂණය හේතුවෙන් වසරකට මරණ 33000ක්

ඉන්දියාවේ නගර 10ක් තුළ වායූ දූෂණය හේතුවෙන් මරණ සිදුවීම වාර්තා වේ. ඒ හේතුවෙන් වසරකට ඉන්දියාව තුළ මරණ 33000ක් පමණ සිදුවන බවට “Lancet Plenary Health” සඟරාවේ වාර්තාවක් මඟින් මෙය අනාවරණය වී ඇති බව විදෙස් මාධ්‍ය වාර්තා කරයි. ඉන්දියාවේ වාතයේ ගුණාත්මකභාවය ලෝක සෞඛ්‍ය සංවිධානයේ සම්මතයන් ඉක්මවා ගොස් ඇති බව ද අදාළ වාර්තාව මඟින් පෙන්වා දී තිබෙන අතර අහමාදාබාද්, බැංග්ලෝර්, චෙන්නායි, දිල්ලි, හයිද්‍රාබාද්, කොල්කටා, මුම්බායි, පූණේ, ශිම්ලා සහ වරණාසි යන නගරවලින් එම මරණ වාර්තා වී ඇති බවද වැඩිදුරටත් සඳහන් වේ.

Posted on: July 4, 2024

කිසිම අවස්ථාවක ජනපති සටනින් ඉවත් වන්නේ නෑ

තමන් කිසිම අවස්ථාවක ජනපති සටනින් ඉවත් නොවන බවත් කවුරු මොනවා කීවත්, නොවැම්බර් පැවැත්වෙන ජනාධිපතිවරණයට ඩිමොක්‍රටික් පක්ෂ අපේක්ෂකයා ලෙස තමන් ඉදිරිපත් වන බවත් ඇමෙරිකන් ජනාධිපති 81 හැවිරිදි ජෝ බයිඩන් අවධාරණය කර තිබේ.
ඇමෙරිකාවේ ජනාධිපති ධුරයේ කටයුතු කරන වයස්ගතම පුද්ගලයා ජෝ බයිඩන්ය. මෙම වසරේ නෙවැම්බරයේ පැවැත්වෙන ජනාධිපතිවරණයට බයිඩන් ඉදිරිපත් වන්නේ, හිටපු ජනාධිපතිවරයකු වන රිපබ්ලිකන් පාක්ෂික ඩොනල්ඩ් ට්‍රම්ප්ට එරෙහිවය.

Posted on: July 2, 2024

දක්ෂිණාංශික පක්ෂය ජයගනී

යුරෝපා පාර්ලිමේන්තු මැතිවරණයේදී ලැබූ පරාජය හේතුවෙන් ප්‍රංශ ජනාධිපති එමානුවෙල් මැක්‍රෝන් පාර්ලිමේන්තුව විසුරුවා හැර හදිසියේ මැතිවරණයක් පසුගිය දිනක පැවැත් වූ අතර එහි පළමු වටයෙන් එමානුවෙල්ගේ ප්‍රතිවාදියා වන දක්ෂිණාංශික පක්ෂය ජයග්‍රහණය ලබා ඇති බව විදෙස් වාර්තා සඳහන් කර ඇත. ඊයේ නිකුත් කළ ප්‍රතිඵලවලට අනුව විපක්ෂ නායිකා මැරින් ලේ පෙන්ගේ නායකත්වයෙන් යුතු දක්ෂිණාංශික පක්ෂය 34% ක වැඩි ප්‍රතිශතයක් ලබා ඇති අතර රෙනයිසන්ස් පක්ෂයට පළමු වටයේදී ලැබී ඇත්තේ 20.5% ක ඡන්ද ප්‍රතිශතයක් ද වාමාංශික පක්ෂ 29%ක ඡන්ද ප්‍රතිඵලයක් ද ලබා මැක්‍රෝන් අබිබවා ගිය බව තව දුරටත් වාර්තා වේ.

Posted on: July 2, 2024

ෂැංග්හයි සහයෝගීතා සමුළුව 06 වෙනිදා දක්වා

24 වැනි වරටත් පැවැත්වෙන ෂැංග්හයි සහයෝගීතා සංවිධානයේ, සාමාජික රටවල රාජ්‍ය නායක සමුළුව මෙවර කසකස්තානයේ අස්තානා අගනුවරදී ආරම්භ වෙයි. මෙම සමුළුව ලබන මස 6 වැනිදා දක්වා පැවැත්වෙන අතර මෙහි ප්‍රධාන සාමාජිකයා චීනය වන අතර මේ සඳහා සහභාගී වීමේ අරමුණින් ද, චීන ජනාධිපති ෂී ජින්පින් කසකස්තානයේ නිල සංචාරයක් ආරම්භ කර ඇති බව වාර්තා වේ. චීනය, කසක්ස්තානය, කිර්ගිස්තානය, රුසියාව, ටජිකිස්තානය, උස්බෙකිස්තානය, ඉන්දියාව සහ පාකිස්තානය යන රටවල් ෂැංග්හයි සහයෝගීතා සංවිධානයේ සාමාජික රටවල් වේ.

Posted on: July 2, 2024

ට්‍රම්ප්ට නඩු නැ

2020 ජනාධිපතිවරණයේ මැතිවරණ ප්‍රතිඵල වෙනස් කිරීමට කුමන්ත්‍රණය කිරීම සම්බන්ධයෙන් ට්‍රම්ප්ට එල්ලවූ චෝදනා අභියෝගයට ලක් කරමින් ගොනුකළ අභියාචනය විභාග වූ අතර ඇමෙරිකානු ජනාධිපතිවරයකු ධුරය දැරූ සමයේදී ගත් රාජාකාරී තීරණ අභියෝගයට ලක් කරමින් ඔහුට කිසිම විටකත් නඩු පැවැරිය නොහැකි බවත් එය හිටපු ජනාධිපති ඩොනල්ඩ් ට්‍රම්ප්ටද අදාළ වන බවත් එරට ශ්‍රේෂ්ඨාධිකරණය තීන්දු කළ බවට විදේස් මාධ්‍ය වාර්තා කරයි.
විනිසුරුවන් 9 දෙනකුගෙන් යුත් ශ්‍රේෂ්ඨාධිකරණ විනිසුරු මඩුල්ලක් යටතේ අභියාචනය විභාග වූ අතර විනිසුරුවන් 6 දෙනකුගේ එකඟත්වයෙන් තීන්දුව ප්‍රකාශයට පත් කෙරිණි.
ශ්‍රේෂ්ඨාධිකරණ තීන්දුව සම්බන්ධයෙන් ඩොනල්ඩ් ට්‍රම්ප් ප්‍රසාදය පළ කර ඇති අතර ජනාධිපති බයිඩන් එම තීන්දුව දැඩි ලෙස විවේචනයට ලක් කර ඇති බවත් වැඩිදුරටත් සදහන් වේ