දේශීය පුවත් – Page 41

Posted on: July 24, 2024

බැංකු පොලිය අඩුවේ

මහ බැංකුවේ මුදල් ප්‍රතිපත්ති මණ්ඩලය ඊයේ පැවති රැස්වීමේ දී ප්‍රතිපත්ති පොලී අනුපාතිකය අඩු කිරීමට ශ්‍රී ලංකා මහ බැංකුව තීරණය කර ඇත. ඒ අනුව මහ බැංකුවේ ප්‍රතිපත්ති පොලී අනුපාතික වන, නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR), පිළිවෙළින්, සියයට 8.25 සහ සියයට 9.25 දක්වා පදනම් අංක 25කින් අඩු වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 24, 2024

පොලිස්පතිට අතුරු තහනම් නියෝගයක්

පොලිස්පති දේශබන්දු තෙන්නකෝන් මහතාට සිය ධුරයේ කටයුතු කිරීම වළක්වාලමින් ශ්‍රේෂ්ඨාධිකරණය අතුරු තහනම් නියෝගයක් නිකුත් කර තිබේ. ඒ අනුව පාර්ශවකරුවන් කිහිපදෙනෙක් විසින් දේශබන්දු තෙන්නකෝන් පොලිස්පතිවරයා වශයෙන් පත්කිරීමට ජනාධිපතිවරයා ගනු ලැබූ තීරණය බලරහිත කිරීමේ නියෝගයක් නිකුත් කරන ලෙස ඉල්ලා ඉදිරිපත් කළ මූලික අයිතිවාසිකම් පෙත්සම් 09 ක් විභාගයට ගැනීමට අවසර දෙමින් ශ්‍රේෂ්ඨාධිකරණය මෙම නියෝගය නිකුත් කර ඇති බව වාර්තා වේ.

Posted on: July 24, 2024

මුජිබර්ගෙ නිවසේ කංජිපානි එක්ක සාදයක්

පාර්ලිමේන්තු මන්ත්‍රී මූජිබර් රාහුමාන් මහතා සංවිධානාත්මක අපරාධ කල්ලි නායක සුප්‍රකට මත්ද්‍රව්‍ය ජාවාරම්කරු කංජිපානි ඉම්රාන් සමඟ සිය නිවසේ දී සාදයක් පැවැත්වූ බවට මන්ත්‍රී මහින්දානන්ද අලුත්ගමගේ මහතා පාර්ලිමේන්තු විවාදයක් අමතමින් චෝදනාවක් එල්ල කොට ඇත.
කෙසේ වෙතත් මෙවැනි සම්බන්ධතාවයක් තිබුණේ නම් තමන්ට එරෙහිව ගෝඨාභය රජය විසින් නීතිය ක්‍රියාත්මක වනු ඇති බව සහ එකල එවක ආණ්ඩුව තමන් පිළිබඳ දැඩි විමසිල්ලෙන් පසුවී සිටි බවත් තමන්ගේ දුරකථන ඇමතුම් පවා නිරීක්ෂණය කළ බවත් ඔහු වැඩිදුරටත් එම අවස්ථාවේදී පවසා ඇත.

Posted on: July 23, 2024

සැප්තැම්බරයේදී එන සා.පෙළ ප්‍රතිඵල

විභාග දෙපාර්තමේන්තුව අධ්‍යන පොදු සහතික පත්‍ර සාමාන්‍ය පෙළ විභාග ප්‍රතිඵල ලබන සැප්තැම්බර් මාසයේදී ලබා දීමට සූදානම්ව සිටින බව අධ්‍යාපන අමාත්‍ය ආචාර්ය සුසිල් ප්‍රේම ජයන්ත මහතා පවසා තිබේ. උත්තරපත්‍ර පරීක්ෂකවරුන්ට සියලු දීමනා වැඩි කළ බවත් පාසල් වලට අනුයුක්තව සිටි සංවර්ධන නිලධාරීන්ගේ ප්‍රශ්නයට ඊයේ (22) දින එකඟතාවයකට පැමිණි බැවින් අධිකරණයට අදාල ගැසට් පත්‍රය ඉදිරිපත් කර නඩුව ඊළඟ සතිය වෙනකොට අවසන් වීමෙන් පසු ඒ පත්වීම් ටික ලබා දීමට හැකියාව පවතින බවත් අමාත්‍යවරයා ප්‍රකාශ කර ඇත. තවද පුරප්පාඩු සදහා ගුරුවරුන් ලෙස සංවර්ධන නිළධාරීන් විසි තුන් දාහෙන් හයදාහකට පත්වීම් ලබා දී තිබෙන බැවින් ඉතුරු අය සදහා සම්මුඛ පරීක්ෂණක් පවත්වා පත්වීම් ලබා දීමට කටයුතු කිරීමට සැළසුම් කර ඇති බැවින් ඉතා කෙටි කාලයකදී ගුරු පුරප්පාඩු සියල්ල පුරවා අවසන් වන බවද අමාත්‍ය ආචාර්ය සුසිල් ප්‍රේමජයන්ත මහතා සඳහන් කර තිබෙන බව වාර්තා වේ. එතුමා මේ අදහස් දක්වා ඇත්තේ හෝමාගම ප්‍රදේශයේදීය.

Posted on: July 23, 2024

පඩි වැඩි කිරීමට අනුමැතිය

සේවක අවම වැටුප ඉහල නැංවිම සඳහා කැබිනට් අනුමැතිය ලැබී ඇති අතර ඊට අදාළ සංශෝධිත පනත් කෙටුම්පත පාර්ලිමේන්තුවට ඉදිරිපත් කිරීමටද අනුමැතිය ලැබී ඇත.
නව සංශෝධිත යෝජනා අනුව පෞද්ගලික අංශයේ සේවකයන්ගේ අවම මූලික වැටුප රුපියල් 17500 දක්වාත්, දෛනික අවම වැටුප රුපියල් 700 දක්වාත් වැඩි කිරීමට යෝජනා කර ඇති බව සඳහන් වේ.
මෙම පනත් කෙටුම්පත ගැසට් කිරීමෙන් අනතුරුව පාර්ලිමේන්තුවට ඉදිරිපත් කිරීමට නියමිතය අතර ඒ සඳහා නීති කෙටුම්පත් සම්පාදක විසින් සකස් කර ඇති පනත් කෙටුම්පත සඳහා නීතිපතිගේද අවසරය ලැබී තිබේ.

Posted on: July 22, 2024

ඥානසාර හිමි ඇප මත මුදා හරියි

වසර හතරක සිරදඬුවමක් ලබාසිටින බොදු බලසේනා සංවිධානයේ මහලේකම් පූජ්‍ය ගලගොඩ අත්තේ ඥානසාර හිමි අභියාචනාධිකරණය විසින් දුන් නියෝගයකට අනුව ඇප මත මුදාහරින ලෙස කොළඹ මහාධිකරණ විනිසුරු ආදිත්‍ය පටබැඳිගේ විසින් අද (22) නියෝගය කර ඇත.
සිර දඬුවම් නියමවීමෙන් පසුව ඥානසාර හිමි ඊට එරෙහිව අභියාචනාධිකරණය වෙත ප්‍රතිශෝධන පෙත්සමක් ඉදිරිපත් කර තිබූ අතර එහිදී අභියාචනාධිකරණය උන්වහන්සේ රුපියල් 50,000ක මුදල් ඇප සහ රුපියල් ලක්ෂ 05 ක් බැගින් වූ ශරීර ඇප දෙකක් මත මුදා හරින ලෙස පසුගියදා නියෝග කර තිබේ.

Posted on:

ශ්‍රී.ල.නි.ප අපේක්ෂකයකුට මිද්දෙනියේදී වෙඩි

ශ්‍රී ලංකා නිදහස් පක්ෂයෙන් කල්තබන ලද ප්‍රාදේශීය සභා මැතිවරණයට නාම යෝජනා බාරදුන් අයෙකුට මිද්දෙනිය ජූලම්පිටිය ප්‍රදේශයේදී ඊයේ (21) රාත්‍රී වෙඩි තබා ඇතැයි මිද්දෙනිය පොලීසිය සඳහන් කරයි. වෙඩි ප්‍රහාරයට ලක්ව ඇත්තේ ජූලම්පිටියේ පදිංචිව සිටින කේ.කේ. ප්‍රභාත් ඉන්දික නම් අයෙකු බවත් පෞද්ගලික ආරවුලක් මෙම වෙඩි තැබීමට හේතු විය හැකි බවත් පොලීසිය වැඩිදුරටත් ප්‍රකාශ කර ඇති අතර වෙඩි ප්‍රහාරයට ලක් වූ පුද්ගලයා ඇඹිලිපිටිය රොහලේ ප්‍රතිකාර ලබමින් සිටින බවද වාර්තා වේ.

Posted on: July 22, 2024

හිරුණිකා එළියට

දෙමටගොඩ ප්‍රදේශයේදී තරුණයකු පැහැරගෙන ගොස් වද හිංසා පැමිණවීම හා ඊට කුමන්ත්‍රණය කිරීම ඇතුළු චෝදනා දහ අටකට වරදකාරිය වෙමින් පසුගිය ජූනි මස 28 වැනිදා වසර තුනක බරපතළ වැඩ සහිත සිරදඩුවම් නියමවූ හිටපු පාර්ලිමේන්තු මන්ත්‍රීකී හිරුණිකා ප්‍රේමචන්ද්‍රට කොළඹ මහාධිකරණය විසින් අද ඇප නියම කොට ඇත. ඒ මහාධිකරණ තීන්දුවට එරෙහිව ඇය විසින් අභියාචනයක් ගොනු කිරීම සලකා බලමිනි. නමුත් ඇය අද දිනයේදී ඇපමත මුදාහරණ ලද්දේ විදේශ ගත වීම තහනම් කරමින් නියෝගයක් ද පනවමිනි.

Posted on: July 19, 2024

පාස්කු ප්‍රහාරය සම්බන්ධව ජ්‍යෙෂ්ඨ නියෝජ්‍ය පොලිස්පතිට විනය පරීක්ෂණ

ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන විනය පරීක්ෂණයක් සඳහා අනිවාර්ය නිවාඩු යවා තිබේ. ඒ පාස්කු ඉරිදා ත්‍රස්ත ප්‍රහාරය සම්බන්ධයෙන් සිදුකරන විමර්ශනවලට අදාළවයි. බුද්ධි අංශ තොරතුරු ලැබී තිබියදී 2019 පාස්කු ඉරිදා ත්‍රස්ත ප්‍රහාරය වැළැක්වීමට අපොහොසත් වූ බවට හිටපු ජනාධිපති මෛත්‍රීපාල සිරිසේන සමග ජ්‍යෙෂ්ඨ නියෝජ්‍ය පොලිස්පතිවරයාට චෝදනා එල්ල වී තිබේ.
හිටපු රාජ්‍ය බුද්ධි සේවයේ ප්‍රධානියාට එරෙහිව ක්‍රියාමාර්ගයක් නොගත්තේ මන්දැයි ශ්‍රේෂ්ඨාධිකරණය ප්‍රශ්න කිරීමෙන් අනතුරුව මෙමෙ ක්‍රියාමාර්ගය ගෙන තිබේ.
අධිකරණ නියෝගය පිළිපදින ලෙසත් ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධනට එරෙහිව පියවර ගන්නා ලෙසත් ශ්‍රේෂ්ඨාධිකරණය ජාතික පොලිස් කොමිසමට පසුගිය සතියේ දැනුම් දී ඇත.

Posted on: July 19, 2024

ආගමන විගමන දෙපාර්තුමේන්තුව තුළ තදබදයක්

ආගමන විගමන දෙපාර්තමේන්තුවට කලින් ලියාපදිංචි නොවී පුද්ගලයින් පිරිසක් පැමිණීම හේතුවෙන් අද (19) එහි තදබදයක් හටගෙන තිබේ. එම නිසා අද සිට සියලුම අයදුම්කරුවන් ආගමන විගමන දෙපාර්තමේන්තුවට පැමිණීමට පෙර දිනයක් සහ වේලාවක් වෙන්කරවා ගන්නා ලෙස එම දෙපාර්තමේන්තුව වැඩිදුරටත් සඳහන් කොට ඇත.