මහජනතාවට සහ පොලිස් නිලධාරීන්ට පොලිස්පති කාර්යාලය සමඟ සෘජුවම සම්බන්ධ වීමට හැකි නව WhatsApp අංකයක් පොලීසිය විසින් හඳුන්වා දී තිබෙනවා. මෙය, අපරාධ සහ වෙනත් ගැටලුකාරී තත්ත්වයන් කඩිනමින් දැනුම් දීම සඳහා පොලිස්පති නීතිඥ ප්‍රියන්ත වීරසූරිය මහතාගේ සංකල්පයක් ලෙස ක්‍රියාත්මක කර ඇත.

අද (අගෝස්තු 13) සිට ක්‍රියාත්මක වන මෙම නව අංකය 071 – 8598888 වේ.

මෙමඟින් මහජනතාවට කෙටි පණිවිඩ, වීඩියෝ සහ ඡායාරූප යොමු කිරීමට හැකි අතර, දුරකථන ඇමතුම් ලබාගැනීමේ හැකියාවක් නොමැති බව පොලීසිය වැඩිදුරටත් සඳහන් කරයි.

පොලිස් නිලධාරීන්ටද ඔවුන්ගේ ගැටලු සහ තොරතුරු සම්බන්ධයෙන් මෙම අංකය ඔස්සේ දැනුම් දීමේ අවස්ථාව හිමිවේ.

පසුගිය වසරක පමණ කාල සීමාවේදී ශ්‍රී ලංකාවට ගෙන්වන ලද ඖෂධ තොග ඖෂධ නියාමන අධිකාරී නිසි විමර්ශනයෙන් තොරව මුදා හැරීමක් සිදුවන්නේද, එසේ ගෙන්වන ලද සමාගම් සහ ඒවා නිසි පරිදි අදාළ ප්‍රසම්පාදන ආයතන මගින් නිසි ලේඛනවලට යටත්ව මුදා හැරීමක් සිදුවී ඇත්දැයි යන කරුණු සම්බන්ධයෙන්ද පසුගියදා වරාය පරිශ්‍රය තුළදී සිදු වූ ආන්දෝලනාත්මක කන්ටේනර් තොග මුගදා හැරීමේදී එම කන්ටේනර් තුල රටට හානිදායක ඖෂධ වර්ග පැවතියේදැයි කරුණු සම්බන්ධයෙන් අවධානය යොමු කරන්න කරන ලෙස අපරාධ පරීක්ෂණ දෙපාර්තමේන්තුව සෞඛ්‍ය අමාත්‍යාංශ ලේකම්වරයා වෙත දැනුම් දීමක් සිදුකොට ඇත.

වෛද්‍ය හා සිවිල්ල අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සඳහනේ සභාපති විශේෂඥ වෛද්‍ය චමල් සංජීව විසින් මහතා විසින් අපරාධ පරීක්ෂණ දෙපාර්තමේන්තුව වෙත යොමු කරන ලද පැමිණිල්ලක් මත පදනම් මෙම විමර්ශන කටයුතු ආරම්භ කොට ඇත.

පසුගියදා වරාය පරිශ්‍රයෙන් උදාහරණ ලද ආන්දෝලනාත්මක කන්ටේනර් තුළ රටට හානිදායක සායනික අප ද්‍රව්‍ය ශල්‍ය උපකරණ අන්තරාදායක ඖෂධ හෝ ලියාපදිංචියෙන් තොරව ගෙන්වන ලද ඖෂධ හෝ තිබියේ දැයි.

සැකයක් නිර්මාණය වන බැවින් ඒ සම්බන්ධව පුළුල් විමර්ශනයක් සිදු කරන ලෙසට එම වෘත්තිය සමිති සඳහනය අපරාධ පරීක්ෂණ දෙපාර්තමේන්තුවෙන් පසුගිය ජුනි මාසයේදී ඉල්ලීමක් කරනු ලැබීය.

එම ඉල්ලී මානුව විමර්ශන පවත්වන අපරාධ පරීක්ෂණ දෙපාර්තමේන්තුව ඒ සම්බන්ධව අදාළ කරුණු දැක්වීම සිදුකරන ලෙසට සෞඛ්‍ය ලේකම්වරයාගෙන් ඉල්ලීමක් කොට ඇත.

අපරාධ පරීක්ෂණ දෙපාර්තමේන්තුවේ නිලධාරීන් විසින් පූජ්‍ය ඉත්තෑකන්දේ සද්ධාතිස්ස හිමියන්ගෙන් ප්‍රකාශයක් සටහන් කර ගෙන ඇත.

මෙම ප්‍රකාශය ලබාගෙන ඇත්තේ, සෙවණගල සීනි කර්මාන්තශාලාවට අයත් ඉඩමක් සම්බන්ධයෙන් අපරාධ පරීක්ෂණ දෙපාර්තමේන්තුව විසින් සිදුකරන පරීක්ෂණයකට අදාළවය.

ප්‍රකාශය ලබාදීමෙන් පසු අපරාධ පරීක්ෂණ දෙපාර්තමේන්තුවෙන් පිටතට වැඩම කළ උන්වහන්සේගෙන්, මාධ්‍යවේදීන් මේ සම්බන්ධයෙන් විමසූ අවස්ථාවේදී, මිතුරෙකු හමුවීමට පැමිණි බවත්, එය වැදගත් කරුණක් නොවන බවත් උන්වහන්සේ ප්‍රකාශ කළහ.

ජාතික ජන බලවේගයේ පාර්ලිමේන්තු මන්ත්‍රීවරයෙකු වන සුදත් බලගල්ල මහතා පසුගිය දිනක ග්‍රාම නිලධාරීන් සහ ප්‍රාදේශීය ලේකම් කාර්යාලවල සේවය කරනු ලබන නිලධාරීන් පිළිබදව දක්වනු ලැබූ අදහස් දැඩි පිලිකුළෙන් යුක්තව හෙලා දකින බව සමස්ත ලංකා වෘත්තිය සමිති මධ්‍යස්ථානය කියයි.

සමස්ත ලංකා වෘත්තිය සමිති මධ්‍යස්ථානයේ සම කැඳවුම්කරු සුමිත් කොඩිකාර මහතා සඳහන් කරන්නේ ජාතික ජන බලවේගය ආණ්ඩුව බලයට පත් කිරීමේදි පෙර ගමන් කරුවන් වශයෙන් කටයුතු කළ රජයේ නිලධාරීන් පිළිබදව මෙලෙස ද්වෙශ සහහතව කරනු ලබන මෙම පදනම් විරහිත ප්‍රකාශ තුලින් රටේ ජනතාව අතර රජයේ නිලධාරීන් පිළිබදව දැඩි ක්‍රෝධයක් ඇතිවිය හැකි බවයි. ඔහු මේ සම්බන්ධයෙන් මෙසේද සඳහන් කරයි.

යම් රජයේ නිලධාරියෙක් හොරකමක්..දුෂණයක්..වංචාවක් කර ඇත්නම් රටේ පවතින නිතිය අනුව ඔවුනට නිසි ක්‍රියාමර්ග ගැනිමට හැකියාවක් තියෙන බව නවක පාර්ලිමේන්තු මන්ත්‍රී සුදත් බලගල්ල මහතාට මතක් කර දීමට කැමැත්තෙමි.මීට පෙරත් ජාතික ජන බලවේගය රජයේ වගකිවයුතු පුද්ගලයන් විසින් මෙවැනි ප්‍රකාශ කිරිම දෙස අප අවධානයෙන් යුතුව බලා සිටියා.දිගින් දිගටම රජයේ සේවකයින් සම්බන්ධව පොදුවේ පදනම් විරහිත ලෙස කටයුතු කරන්නේ නම් වෘත්තීය සංගම් වශයෙන් යම් ක්‍රියාමාර්ගයන් සදහා අකමැත්තෙන් වුවද යොමු විමට සිදුවන බව ප්‍රකාශ කරමු.” යනුවෙන්ද ඔහු සඳහන් කරයි.

ශ්‍රී ලංකා යුද හමුදාවේ මේජර්වර්යෙකුගේ පුතෙකු ඇතුළුව තරුණයින් 11 දෙනෙකු කප්පම් ගැනීම සඳහා පැහැර ගෙන ගොස් රඳවා තබා ගැනීමෙන් පසුව ඝාතනය කිරීම සම්බන්ධයෙන් පවත්වන පරීක්ෂණ පිළිබඳව විකෘති අර්ථකතන දෙන උදය ගම්මන්පිලට එරෙහිව විවිධ සංවිධාන සහ පුද්ගලයින් නැගී සිටී.

අධිකරණ නියෝග අනුව යමින් අපරාධ පරීක්ෂණ දෙපාර්තමේන්තුව විසින් සිදු කරන පරීක්ෂණවල දී සැකකරුවන් අත්තඩංගුවට ගැනීම සම්බන්ධයෙන් උදය ගම්මන්පිල වියරු විකෘති ප්‍රකාශ දිගින් දිගටම සිදු කරමින් සිටී. මේ සම්බන්ධයෙන් නීතිඥ අචලා සෙනෙවිරත්න අපරාධ පරීක්ෂණ දෙපාර්තමේන්තුවට ඊයේ (12) පැමිණිලි කළාය.

ජාතික ආරක්ෂාවට අදාළව කිසිම දෙයක් සම්බන්ධයෙන් අපරාධ පරීක්ෂණ දෙපාර්තමේන්තුව ක්‍රියා නොකරන අතර, සැලසුම් සහගතව සිදු කරන ලද මනුෂ්‍ය ඝාතන ඇතුළු අපරාධ සම්බන්ධයෙන් පමණක් අදාළ විමර්ශන මෙහෙයවමින් සිටී. ඒ බව හොඳින් ම දන්නා උදය ගම්මන්පිල වියරු විකෘති ප්‍රකාශ සිදු කරන උදය ගම්මන්පිල, පිල්ලෙයාන් නොහොත් සිවනේශතුරෙයි චන්ද්‍රකාන්තන් ජාතික වීරයෙකු ලෙස හැඳින්වීමට ද පසුබට නොවීය.

පසුගිය වසරේ මුල් මාස හයට සාපේක්ෂව මෙම වසරේ මුල් මාස හය තුළ ළමා සහ කාන්තා අපයෝජන සම්බන්ධයෙන් වාර්තා වන පැමිණිලි ඉහළ ගොස් ඇතැයි පොලිස් ළමා හා කාන්තා කාර්යංශය පවසයි.

මෙම වසරේ මුල් මාස හයේ ලැබී ඇති පැමිණිලි සංඛ්‍යාව, 9503 කි.

ඒ අතර බරපතල ළමා අපයෝජන සිදුවීම් 1620ක් වන බව, පොලිස් ළමා හා කාන්තා කාර්යංශය සදහන් කළේ ය.

බරපතල කාන්තා අපයෝජන සම්බන්ධයෙන් පැමිණිලි 373 ක් ද, ලැබී තිබේ.

පොලිස් ළමා හා කාන්තා කාර්යංශය සදහන් කළේ, ඒ සම්බන්ධයෙන් කඩිනම් විමර්ශන ක්‍රියාත්මක බවයි.

රාජ්‍ය හා පෞද්ගලික බස්රථවල ගමන් කරන මඟින්ගේ ආරක්ෂාව සඳහා කෘත්‍රීම බුද්ධිය යොදා ගනිමින් නව තාක්ෂණික ක්‍රමවේදයක් යොදා ගන්නා බව බිමල් රත්නායක අමාත්‍යවරයා පවසයි.

කතරගම ප්‍රදේශයේදී මාධ්‍ය වෙත අදහස් දක්වමින් ඔහු පැවසුවේ, මුල් අදියර යටතේ අදාළ තාක්ෂණික යන්ත්‍ර 40ක් බස්රථවල සවිකිරීමට නියමිත බවය.

“AI තාක්ෂණය භාවිත කරලා රියදුරන්ට විඩාව එනවා නම්, නිදිමතයි නම්, ඒ අයගේ ඇස් පියවෙනවා නම් සහ රියදුරු රැකියාව කරන අතරතුර නොකළ යුතු වෙනත් දේවල් කරනවා නම්, ඒවා පිළිබඳව AI වලින්ම රියදුරු මහත්තරුන්ට සිස්ටම් එකෙන් මතක් කරනවා. ලංකාවේ මේ වගේ සමාගම් අවුරුදු ගානක් පුරා භාවිත කරලා තියෙනවා. නමුත් ලංකාවේ පොදු ප්‍රවාහනයට විශේෂයෙන්ම ලංගම සහ පෞද්ගලික බස්වල මිලියන ගණන් ජනතාව ගෙනියන ඒවට යෙදවිලා නෑ. ඒ නිසා අපි ඒ අය එක්ක කතා කරලාම ඒ අය කැමැත්තෙන් ඉදිරිපත් වුණා ඔවුන් සතු පරිපාලන දැනුම හා තාක්ෂණය හා උපකරණ ලබාදෙන්න. ඒ උපකරණ 40ක් ලබාදෙනවා බස් 40කට ලබාදෙනවා ලංගම සහ පෞද්ගලික දෙකටම”

රුසියාවේ හිටපු ශ්‍රී ලංකා තානාපති උදයංග වීරතුංග මහතා සහ ඔහුගේ බිරිඳ, මිග් යානා ගනුදෙනුව සම්බන්ධයෙන් අපරාධ පරීක්ෂණ දෙපාර්තමේන්තුව (CID) විසින් ප්‍රශ්න කර ඇත.

මෙම ගනුදෙනුව සම්බන්ධයෙන් මීට පෙර සිදුකළ පරීක්ෂණ ගොනු යළි විවෘත කර ඇති බවට අපරාධ පරීක්ෂණ දෙපාර්තමේන්තු ආරංචි මාර්ග වාර්තා කරයි.

විමර්ශන කටයුතු තවදුරටත් ඉදිරියට ගෙන යාම සඳහා, රුසියාව සහ යුක්රේනය යන රටවල සහය ලබා ගැනීමටද අපරාධ පරීක්ෂණ දෙපාර්තමේන්තුව අපේක්ෂා කරන බව සඳහන් වේ.

ඉස්ප්‍රින්සැට් ආයතනය සම්බන්ධයෙන් සත්‍යය ඉදිරියේදී එලියට එනු ඇති බව ජාතික ජන බලවේග පාර්ලිමේන්තු මන්ත්‍රී දේවානන්දා සුරවීර මහතා සඳහන් කරයි.

එම චන්ද‍්‍රිකාව ගුවන්ගත්ත කිරීම සඳහා ඩොලර් මිලියන දොළොස්දහසක මුදලක් වියදම් වී ඇති බවද හෙතෙම කියා සිටී.

මේ සම්බන්ධයෙන් පරීක්‍ෂණ කටයුතු සිදුවෙමින් ඇති බවත් ඒ අනුව ඉදිරියේදී සත්‍ය එළිදරව් වනු ඇති බව පැවසූ එනිසා කලබල වීමේ උවමනාවක් නැතැයි ද ඔහු කියා සිටියේය.

වැඩසටහනකට සහභාගී වීමෙන් පසු මාධ්‍ය කළ විමසීමකදී ඔහු මෙම අදහස් පළ කරන ලදී.