දේශීය පුවත් – Page 44

Posted on: July 9, 2024

අල්ලස් ගත් පොලිස් නිලධාරින්ට අදත් ඇප නෑ

මාර්ගගත මුදල් ගනුදෙනුවකට අදාළව සිද්ධියකට සම්බන්ධ සැකකරුවකු අධිකරණයට ඉදිරිපත් නොකර සිටීම සඳහා රුපියල් 154,200/- අල්ලසක් ලබාගත්තේ යැයි සිද්ධියක් සම්බන්ධයෙන් රක්ෂිත බන්ධනාගාර ගත කර සිටින කොළඹ අපරාධ කොට්ඨාසයේ පොලිස් පරීක්ෂකවරයා සහ කොස්තාපල්වරයාගේ ඇප ඉල්ලීම ප්‍රතික්ෂේප කිරීමට කොළඹ මහෙස්ත්‍රාත් තිළිණ ගමගේ මහතා විසින් අද (09) තීන්දු කළ අතර එම සැකකරුවන් ලබන 23 වනදා දක්වා රක්ෂිත බන්ධනාගාර ගත කිරීමට ද නියෝග කල බව වාර්තා වේ. මෙහිදී මෙම සැකකරුවන් විසින් අල්ලස් වශයෙන් ලබාගත් බව කියන මුදල් ද අල්ලස් කොමිසම විසින් අධිකරණයට ඉදිරිපත් කර තිබේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 9, 2024

අස්වැසුම දෙවන අදියර ඇරඹේ

“අස්වැසුම” සුබසාධක ප්‍රතිලාභ මණ්ඩලය දැනුම් දෙන පරිදි, දෙවන අදියරේ තොරතුරු සංගණනය ජූලි 15 දා සිට 30 දක්වා සිදු කරයි.
පළමු අදියරේ සුදුසුකම් ලැබූ ලක්ෂ 18ට අධික පිරිසට අමතරව දෙවන අදියර සඳහා තවත් අයදුම් පත් 450,924 ලැබී ඇති අතර ඒ අතරින් සුබසාධක ප්‍රතිලාභ ගෙවීම සඳහා සුදුස්සන් හඳුනා ගැනීම මෙම මාසය තුළ අවසන් කිරීමට නියමිත බව සඳහන් වේ.
සංක්‍රාන්තික, අවදානමට ලක් වූ, දුප්පත් හා අන්ත දිළිඳු යන සමාජ කාණ්ඩ 04ක් යටතේ “අස්වැසුම” සුබසාධක ප්‍රතිලාභ ගෙවීම් සිදු කෙරෙන අතර ආබාධිත තැනැත්තන්, වැඩිහිටි සහ වකුගඩු රෝගීන් සඳහා ද සුපුරුදු පරිදි අදාළ දීමනා ලබා දීමටද කටයුතු කරන බව වාර්තා වේ.

Posted on: July 9, 2024

කේ.සුජීවාට දීර්ඝ සැත්කමක්

අතුරුගිරියේ සිදුවූ වෙඩි තැබීමේ සිද්ධියෙන් බරපතල ලෙස තුවාල ලැබූ ජනප්‍රිය ගායිකා කේ සුජීවා පැය කිහිපයක ශල්‍යකර්මයකට භාජනය කර තිබේ. ඇය හෝමාගම රෝහලට ඇතුළත් කළ පසු ඇයගේ තත්ත්වය බරපතළ වීම නිසා කොළඹ ජාතික රෝහලට ඇතුළත් කරනු ලැබීය. මෙම ශල්‍ය කර්මය සිදු කොට ඇත්තේ ඇයගේ කලවා ප්‍රදේශයටයි. කෙසේ වුවද දීර්ඝ ශල්‍ය කර්මයෙන් පසු ඇයගේ පාදය කපා දැමීමකින් තොරව බේරා ගැනීමට හැකිව ඇති බව වාර්තා වේ. මේ අතර ශල්‍ය කර්මයෙන් පසුව ඇය සාමාන්‍ය වාට්ටුවකට ඇතුළත් කර ඇති බවත් එනමුත් ඇයට සාමාන්‍ය පරිදි ඇවිදීමට ටික කලක් ගතවනු ඇති බවත් කොළඹ ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලන මහතා සඳහන් කොට ඇත.

Posted on: July 9, 2024

විදුලි බිල අඩුවක් ලඟදීම

වත්මන් විදුලි ගාස්තුවට සාපේක්ෂව විදුලි බිල සියයට තිහකට වඩා වැඩි ප්‍රමාණයකින් පහත දමන බව විදුලි බල හා බලශක්ති අමාත්‍ය කංචන විජේසේකර මහතා පවසා ඇත. මෙම ගාස්තු අඩු කිරීම ජූලි මස 18වනදා සිට ක්‍රියාත්මක වන බව එතුමා මේ අවස්ථාවේදී වැඩිදුරටත් පැවසීය. එමෙන්ම මහජන උපයෝගිතා කොමිසමේ අනුමැතිය ලැබුණු සැණින්ම නව ගාස්තු අඩු කිරීම ක්‍රියාත්මක වන බවද ඔහු මෙහිදී අනාවරණය කළේය.

Posted on: July 8, 2024

වසන්තගේ මරණය කේපීඅයි ගේ ගේමක්?

ප්‍රමුඛ පෙලේ සංවිධානාත්මක අපරාධ කල්ලි නායකයකු වන කංජි පානි ඉම්රාන්ගේ සැලැස්මකට අනුව ක්ලබ් වසන්ත නමැත්තාගේ ඝාතනය සිදුව ඇතැයි පොලිසිය සැක පළ කර ඇති බව සඳහන් වේ.
පොලිස් විමර්ශනවලට අනුව වෙඩිතැබීම සිදුවූ ස්ථානයේ තිබී ටී 56 අය ගිනි අවියේ උණ්ඩයක් වැටී ඇති අතර එහි කේ.පී.අයි යනුවෙන් සටහන් කර තිබුණු බව විමර්ශනවලින් වැඩි දුරටත් වාර්තා වී ඇති අතර එමගින් ඉස්මතු වන්නේ කන්ජි පාණි ඉම්රන් විය හැකි බවටයි පොලිසිය සැක පළ කර ඇත්තෙ.

Posted on: July 8, 2024

වැටුප් වැඩි කළොත් , වැට් එක තවත් වැඩිවෙයි.

වර්ජනයේ නිරත රාජ්‍ය සේවකයින්ගේ වැටුප් වැඩිකිරීම සිදු කළහොත්, මේ වන විට පනවා තිබෙන 18%ක්වන වැට් බද්ද 20% – 21%ත් අතර අගයක් දක්වා වැඩි කිරීමට සිදුවන බව භාණ්ඩාගාර ලේකම් මහින්ද සිරිවර්ධන මහතා පවසා ඇත.
රාජ්‍ය සේවයේ වෘත්තීය සමිති විසින් ඉදිරිපත් කර ඇති ඉල්ලීම් සම්බන්ධව ජනාධිපති රනිල් වික්‍රමසිංහ මහතාගේ ප්‍රධානත්වයෙන් ජනාධිපති කාර්යාලයේදී අද (08) පැවති සාකච්ඡාවේදී මේ බව පවසා ඇති අතර මහජනතාව පීඩාවට පත් කරමින් එවැනි ඉල්ලීමක් සපුරාලීමට රජයට හැකියාවක් නොමැති බව ද ඒ මහතා ප්‍රකාශ කර ඇත. .
පවතින අයවැය ප්‍රතිපාදන මත 2024 වසරේදී වැටුප් වැඩිකිරීමක් සිදු කිරීමට නොහැකි බවත්, රාජ්‍ය සේවයේ පවතින වැටුප් විෂමතාවන් පිළිබඳව සොයාබැලීම සඳහා පත් කළ විශේෂඥ කමිටුව මඟින් ඉදිරිපත් කරනු ලබන නිර්දේශ සැලකිල්ලට ගනිමින් 2025 වසර සඳහා ඉදිරිපත් කිරීමට නියමිත අයවැයෙන් රාජ්‍ය සේවයේ වැටුප් සංශෝධනයක් සිදුකිරීමට බලාපොරොත්තු වන බවත් භාණ්ඩාගාර ලේකම් මෙහිදී වැඩි දුරටත් පවසා ඇත.

Posted on: July 8, 2024

වෙඩික්කරු පැමිණි මෝටර් රථය සොයා ගැනේ.

සුප්‍රසිද්ධ ව්‍යාපාරිකයෙකු වන ක්ලබ් වසන්ත නොහොත් සුරේන්ද්‍ර වසන්තගේ වෙඩි තැබීමේ සිද්ධියට සැක කෙරෙන මෝටර් රථය කඩුවෙල, කොරතොට ප්‍රදේශයේ දමා ගොස් තිබිය දී සොයා ගෙන ඇත. මෙම වෙඩිතැබීම අද (08) උදෑසන 10ට පමණ අතුරුගිරිය නගරයේ ඔරලෝසු කනුව ආසන්නයේ රූපලාවන්‍ය ආයතනයක් විවෘත කිරීමේ උත්සවයක් අතරතුරදී සිදුවී ඇති බව වාර්තා වේ. මෙම ඝාතනයට සැක කෙරෙන වෙඩික්කරුවන් මෝටර් රථයකින් පැමිණ ඇති බවට හා වෙඩිතැබීමට ටී 56 ගිනිඅවි දෙකක් භාවිත කර ඇති බවට පොලීස් විමර්ශනවලදී අනාවරණය වී තිබේ.

Posted on: July 8, 2024

ක්ලබ් වසන්ත ඝාතනයේ සං‍රක්ෂිත ඡායාරූප

Posted on: July 8, 2024

රාජ්‍ය සේවය දිගින් දිගටම අසනීප වේ.

වෘත්තීය සමිති 200 කට අධික සංඛ්‍යාවක් අද (08) සහ හෙට (09) දිනයන් හීදී රාජ්‍ය සේවය නියෝජනය කරමින් අසනීප නිවාඩු දමා සංකේත වැඩ වර්ජනයක නිරතවන බව රාජ්‍ය සේවා වෘත්තීය සමිති සන්ධානය ප්‍රකාශ කරයි. මෙලෙස අද දිනයේ වැඩ වර්ජනයේ නිරතවීමට නියමිතව නිවාඩු ලබා ඇත්තේ තැපැල්, මිනින්දෝරු, ගොවි නියාමක, ග්‍රාම නිලධාරීන්, සංවර්ධන නිලධාරීන්, සමෘද්ධි නිලධාරීන් ඇතුළු ක්ෂේත්‍ර කීපයක රාජ්‍ය නිලධාරින් ය. වැටුප් ඉහළ නැංවීම ඇතුළු ඉල්ලීම් කිහිපයක් මුල්කරගනිමින් මෙලෙස වෘත්තීය සමිති ක්‍රියාමාර්ගයේ නිරත වන බව රාජ්‍ය හා පළාත් රාජ්‍ය කළමනාකරණ සංගමයේ සභාපති එන්.එම් විජේරත්න මහතා පැවසුවේය. එමෙන්ම මෙම වෘත්තීය සමිති ක්‍රියාමාර්ගය සඳහා සහාය පළ කරමින් ඊයේ (07) පස්වරු 4 සිට තැපැල් සේවකයින් ද වර්ජනයක නිරත වන බව ඒකාබද්ධ තැපැල් සේවා වෘත්තීය සමිති එකමුතුවේ කැඳවුම්කරු චින්තක බණ්ඩාර මහතා සඳහන් කොට ඇත. ගුරු විදුහල්පති වෘත්තීය සමිතිද අද දිනයේ සේවයට වාර්තා කළ ද හෙට දිනයේ අසනීප නිවාඩු වාර්තා කිරීමට තීරණය කර ඇති බව ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් මහතා පැවසුවේය. නමුත් සෞඛ්‍ය කේෂ්ත්‍රයට අදාළව රජයේ වෛද්‍ය නිලධාරීන්ගේ සංගමය සහ හෙද සංගම් මෙම වර්ජනයට සහාය නොදීමට මේ වනවිටත් තීරණය කර ඇති බවද සඳහන්ය. කෙසේ වුවද අද දිනයේදී වෘත්තීය සමිති නියෝජිතයින් සිදු කිරීමට නියමිත වර්ජනය හේතුවෙන් රාජ්‍ය සේවය අකර්මන්‍ය වීමේ අවදානමක් මතුව තිබෙන බවද අනාවරණය වී ඇත.

Posted on: July 8, 2024

ක්ලබ් වසන්ත මරුට, කේ සුජීවා රෝහලේ

අතුරුගිරිය, ඔරුවල ප්‍රදේශයේ සිදුකළ වෙඩිතැබීමකින් ප්‍රසිද්ධ ව්‍යාපාරිකයෙකු වන සුරේන්ද්‍ර වසන්ත නොහොත් ක්ලබ් වසන්ත මියගොස් තිබේන බවට තොරුතුරු වාර්තා වේ.
මෙම වෙඩිතැබිමෙන් තවත් තිදෙනෙකුට තුවාල සිදුවී ඇත, තුවාල ලැබූවන් අතර ජනප්‍රිය ගායන ශිල්පිනියක් වන කේ. සුජීවා ද සිටින බව පොලීසිය වැඩිදුරටත් සඳහන් කරයි.