හිටපු රාජ්‍ය අමාත්‍ය ඒ. එච්. එම් ෆවුසිට වසර 2ක බරපතළ වැඩ සහිත සිරදඬුවම් නියම කර එය වසර 10ක කාලයකට අත්හිටුවීමට කොළඹ මහාධිකරණ විනිසුරු නවරත්න මාරසිංහ අද (27) නියෝග කර ඇති බව වාර්තා වේ.
2010 වසරේ දී ඒ. එච්. එම් ෆවුසි ආපදා කළමනාකරණ අමාත්‍යවරයා ලෙස කටයුතු කරමින් සිටිය දී එම අමාත්‍යාංශයේ ආපදා කළමනාකරණ කටයුතු සඳහා නෙදර්ලන්තයෙන් හිමිවූ රුපියල් කෝටි 2කට ආසන්න සුඛෝපභෝගි වාහනයක් සිය පෞද්ගලික පරිහරණය සඳහා යොදවා ගැනීම හා ඒ සඳහා අමාත්‍යාංශ ලේකම්වරිය ඇතුළු බලධාරීන් පෙළඹවීමත් වාහනයේ නඩත්තු කටයුතු සඳහා රුපියල් ලක්ෂ 10කට ආසන්න මුදල් අමාත්‍යාංශ මුදලින් වැය කිරීමත් ආදි අධිචෝදනා 4ක් යටතේ නීතිපතිවරයා විසින් පවරා තිබූ නඩුව අද දින කැඳවු අවස්ථාවේදී මෙම නියෝගය නිකුත් කර ඇත.
ඒ අනුව එච්. එම් ෆවුසි වරද පිළිගැනීමෙන් අනතුරුව ඔහුව එම චෝදනාවට වරදකරු කරමින් අධිකරණය එම නියෝගය නිකුත් කර ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

නිල සංචාරයක් ඉන්දීය නාවික හමුදාවට අයත් ‘INS Mumbai’ යුධ නෞකාව අද (26) පෙරවරුවේ දී කොළඹ වරායට පැමිණ තිබේ.මෙය Destroyer වර්ගයට අයත් යුද නෞකාවකි.
දිගින් මීටර් 163ක් වන මෙම වේගවත් යුධ නෞකාව කාර්යය මණ්ඩලය 410 දෙනෙකු රැගෙන පැමිණ ඇති අතර නෞකාවේ අණදෙන නිලධාරී ලෙස ‍කපිතාන් සන්දීප් කුමාර් කටයුතු කරයි.

මෙම යුධ නෞකාව මෙරට රැඳී සිටින කාලසීමාව තුළ එහි කාර්යය මණ්ඩලය මෙරට ප්‍රධාන ස්ථාන කිහිපයක සංචාරය කිරීමටද නියමිත අතර බටහිර නාවික විධාන මුහුදු තීරයේදී ශ්‍රී ලංකා නාවික හමුදා නෞකාවක් සමඟ පුහුණු අභ්‍යාසයක්ද පවත්වා මේ මස 29 වැනිදා දිවයිනෙන් පිටත්ව යන බව ශ්‍රී ලංකා නාවික හමුදාව ප්‍රකාශ කර තිබේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ප්‍රවීණ චිත්‍රපට අධ්‍යක්ෂ සුගතපාල සෙනරත් යාපා මහතා අභාවප්‍රාප්ත වී ඇති බව වාර්තා වේ.
මියයන විට 89 වැනි වියෙහි පසු වූ එතුමා වර්ෂ 1935 නොවැම්බර් මස 10 වන දින අකුරැස්ස ප්‍රදේශයේ උපත ලබා ඇති අතර හන්තානේ කතාව, පෙම්බර මධු, ඉන්දුට මල්මිටක් ඇතුළු සම්මානනීය ජනප්‍රිය චිත්‍රපටි රැසක නිර්මාණ අධ්‍යක්ෂකවරයා ලෙස ඔහු කටයුතු කර ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ශ්‍රී ලංකාවේ ව්‍යාපාරිකයෙක් විසින් Air Ceilao නමින් ගුවන්සේවයක් ආරම්භ කිරිමට සූදානම් බවටත් එය,මූලික අදියරේදී මැදපෙරදිග සහ ආසියානුකරයේත් ඉන් අනතුරුව යුරෝපයටත් ගුවන් ගමන් ආරම්භ කිරීම ඔවුන්ගේ අරමුණය බවත් තොරතුරු වාර්තා වේ.
බෝයිං ගුවන්යානා මිලදී ගැනීමට ඔවුන් මේ වනවිට සාකච්ඡා කරමින් සිටින අතර ශ්‍රී ලංකාවේ ගුවන්සමාගම ස්ථාපනය කිරීමට අදාළ කටයුතු සිවිල් ගුවන්සේවා අධිකාාරිය සමග එක්ව සිදු කරන බවද වාර්තා වේ.
ශ්‍රී ලංකන් ගුවන්සේවා ආරංචි මාර්ග සඳහන් කර ඇත්තේ මෙමගින් ශ්‍රී ලංකන් ගුවන්සේවයට අභියෝගයක් එල්ලවනු ඇති බවයි.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ඉකුත් වසරේ මාර්තු මස 09 වනදා පැවැත්වීමට නියමිතව තිබූ පළාත් පාලන ඡන්ද විමසීම ජනාධිපතිවරණයෙන් පසුව පැවැත්වීමට කටයුතු කරන බව මැතිවරණ කොමසාරිස් ජනරාල් සමන් ශ්‍රී රත්නායක මහතා ප්‍රකාශ කර ඇත.
එම ඡන්ද විමසීම හැකි ඉක්මණින් පවත්වන්නැයි ශ්‍රේෂ්ඨාධිකරණය මැතිවරණ කොමිසමට කළ නියෝගය සම්බන්ධයෙන් අදහස් පළ කරමින් ඔහු මේ බව ප්‍රකාශ කර තිබේ.
එහිදී මැතිවරණ කොමසාරිස් ජනරාල්වරයා වැඩිදුරටත් සඳහන් කර සිටියේ, මේ අවස්ථාවේදී ප්‍රමුඛතාවය තියෙන්නේ ජනාධිපතිවරණයට බවත් පසුව පළාත් පාලන මැතිවරණය පැවැත්වීමට කටයුතු කරන බවත් ය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ජනාධිපතිවරණය ප්‍රකාශයට පත්කර ඇති අවස්ථාවක රජය විසින් ජනතාව වෙත සහනාධාර ලබාදීම පිළිගත නොහැකි බව පැෆ්රල් සංවිධානය පවසන අතර ඒ සම්බන්ධයෙන් මැතිවරණ කොමිසම දැනුවත් කිරීමට කටයුතු කර ඇති බව එහි විධායක අධ්‍යක්ෂ රෝහණ හෙට්ටිආරච්චි මහතා පවසා ඇත.
ජනතාවගේ ආර්ථික ගැටලු විසඳීම සඳහා සහනාධාර ලබාදීමට අවශ්‍ය නම් එය ජනාධිපතිවරණය නම් කිරීමට පෙර හෝ ජනාධිපතිවරණයෙන් පසු සිදු කිරීමට හැකි බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා වැඩිදුරටත් පවසා ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ඊයේ රාත්‍රියේ (22) නිවේදනයක් නිකුත් කරමින් ජල සම්පාදන හා වතු යටිතල පහසුකම් සංවර්ධන අමාත්‍යය ජීවන් තොණ්ඩමන් මහතා විසින් ජල ගාස්තු සංශෝධනය කරමින් අති විශේෂ ගැසට් පත්‍රයක් නිකුත් කර ඇත.๬ඒ අනුව ගෘහස්ථ භාවිත ජල ගාස්තුව 7%කින් ද රජයේ රෝහල් ජල ගාස්තුව 04.5කින් සහ සිද්ධස්ථාන වල ජල ගාස්තුව 06.3කින් අගෝස්තු මස 21 වන දා සිට අඩුවෙන බව ද සහ රජයේ රෝහල් ජලගස්තුව 04.5 කින් අඩුවෙන බව ද සඳහන් ය. ඒ අනූව මෙහි වැඩිදුරු තොරතුරු ලබා ගැනීම සඳහා ජාතික ජල සම්පාදන හා ජලාප්‍රවාහන මණ්ඩලයේ 1939 ක්ෂණික දුරකථන අංකය ඇමතිය හැකි බවද ආරංචි මාර්ග වැඩිදුරටත් පවසා ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

තේ වගාවට අවශ්‍ය පොහොර කිලෝග්‍රෑම් 50ක මිටියක් රුපියල් 4,000ක සහන මිලකට තේ වගාකරුවන්ට ලබා දීම සඳහා කැබිනට් අනුමැතිය හිමි වී තිබෙන බවට වාර්තා වේ.
එමෙන්ම 2024/25 මහ කන්නයේදී කුඹුරු ඉඩම්වල වගා කරන වී සහ වෙනත් වගා සඳහා, උපරිම හෙක්ටයාර දෙකකට සීමා වන පරිදි එක් හෙක්ටයාරයක් සඳහා රුපියල් 15,000ක මූල්‍ය සහනාධාරයක් ලබා දීමටත් කැබිනට් අනුමැතිය හිමිවී තිබෙන බවට වැඩිදුරටත් සදහන් වේ.

සැණින් එසැණින් දසත විහිදූ පුවත් ඔබ අතට🌍
WhatsApp group >>> https://chat.whatsapp.com/BpZ2apzFoKqHtoo4RWnaBi
TheNewsLK Facebook page link >>> https://www.facebook.com/thenewslk1