දේශීය – Page 15

Posted on: July 18, 2024

අගෝස්තුවේදී වාහන ගෙන්වීමට සූදානමක්

අගෝස්තු මාසයේදී වාහන ආනයනය කිරීමට ආරම්භයක් දිය හැකි බව මුදල් රාජ්‍ය අමාත්‍ය රංජිත් සියඹලාපිටිය මහතා පවසා ඇත.
ඒ අනුව විදුලියෙන් ක්‍රියා කරවන වාහන ගෙන්වීමට වැඩි නැඹුරුතාවක් දක්වන බව හා වාහන ආනයනය සිදුකරන්නේ කෙසේද යන්න පිළිබඳ ආරම්භයක් ලබ‍ා දීමට සූදානම් අතර ඊට අදාළ කමිටු වාර්තාව අගෝස්තු මස දෙවන සතියේ කැබිනට් මණ්ඩලයට ඉදිරිපත් කරන බව ඔහු වැඩි දුරටත් පවසා ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 18, 2024

ඥාණසාර හිමි නිදහස් කරන්න නියෝග

පූජ්‍ය ගලගොඩඅත්තේ ඥාණසාර හිමියන් විසින් ඉදිරිපත් කර තිබූ අභියාචනා පෙත්සම අද (18) දින කැඳවීමෙන් අනතුරුව බරපතළ වැඩ සහිත වසර හතරක සිර දඬුවම් නියම වී සිටි ඥාණසාර හිමියන් ඇප මත මුදාහැරීමට අභියාචනාධිකරණය නියෝග කර තිබෙන බව වාර්තා වේ.

Posted on:

ජවිපෙ චන්ඩිකම් යලිත් කරළියට ?

පසුගිය 16 වැනි දින ජාතික ජනබලවේගය නායක අනුර කුමාර දිසානායක මහතාගේ ප්‍රධානත්වයෙන් මහනුවර මධ්‍යම වෙළෙඳපොළ ඉදිරිපිටදී ප්‍රචාරක රැළියක් පැවැත්වූ අතර එහිදී මහනුවර ඔරලෝසු කණුව ඉදිරිපිට පැවැති ජාජබ ප්‍රචාරක පුවරුවක් ඉවත් කිරීමට උත්සාහ කළේ යැයි කියන සිද්ධියක් මුල් කර ගනිමින් ජාජබ විධායක සභික කේ.ඩී. ලාල්කාන්ත තමන්ට බැණ තර්ජනය කළ බව කියමින් මහනුවර මහනගර සභාවේ වැටලීම් අංශයේ ප්‍රධානී අනුර වගේ වත්ත නමැති පුද්ගලයා මහනුවර පොලිස් මූලස්ථානයට පැමිණිල්ලක් කර තිබේ. එහිදී ඔහු විසින් රැලියේදී මෙම තර්ජනය සිදු කළ බව කියමින් එහි හඬ පටයක් ද පොලිසියට ඉදිරිපත් කර ඇති බව වාර්තා වේ. ලාල්කාන්ත විසින් තමන්ගේ නම දහස් සංඛ්‍යාත ජනතාව ඉදිරියේ ප්‍රකාශ කිරීම තුළින් තමන්ගේ ජීවිතයට තර්ජනයක් ඇති විය හැකි බව ද වගේවත්ත නමැති අය පොලිසියට වැඩිදුරටත් පවසා තිබේ.

ජනපති රනිල් වික්‍රමසිංහ මහතාගේ ප්‍රධානත්වයෙන් මහනුවරදී 14 වැනිදා පැවැති ජන රැලිය හේතු කොට ගෙන මෙම අනුර දිසා- නායක මහතාගේ රුව සහිත විශාල ප්‍රමාණයේ ප්‍රචාරක පුවරුව තාවකාලිකව ඉවත් කිරීම පොලිසියේ ද උපදෙස් මත වැටලීම් අංශය මඟින් සිදු කරනු ලැබ ඇත්තේ නගර සභා පරිපාලනයේ උපදෙස් මත වන බවද අදාළ ප්‍රචාරක පුවරුව සඳහා නගර සභාවට කළ යුතු ගෙවීම් ද කර නොතිබියදී එය ආරක්ෂාකාරීව තබා – ගෙන නැවත ජාතික ජන බලවේගයේ ප්‍රචාරක රැලිය දින ඔවුන්ට ලබාදුන් බවද මේ සම්බන්ධව කළ විමසීමකදී නගර සභාවේ ඉහළ නිලධාරීනියක විසින් සඳහන් කර ඇත. අදාළ පැමිණිල්ල සම්බන්ධයෙන් පොලිසිය විමර්ශනයක් ද මේ වන විට ආරම්භ කර තිබේ.

Posted on: July 18, 2024

රාජසභා ගොඩනැගිල්ල කැඩූ නගරාධිපතිගේ දඬුවම් ලිහිල් වෙයි.

වසර තුනක සිර දඬුවම් නියම වී සිටි කුරුණෑගල හිටපු නගරාධිපති තුෂාර සංජීව විතාරණ ඇතුළු විත්තිකරුවන්ගේ දඬුවම එක් වසරක් දක්වා අඩු කිරීමට අභියාචනාධිකරණය නියෝග කර ඇත.
කුරුණෑගල බුවනෙකබා රාජසභා ගොඩනැගිල්ල කඩා ඉවත් කිරීමේ සිද්ධිය සම්බන්ධයෙන් වරදකරු වී මෙලෙස දඬුවම් ලබා සිටි අතර එම විත්තිකරුවන් ඉදිරිපත් කළ අභියාචනා පෙත්සම්වල තීන්දුව ලබා දෙමින් අභියාචනාධිකරණය මෙම නියෝගය නිකුත් කර ඇති බව වාර්තා වේ.

Posted on: July 18, 2024

තිස්ස අත්තනායකට අනතුරක්

සමගි ජන බලවේගයේ පාර්ලිමේන්තු මන්ත්‍රී තිස්ස අත්තනායක මහතා ගමන් ගත් ජීප් රථය ජාවත්ත මාර්ගයේ සළුසල අසලදී අනතුරකට ලක්වී ඇතැයි නාරාහේන්පිට පොලිසිය වාර්තා කරනවා. මෙම අනතුරින් මන්ත්‍රීවරයා ඇතුළු තිදෙනෙකු තුවාල ලබා ඇති අතර තිදෙනාම නාරහේන්පිට ප්‍රදේශයේ පෞද්ගලික රෝහලකට ඇතුළත් කර ඇති බවත් පොලීසිය වැඩිදුරටත් පවසයි. මන්ත්‍රීවරයා ගමන් ගත් ජීප් රථය සහ මෝටර් රථයක් එකිනෙක ගැටීමෙන් මෙම අනතුර සිදුවී ඇත.

Posted on: July 17, 2024

ජනාධිපතිවරණයට පොලිසියෙන් වියදම් ලැයිස්තුවක්

ජනාධිපතිවරණයට අදාළ ආරක්ෂක වැඩපිළිවලට අවශ්‍යය සමස්ත වියදම් ඇස්තමේන්තුවක් කඩිනමින් මැතිවරණ කොමිෂන් සභාවට යොමු කරන බව පොලිස් මූලස්ථානය සඳහන් කර තිබේ. ජනාධිපතිවරණ ඡන්ද මධ්‍යස්ථානය සඳහා අවම වශයෙන් නිලධාරීන් දෙදෙනකු අනුයුක්ත කිරීමට පොලිසිය බලාපොරොත්තු වන අතර පොලිස් කොට්ඨාස මට්ටමින් අපේක්ෂිත වියදම් ඇතුළත් වාර්තා කැඳවීමට පොලිසිය දැනටමත් කටයුතු ආරම්භ කර ඇති බව වැඩිදුරටත් වාර්තා වේ.

Posted on: July 17, 2024

තරඟයේ වීරයා සම්මානය පිළිකා රෝහලට පරිත්‍යාග කල මහීෂ් තීක්ෂණ

2024 ජුලි 14 වන දින දඹුල්ල සික්සර්ස් සහ ගාලු මාර්වල්ස් අතර පැවති ලංකා ප්‍රිමියර් ලීග් තරඟයේදී තීක්ෂණ තමා දිනාගත් ඇමරිකානු ඩොලර් 1,500 ක මුදල පිළිකා රෝග නිවාරණය වෙනුවෙන් Indira Cancer Trust වෙත පිරිනමා ඇත.
මෙය ‘පියයුරු පිළිකා’ පිළිබඳ දැනුවත් කිරීම සඳහා ‘ජූලි 14 ඉරිදා පවත්වන ලද LPL ‘රෝස දිනයට’ සමගාමීව සිදුකර තිබේ.
“Strike with Hope: LPL Goes Pink for Breast Cancer Awareness” යන මාතෘකාව යටතේ පැවති මෙම ප්‍රචාරණ ව්‍යාපාරයේදී සියලුම ක්‍රීඩකයන් සහ ආධාරකරුවන් ‘රෝස දිනය’ වෙනුවෙන් සහයෝගය දක්වා ඇති අතර ඔවුන් සොයලු දෙනා ‘රෝස’ පැහැති ඇඳුම් ඇඳ සිටිනු දක්නට ලැබිණ.

Posted on: July 17, 2024

වෙඩි තබා ඝාතනය කළ ක්‍රිකට් නායකයා

ගල්කටස් වර්ගයේ ගිණි අවියක් භාවිත කරමින් 2002 වසරේ 19 පහළ ක්‍රිකට් කණ්ඩායමේ හිටපු නායක ධම්මික නිරෝෂන් හෙවත් ජොන්ටි නැමැත්තා හට වෙඩි තබා ඝාතනය කර ඇති බව පොලිසිය විසින් සඳහන් කර ඇත. 41 හැවිරිදි මොහු මිය ගොස් ඇත්තේ අම්බලන්ගොඩ කන්දවත්ත ප්‍රදේශයේදී ඔහුගේ සිය නිවස ඉදිරිපිට බව වැඩි දුරටත් වාර්තා වේ.

Posted on: July 16, 2024

දඩ මුදල් වැඩි කරයි

අපරාධ නඩු විධාන සංග්‍රහය පනතේ දඩ මුදල් වැඩි කිරීමේ සංශෝධන සඳහා 2023-11-27 දින පැවති අමාත්‍ය මණ්ඩල රැස්වීමේදී කැබිනට් අනුමැතිය ලැබී ඇති බව වාර්තා වේ.
ඒ අනුව නීති කෙටුම්පත් සම්පාදක විසින් සකස් කරනු ලැබ ඇති සංශෝධිත පනත් කෙටුම්පත සඳහා නීතිපතිගේ අවසරය ලැබී ඇත.
එම පනත් කෙටුම්පත රජයේ ගැසට් පත්‍රයේ පළ කිරීමටත්, අනුමැතිය සඳහා පාර්ලිමේන්තුවට ඉදිරිපත් කිරීමටත් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය අනුමත කර තිබේ.

Posted on: July 16, 2024

ජනතාවගේ සල්ලිවලින් උඩ ගිය මෛත්‍රී මහින්ද

හිටපු ජනාධිපති මහින්ද රාජපක්ෂ මහතා 2005 සිට 2015 දක්වා සිටි දුර කාලය තුළදී රට තුළ අභ්‍යන්තර ගුවන් ගමන් සඳහා මුදල් අවභාවිත කරමින් ගුවන් හමුදාවට අයත් හෙලිකොප්ටර් යනා වාර 97 ක් ගොස් ඇති බව වාර්තාවේ.ඔහු මේ සියල්ල සිදුකර ඇත්තේ ජනාධිපති වරප්‍රසාද යටතේ බව ද එම ආරංචි මාර්ග වැඩිදුරටත් සඳහන් කර ඇත.හිටපු ජනාධිපති මෛත්‍රීපාල සිරිසේන මහතා ද වසර 5කට පෙර ගුවන් ගමන් වාර 557 ගොස් ඇති බව ද වාර්තා වේ.
ගුවන් හමුදා මූලස්ථානය මගින් තොරතුරු දැනගැනීමේ පනත යටතේ ලබාගත් තොරතුරු මගින් මෙය අනාවරණය වී ඇති බව සහ මහින්ද රාජපක්ෂ මහතා 2005 වසරේ සිට 2014 දක්වා ගුවන් ගමන්වාර ක්‍රම ක්‍රමයෙන් වැඩි වී ඇතැයිද 2009 වසරේ සිට 2017 දක්වා එය සීඝ්‍ර වර්ධනයක් පෙන්නුම් කර ඇති බව ද වාර්තාවේ. කෙසේ වෙතත් ගුවන් ගමන් වාර 111ක් ගමන් කරමින් දෙදෙනාගේ සමස්ත ගුවන් ගමන් ප්‍රමාණය සැලකිල්ලට ගැනීමෙන් පසුව සම දුර කාලය තුළදී වාර්ෂිකව වැඩි වශයෙන් මහජන මුදල් වැයකර ඇත්තේ හිටපු ජනපති මෛත්‍රී පාල සිරිසේන බවත් මහින්ද රාජපක්ෂ මහතා ගොස් ඇත්තේ ගුවන් ගමන් වාර 88ක් බවත් සඳහන් ය.