දේශීය – Page 21

Posted on: July 4, 2024

හිරුණිකාගේ ඇප ඉල්ලීමට විරෝධතාවක්

හිටපු පාර්ලිමේන්තු මන්ත්‍රීනි හිරුණිකා ප්‍රේමචන්ද්‍ර මහත්මිය දැනට බරපතළ වැඩසහිතව වසර තුනක සිර දඬුවම් නියමවී බන්ධනාගාර ගතව සිටී. මෙහිදී ඇයව ඇප මත මුදාහරින ලෙස කර තිබෙන ඉල්ලීමට අදාළව විරෝධතා ගොනු කරන බව නීතිපතිවරයා අද (04) කොළඹ මහාධිකරණය හමුවේ දැනුම් දී ඇත. මෙලෙස ඉල්ලූ ඇප ඉල්ලීම අද කොළඹ මහාධිකරණ විනිසුරු අමල් රණරාජා මහතා ඉදිරියේ සලකා බැලුණු අතර මෙම ඉල්ලීමට අදාළව විරෝධතා ඉදිරිපත් කිරීමට නීතිපතිවරයා අපේක්ෂා කරන බවත් එම විරෝධතා ලිඛිතව ගොනු කිරීම සඳහා කල්ලබා දෙන ලෙසත් රජයේ නීතිඥවරයා මෙහිදී සඳහන් කළේ ය. ඒ අනුව මෙහිදී මහාධිකරණ විනිසුරුවරයා විරෝධතා ඉදිරිපත් කිරීමට නීතිපතිවරයාට අවසර දුන් අතර මෙම ඇප ඉල්ලීම යළි ලබන 11 වනදා කැඳවන ලෙසද විනිසුරුවරයා මේ අවස්ථාවේදී නියෝග කළේය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 4, 2024

අද සිට අලුත් වන යුක්තියේ මෙහෙයුම

ශ්‍රී ලංකා යුද හමුදාවේ ද සහාය ලබාගැනීමෙන් අද (04) සිට යුක්තිය මෙහෙයුම නව මුහුණුවරකින් ආරම්භ කිරීමට අපේක්ෂා කරන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව මහතා පවසා ඇත.
කොළඹ ආශ්‍රීත ප්‍රදේශ කිහිපයක අද දිනයේ මෙම වැඩසටහන ආරම්භ කෙරුණු අතර ඉදිරියේ දී මුළු දිවයිනම ආවරණය වන පරිදි එය ක්‍රියාත්මක කෙරෙන බව එතුමා වැඩි දුරටත් සදහන් කර ඇත.

Posted on: July 3, 2024

ශම්මිගේ රූකඩයක් වන වනිදු ගැන හේශා කියයි.

ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතාගේ රූකඩයක් බවට එහි නායක වනිදු හසරංග පත්වී ඇතැයි සමගි ජන බලවේග පාර්ලිමේන්තු මන්ත්‍රී හේෂා විතානගේ මහතා අන්තර්ජාල නාලිකාවක සාකච්ඡාවකට එක්වෙමින් ප්‍රකාශ කර ඇත. එමෙන්ම මේ අවස්ථාවේදී ෂම්මි සිල්වා විසින් පත්කරන ලද ක්‍රීඩා අමාත්‍යවරයාගෙන් මීට වඩා දෙයක් ශ්‍රී ලංකාවේ ක්‍රිකට් ක්‍රීඩාවට සිදු නොවන බවද හෙතෙම කියා සිටියේය. ඒ වගේම ජනාධිපති උපදේශකයන් පිරිසක් ක්‍රිකට් ක්‍රීඩාව තව තවත් විනාශ කරමින් සිටින බවත් ඔහු චෝදනා කර ඇත.

Posted on: July 3, 2024

කරවල හොද්දට වැටුනු සිසු දැරිය අවසන් ගමන් යයි

පොසොන් පොහොය නිමිත්තෙන් පානදුර ප්‍රදේශයේ පැවති බත් දන්සලක ආහාර සකසන අවස්ථාවේදී කරවල හොදි කල්දේරමට වැටී බරපතළ තුවාල ලබා ප්‍රතිකාර ලබමින් සිටි 9 හැවිරිදි පාසල් සිසුවිය මියගොස් ඇති බව පානදුර දකුණ පොලිසිය ප්‍රකාශ කර ඇත.
පසුගිය 23 මෙම අනතුර සිදුවී ඇති අතර දැරිය පානදුර මූලික රෝහලට ඇතුළත් කිරීමෙන් පසු, ඇයගේ තත්වය බරපතල බැවින් කොළඹ රිජ්වේ ආර්යා රෝහලට මාරු කර යවා සිටියදී මියගොස් ඇති බව රෝහල් ආරංචි මාර්ග සඳහන් කරයි.
මෙසේ මියගොස් ඇත්තේ පානදුර, බෙක්කේගම ප්‍රදේශයේ පදිංචිව සිටී ශයනි මෙතුම්සා නමැති දැරියක බව සදහන් වේ.

Posted on: July 3, 2024

උද්දිකගේ CCTV සාක්ෂි රජයේ රස පරීක්ෂාවට ලක්වේ.

හිටපු පාර්ලිමේන්තු මන්ත්‍රී ප්‍රවීණ රංගන ශිල්පි උද්දික ප්‍රේමරත්න මහතා ගමන් ගත් මෝටර් රථයට වෙඩි තැබු දිනයේ ඒ ආසන්නයෙන් සුදු පැහැති මෝටර් රථයක් ගමන් ගන්නා අයුරු සී.සී.ටී.වී. කැමරාවක සටහන්ව තිබිණි. මෙම සී.සී.ටී.වී. දර්ශන රජයේ රස පරීක්ෂකවරයා වෙත යවා රස පරීක්‍ෂක වාර්තාව පරීක්ෂාවට ලක් කොට නොපමාව කැඳවීමට අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු නාලක සංජීව ජයසූරිය මහතා අපරාධ පරීක්ෂණ දෙපර්තෙමේන්තුවට නියම කොට ඇත. එම වාර්තාවට අනුව සී.සී.ටී.වී. දර්ශනවල සටහන් වී ඇති සුදු පැහැති මෝටර් රථය වෙඩි ප්‍රහාරය එල්ල කිරීමට සැකකරුවන් පැමිණි මෝටර් රථය බවට සැක මතු ව තිබෙන බවට වාර්තා වේ. ඒ අනුව ශ්‍රී ලංකා පොදුජන පෙරමුණේ අනුරාධපුර දිස්ත්‍රික් හිටපු පාර්ලිමේන්තු මන්ත්‍රී උද්දික ප්‍රේමරත්න මහතා ගමන් ගත් මෝටර් රථයට වෙඩි ප්‍රහාර දෙකක් එල්ල කිරීමේ සිද්ධියට අදාළ පැමිණිල්ල මෝෂමක් මාර්ගයෙන් කැඳවනු ලැබූ අපරාධ පරීක්ෂණ දෙපාර්තමේන්තුවේ නිලධාරීහු සිද්ධියට අදාළ විමර්ශන වල ප්‍රගතිය වැඩිදුර වාර්තාවක් මගින් අධිකරණයට දැනුම් දී තිබේ. එමෙන්ම රහස් පොලිසියේ ඉල්ලීමට අවසර දුන් මහෙස්ත්‍රාත්වරයා රස පරීක්ෂකවරයාගේ වාර්තාව සහ විමර්ශන වල ප්‍රගතිය නොපමාව අධිකරණයට ඉදිරිපත් කිරීමට පොලිසියට නියෝග කළේය.

Posted on: July 3, 2024

සම වගේම කළු සල්ලිත් සුදු කරන පියුමි හංසමාලි

නිරූපණ ශිල්පිණි පියුමි හංසමාලි එක්තරා පාතාල නායකයකුගේ මුදල් පරිහරණය කරන බවට තොරතුරු ලැබී ඇති බව මහජන ආරක්ෂක අමාත්‍ය ටිරාන් අලස් මහතා සඳහන් කරයි. ඒ හේතුවෙන් ඇයගේ වත්කම් සම්බන්ධයෙන් විමර්ශනයක් තවදුරටත් සිදුකරන බවත් ඇයට තම නිර්දෝෂී භාවය ඔප්පු කිරීමට අවස්ථාව ඇති බවත් ඇමතිවරයා වැඩිදුරටත් සඳහන් කළේය.
මත්ද‍්‍රව්‍ය ජාවාරම හා පාතාල ක්‍රියා මර්දනය කිරීම කුමන තර්ජන පැමිණියත් සිදු කරන බවත් හෙට දිනයේ සිට යුක්තිය මෙහෙයුම ජනතාවගේ ඇඟට දැනෙන අයුරින් ක්‍රියාත්මක කරන බවත් දිවයින පුවත්පත වෙත අදහස් දක්වමින් ඔහු තවදුරටත් පැවසුවේය.

Posted on: July 3, 2024

ඖෂධ මිලටත් ගැසට්ටුවක්

ජාතික ඖෂධ නියාමන අධිකාරියේ පනත සංශෝධනය කරමින් ඖෂධ සඳහා උපරිම සිල්ලර මිලක් නියම කිරීමට අදාළ ක්‍රමවේදය සහිත අති විශේෂ ගැසට් නිවේදනයක් නිකුත් කර තිබේ. සෞඛ්‍ය අමාත්‍ය වෛද්‍ය රමේශ් පතිරණ මහතා විසින් එම ගැසට් නිවේදනය නිකුත් කර ඇත. විනිවිද භාවය සහ සාධාරණත්වය සහතික කිරීමේ අරමුණින් එම නියෝග නිකුත් කර ඇති අතර යම් නිශ්චිත ඖෂධයක ඖෂධ මාත්‍රා ආකාරයට සහ ප්‍රබලතාවයට අදාළව උපරිම සිල්ලර මිලක් නිශ්චය කිරීම සඳහා වූ ක්‍රමවේදයක් හදුන්වා දී ඇති බව වාර්තා වේ. තවද වෙළඳපොළ තුළ අලෙවි කරනු ලබන ඖෂධ වල උපරිම සිල්ලර මිළ ගණන් නිර්ණාය කිරීමට නියමිතව තිබෙන අතර ඊට අදාළ ගැසට් නිවේදනය ද ප්‍රකාශයට පත් කර ඇති බව වැඩිදුරටත් සඳහන් වේ.

Posted on: July 2, 2024

කෙහෙළියගේ පෙත්සම ගැන තීරණ අගෝස්තු 01

නඩු විභාගය අවසන් වන තෙක් රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය දී ඇති නියෝගය බලරහිත කිරීමේ තීන්දුවක් ලබාදෙන ලෙස ඉල්ලා හිටපු සෞඛ්‍ය අමාත්‍ය කෙහෙළිය රඹුක්වැල්ල විසින් ඉදිරිපත් කර ඇති පෙත්සම විභාගයට ගැනීමට අවසර දෙන්නේ ද? නැද්ද? යන තීරණය සහ ඔහු ඇප මත මුදා හරින ලෙස කර තිබෙන ඉල්ලීම පිළිබඳ නියෝගය ලබන අගෝස්තු මස 01 වනදා ප්‍රකාශයට පත් කරන බව අභියාචනාධිකරණය නියෝග කර ඇත.
ඒ අනුව කෙහෙළිය රඹුක්වැල්ල විසින් ඉදිරිපත් කළ පෙත්සමක් කරුණු සලකා බැලීමෙන් අනතුරුව අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන අභියාචනාධිකරණ විනිසුරු මඩුල්ල විසින් එම නියෝගය ප්‍රකාශයට පත්කර ඇති බව වාර්තා වේ.

Posted on:

යාපනයට ඉන්දීය අරමුදල්

යාපනය දිස්ත්‍රික්කයේ ජනතාවට පානිය ජලය සපයා ගැනීම සඳහා වැසි ජලය රැස්කර ගැනීමේ ටැංකි ඉදිකිරීමේ ව්‍යාපෘතිය සඳහා කැබිනට් අනුමැතිය ලැබී ඇති බව වාර්තා වේ,
යාපනය දිස්ත්‍රික්කයේ පිරිසිදු පානීය ජලය සපයා ගැනීම පිණිස ඉන්දීය රජය විසින් පිරිනමන ලද අරමුදල් උපයෝගී කර ගෙන වැසි ජලය රැස් කිරීමේ ටැංකි 3000ක් ඉදිකිරීමට ඉන්දීය රජය සමග අවබෝධතා ගිවිසුමක් අත්සන් කිරීම සඳහා 2016 – 10 – 25 වනදා අමාත්‍ය මණ්ඩල අනුමැතිය ලැබී තිබුණි, එම ව්‍යාපෘතිය වසර තුනකදී නිම කළ යුතුව තිබූ නමුත් මතුවූ මූල්‍යමය හා තාක්ෂණික ගැටලු හේතුවෙන් ව්‍යාපෘති කාලසීමාව 2024 ජුනි දක්වා දීර්ඝ කෙරිණි.
ව්‍යාපෘතිය යටතේ තවදුරටත් ඉතිරිව පවත්නා අරමුදල් වලින් වැසි ජලය එක් රැස් කිරීමේ ටැංකි 934ක් ස්ථාපිත කිරීම පිණිස අමාත්‍ය විජයදාස රාජපක්ෂ මහතා විසින් ගෙන ආ මෙම යෝජනාවට කැබිනට් මණ්ඩල අනුමැතිය ලැබී ඇති බව සදහන් වේ,

Posted on: July 2, 2024

මහනුවර අධිකරණයට අභිරහස් බෝම්බයක්

මහනුවර අධිකරණ සංකීර්ණය තුළ බෝම්බයක් ඇති බවට ලද තොරතුරකට අනුව එහි විශේෂ ආරක්ෂක මෙහෙයුමක් ක්‍රියාත්මක වන බව වාර්තා වී ඇත. මේ හේතුවෙන් එහි නඩු විභාග කිරීම නවතා ජනතාව අධිකරණ සංකීර්ණයෙන් ඉවත් කොට තිබේ. මේ වනවිට එහි බෝම්බ නිෂ්ක්‍රිය අංශය, හමුදාව සහ පොලීසිය විසින් සෝදිසි මෙහෙයුමක් ආරම්භ කර ඇති බවට අනාවරණය වේ.