ශ්‍රී ලංකා IOC සමාගමට හා SINOPEC සමාගමට අයත් ඉන්ධන මිල අද (‍01) සිට ක්‍රියාත්මක වන පරිදි සංශෝධනය කර ඇත. ඒ අනුව ලංකා IOC සමාගමට හා SINOPEC සමාගමට අයත් ඉන්ධනවල මිල, ලංකා ඛනිජ තෙල් නීතිගත සංස්ථාවට අයත් ඉන්ධන මිලට සමාන වන අයුරින් සංශෝධනය වී ඇති බවට සඳහන්ය.

මෙලෙස සංශෝධනය වූ මිල ගණන් ලෙස,
* පෙට්‍රල් 92 – රු. 11 කින් (නව මිල රු.344)
* පෙට්‍රල් 95 – රු. 41 කින් (නව මිල රු.379)
* සුපර් ඩීසල් – රු. 22 කින් (නව මිල රු.355)

මිල නොවෙනස් වන ඉන්ධන වර්ග:
* ඔටෝ ඩීසල් – (මිල රු.317)
* භූමිතෙල් – (මිල රු.202)

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

දෙමළ ජාතික සන්ධානයේ හිටපු නායක පාර්ලිමේන්තු මන්ත්‍රී ආර්. සම්පන්දන් අභාවප්‍රාප්ත වී ඇත.
කොළඹ පෞද්ගලික රෝහලක ප්‍රතිකාර ලබමින් සිටියදී ඔහු මියගොස් ඇති අතර මියයන විට ඔහුගේ වයස අවුරුදු 91 කි.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

මෙරට විවිධ ප්‍රදේශවල සුඛෝපභෝගී නිවාස වල රැඳී සිටිමින් අන්තර්ජාලය ඔස්සේ සූදු ක්‍රීඩා සිදුකරමින් මූල්‍ය වංචා කළ ඉන්දියානු ජාතිකයන් 137 දෙනෙකු මේ වන විට අත්අඩංගුවට ගෙන ඇති බව මහජන ආරක්ෂක අමාත්‍යාංශයේ පැවති මාධ්‍ය හමුවකට සහභාගි වෙමින් පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දුව මහතා පැවසීය.
මෙම ඉන්දියානු ජාතිකයන් මාස කීපයක සිට මෙම ජාවාරම් සිදුකරගෙන ගොස් ඇති අතර ඔවුන් සංචාරක වීසා මගින් මෙරට රැඳී සිට ඇති බවත් ඉන්දියාවේ තහනම් කරන ලද සූදු වෙබ් පිටුවක් මෙරට සිට ක්‍රියාත්මක කර ඒ ඔස්සේ ඉන්දියානු ජාතිකයන් සම්බන්ධ කර ගනිමින් කෝටි ගණනින් සූදු ක්‍රීඩා කර ඇති බවත් අනාවරණය වී ඇති බවත් ඒ මහතා ප්‍රකාශ කර ඇත.
පුද්ගලයෙක් සතු නිවසක් කුලියට දුන්නේ නම් එම නිවසහි පුද්ගලයන් කුමන කාර්යක නියැලෙන්නේ ද යන්න පිළිබඳව සොයා බැලීමට අයිතිකරුට වගකීමක් ඇති බවත් එම නිවස කිසියම් අපරාධයක් සඳහා භාවිතා කර ඇති බවටත් අනාවරණය වුවහොත් රාජසන්තක කිරීමට පවා හැකියාව ඇති බවද ඒ මහතා පවසා ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Web link >>> https://thenews.lk/
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

කොවිඩ් – 19 වෛරසයේ නව ප්‍රභේදයක් අමෙරිකාවේ ව්‍යාප්ත වෙමින් පවතින බව විදෙස් මාධ්‍ය වාර්තා කොට ඇත. මෙහිදී ප්‍රාන්ත 39ක නව ප්‍රභේදය පැතිර යමින් පවතින බව ඇමරිකානු රෝග පාලනය සහ වැළැක්වීමේ මධ්‍යස්ථානය පවසයි. වෛරසයේ සක්‍රීයතාව සාපේක්ෂව තවමත් අඩු අගයක් පැවතිය ද රෝහල්ගත කිරීම් සහ මරණ ඉහළ යමින් පවතින බව වැඩි දුරටත් වාර්තා වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ශ්‍රී ලංකා පොදුජන පෙරමුණ අතර සහ ජනාධිපති රනිල් වික්‍රමසිංහ මහතා අතර තීරණාත්මක හමුවක් ඉදිරි සතිය තුළ සිදුකිරීමට සූදානම් බව වාර්තා වේ.පොදුජන පෙරමුණේ කණ්ඩායමක් මේ වනවිටත් ජනාධිපතිවරයාට සහය දීමට ප්‍රසිද්ධියේ පෙනී සිටින බව සහ නාමල් රාජපක්ෂ මහතා වටා එක් වී ඇති බවත් කණ්ඩායම් අතර පොදු එකඟතාවක් ඇති කර ගැනීමට මෙම සාකච්ඡාව පැවැත්වීමට සූදානම් බවත් සඳහන් වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Web link >>> https://thenews.lk/TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

කර්මාන්ත අමාත්‍යාංශයේ නිර්දේශ මත පමණක් ඉදිරියේ දී ලෝහ ද්‍රව්‍ය අපනයනයන් සිදු කළ යුතු බව මුදල් රාජ්‍ය අමාත්‍ය රංජිත් සියඹලාපිටිය මහතා පවසා ඇත.ඒ අනූව රටේ අනීතිකව සිදුකෙරෙන ලෝහ,යකඩ ආශ්‍රිත උපකරණ හා අබලිද්‍රව්‍ය අපනයනය තහනම් කිරීමට සූදානම් බව ද ඔහු වැඩිදුරටත් පවසා ඇත.තඹ, පිත්තල ,ඇලුමිනියම්, චීනචට්ටි, සුදුයකඩ සහ හයිකාබන් වැනි සියලුම ලෝහ අපද්‍රව්‍ය, යකඩ ආශ්‍රිත උපකරණ හා අබලි ද්‍රව්‍ය අනීතික ලෙස අපනයනය කිරීම හේතුවෙන් රටට අහිමිවන විනිමය සම්බන්ධයෙන් අවධානය යොමුකර මෙම තීරණය ගෙන ඇති බවද වාර්තා වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

ජනාධිපතිවරණය සැප්තැම්බර් 14 සහ ඔක්තෝබර් 16 අතර කාලයේදී පවත්වන බව මැතිවරණ කොමිෂන් සභාව පසුගියදා නිවේදනය කළ අතර මැතිවරණයක් කැඳවීමට නියමිත හෙයින් ඒ සඳහා සූදානම් වන ලෙස මැතිවරණ කොමිෂන් සභාව විසින් රජයේ මුද්‍රණාලාධිපතිනීයටත්, පොලිස්පතිවරයා සහ තවත් ආයතන කිහිපයකට දැනුම් දී ඇති බවට වාර්තා වේ,

මෙසේ දැනුම් දී ඇති අනෙක් ආයතන අතරට ලංකා විදුලිබල මණ්ඩලය, ජල සම්පාදන හා ජලා ප්‍රවාහන මණ්ඩලය හා ලංකා ගමනාගමන මණ්ඩලයද අයත් වේ,මැතිවරණ කටයුතු සඳහා සූදානම් වීමේ මූලික අරමුණින් එසේ උපදෙස් දුන් බව මැතිවරණ කොමිෂන් සභාව වැඩිදුරටත් සදහන් කරයි,

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

දිනපතා උදෑසන වරුවේ ගුරුවරුන් පාසලේ රැඳී සිටීම අනිවාර්ය බවත් දරුවන්ගේ අධ්‍යාපන කටයුතු බිඳවැටීම දිගින් දිගටම සිදුවුවහොත් ගුරුසේවය අත්‍යවශ්‍ය සේවාවක් කිරීමට තමන් කටයුතු කරන බවත් ජනාධිපත් රනිල් වික්‍රමසිංහ මහතා මල්වතු අස්ගිරි මහනාහිමිවරුන් බැහැදුටු අවස්ථාවේදී ප්‍රකාශ කර ඇත. මෙම ප්‍රකාශයට විරෝධය පාමින් ජනාධිපතිවරයාගේ එම තීරණය ක්‍රියාත්මක කිරීමට ඉඩ නොදෙන අතර දින දෙකකට පසුව අදත් පාසල් කටයුතු ක්‍රියාත්මක වන්නේ ජනාධිපතිගේ හෝ ඇමැති බන්දුලගේ කීමට නොවන බව ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා පවසා සිටියේය. එමෙන්ම පෙරේදා දිනයේ දී කොළඹ කොටුවේ පැවති විරෝධතාවයේ දී පොලීසියෙන් එල්ල කළ කඳුලුගෑස් ප්‍රහාරයේදී මේ වන විට දෙදෙනෙකු තුවාල ලබා රෝහල්ගත කර ඇති අතර තවත් තවත් එක් අයෙකු බරපතල තත්ත්වයක පසුවන බවද ඔහු මේ අවස්ථාවේදී සඳහන් කළේය. විරෝධතාවයට එල්ල කළ ප්‍රහාරය හේතුවෙන් තමන් ඇතුළු ගුරු විදුහල්පතිවරුන් දෙවැනි දිනටත් වෘත්තීය ක්‍රියාමාර්ගයේ සිටි බැවින් රජය ඔවුන්ට දුන් පොරොන්දු ඉටුකර නොමැති බවත් ඔවුන් ඉල්ලූ වැටුප් විෂමතා දියත් කර නොමැති බවත් ඒ වගේම ගුරු විදුහල්පති විරෝධතා ක්‍රියාමාර්ගය යුක්ති සහගත වන බවත් මෙතුමා මේ අවස්ථාවේදී වැඩිදුරටත් ප්‍රකාශ කොට ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

විදුලිබල මණ්ඩලය මගින් සිදුකරනු ලබන අත්‍යවශ්‍ය නවීකරණ කටයුත්තක් හේතුවෙන් අඹතලේ ජලපවිත්‍රාගාරය වෙත විදුලි සැපයුම අත්හිටුවීම සහ ඒ හා සමගාමීව සිදුකරන ජලපිරිපහදු පද්ධතියේ නඩත්තු කටයුත්තක් හේතුවෙන් හෙට දිනයේදී (29) ලංකාවේ ප්‍රදේශ කීපයකට පැය 15ක් ජලය සැපයීම අත්හිටුවන බව ජාතික ජලසම්පාදන හා ජලාපවාහන මණ්ඩලය දැනුම් දී තිබේ. එලෙස ජල සැපයීම අත්හිටුවන ප්‍රදේශ ලෙස නම් කර ඇත්තේ කොළඹ, දෙහිවල, ගල්කිස්ස, කෝට්ටේ, කඩුවෙල මහ නගර සභා බලප්‍රදේශ, මහරගම, බොරලැස්ගමුව, කොලොන්නාව නගර සභා බල ප්‍රදේශ, කොටිකාවත්ත, මුල්ලේරියා ප්‍රාදේශීය සභා බල ප්‍රදේශ වේ. ඒ වගේම අඩු පීඩන තත්ව යටතේ ජලය සැපයෙන ප්‍රදේශ ලෙස මොරටුව මහ නගර සභා බල ප්‍රදේශය ද නම් කර ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

නිරූපණ ශිල්පිනී පියුමි හංසමාලිගේ රූපලාවණ්‍ය නිෂ්පාදන බෙදාහරින කුරියර් සමාගමේ හිමිකරු රහස් පොලිසියට ගොස් ඊයේ (27) ප්‍රකාශයක් ලබා දී තිබේ. එසේ ලබා දුන් ප්‍රකාශය පිළිබඳව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව මහතා ප්‍රකාශයක් ඉදිරිපත් කර ඇති අතර කුරියර් සමාගමේ හිමිකරුගෙන් ප්‍රකාශ සටහන් කර ගන්නා ලෙසට අධිකරණයෙන් නියෝග නිකුත් වී ඇත. එබැවින් නීති විරෝධී වත්කම් විමර්ශන කොට්ඨාසයට කැඳවූ බව පොලිස් මාධ්‍ය ප්‍රකාශකවරයා මේ අවස්ථාවේදී සඳහන් කර සිටියේය.
එමෙන්ම මෙම කුරියර් ආයතනයට ප්‍රකාශයක් ලබාදීම සඳහා අපරාධ පරීක්ෂණ දෙපාර්තමේන්තුවේ නීති විරෝධී වත්කම් කොට්ඨාසය මඟින් ඉල්ලීමක් කර තිබුණු අතර එම ඉල්ලීම එම ආයතනයේ ප්‍රධානීන් විසින් ප්‍රතික්ෂේප කර තිබේ. ඒ අනුව ඔවුන්ගෙන් ප්‍රකාශ සටහන් කර ගැනීම සඳහා එම කුරියර් සමාගමේ සභාපතිවරයාට අපරාධ පරීක්ෂණ දෙපාර්තමේන්තුව හමුවට ඉදිරිපත් වන ලෙස ඉල්ලමින් අධිකරණ නියෝගයක් ලබා ගැනීමට කටයුතු කර තිබිණි. ‘මගෙන් රටට‘ සංවිධානයේ සභාපති සංජය මහවත්ත මහතා විසින් නීති විරෝධී වත්කම් විමර්ශන කොට්ඨාසයට කළ පැමිණිල්ලකට අනුව පරීක්ෂණ ආරම්භ කර තිබුණේ නිරූපණ ශිල්පිනියක ලෙස පියුමි හංසමාලිට මෙතරම් සුඛෝපභෝගී ජීවිතයක් ගත කිරීම සඳහා මුදල් ලැබුණේ කෙසේ ද යන්න පිළිබඳව විමසා බැලීමටයී.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
WhatsApp link >>> https://chat.whatsapp.com/BpZ2apzFoKqHtoo4RWnaBi