දේශීය – Page 7

Posted on:

රජයේ වෛද්‍ය නිලධාරීන් උද්ඝෝෂණ මාලාවක

අද (05) රජයේ වෛද්‍ය නිලධාරීන්ගේ සංගමයේ උද්ඝෝෂණ මාලාවක් පැවැත්වීමට කටයුතු යොදා ඇථි බවට වාර්තා වේ.
සිය වෘත්තීය සමිති නායකයින්ට එරෙහිව ගනු ලබන විනය පරීක්ෂණ ඇතුළු ක්‍රියාමාර්ගවලට එරෙහිව මෙම විරෝධතා මාලාව සංවිධානය කර තිබේ.
ඒ අනුව අදාළ උද්ඝෝෂණය කොළඹ ජාතික රෝහල, ගම්පහ දිස්ත්‍රික් මහ රෝහල සහ පානදුර රෝහල ඉදිරිපිටදී දහවල් 12.00 සිට පස්වරු 2.00 දක්වා පැවැත්වීමට සැලසුම් කර ඇති බවයි වැඩිදුරටත් සඳහන් වෙන්නේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: September 3, 2024

උප්පැන්න, විවාහ,මරණ සහතික කිරීම ඔන්ලයින් ක්‍රමයට

උප්පැන්න, විවාහ,මරණ සහතික ඔන්ලයින් ක්‍රමයට සහතික කර ගැනීම සඳහා විදේශ කටයුතු අමාත්‍යාංශයේ කොන්සියුලර් අංශය කටයුතු යොදා තිබේ.
ඒ සඳහා වන ඔන්ලයින් ද්වාරය ඊයේ දියත් කෙරුනු අතර විදේශ ඇමැති අලි සබ්රි ‘X’ සමාජ මාධ්‍ය වේදිකාවේ සටහනක් තබමින් සඳහන් කළේ මීට වසර දෙකකට පෙර, අමාත්‍යාංශය භාර ගන්නා විට, මෙම සේවාවන් සඳහා ඇති ඉල්ලුම හේතුවෙන් විශාල ජනකායක් පැමිණි අතර එක රැයකින් පෝලිම් ද ඇති වූ බවයි.
මෙම ගැටලුව විසඳීම සඳහා මූලික පියවරක් ලෙස විදේශ අමාත්‍යාංශය විසින් eChanneling ද්වාරය හරහා අන්තර්ජාලය ඔස්සේ හඳුන්වා දී මහජන අපහසුතා සැළකිව යුතු ලෙස අඩු කල අතර ඒ මහතා පෙන්වා දුන්නේ දැනට 50-55% ලේඛන සඳහා අමාත්‍යාංශයට මාර්ගගත සහතිකය සම්පූර්ණ කළ හැකි බවයි.
ඉදිරියේ දී සියලුම ලේඛන අන්තර්ජාලය හරහා සහතික කිරීමේ හැකියාව ලබා ගැනීමට කටයුතු කරමින් සිටින බව ද ඔහු සඳහන් කරයි.

Posted on:

2024 වසරට අදාල ශිෂ්‍යත්ව විභහගයට දින නියම වෙයි.

සැප්තැම්බර් මස 15 වනදා 2024 වසරේ 5 ශ්‍රේණිය ශිෂ්‍යත්ව විභහගය පැවැත්වෙන බව විභහග දෙපාර්තමේන්තුව නිවේදනය කර ඇත.
ඒ අනුව සැප්තැම්බර් මස 15 වන ඉරිදා දින උදෑසන 9.30 සිට 10.45 දක්වා දෙවන ප්‍රශ්න පත්‍රයද එදින උදෑසන 11.15 සිට දහවල් 12.15 දක්වා පළමු පත්‍රයද පැවැත්වීමට නියමිත බව වාර්තා වේ.
අපේක්ෂකයින්ගේ පැමිණීමේ ලේඛනය අදාළ පාසල් විදුහල්පතිවරුන් වෙත මේ වනවිට තැපැල් මඟින් යවා ඇති අතර විභහග මධ්‍යස්ථාන 2,649 කදී මෙම විභහගය පැවැත්වීමට කටයුතු සුදානම් කර ඇත.
මෙතෙක් එම ලේඛන නොලැබී ඇති විදුහල්පතිවරුන්ට www.doenets.lk හෝ https://onlineexams.gov.lk/eic පිවිසීමෙන් ලේඛනය බාගත හැකි බව විභහග දෙපාර්තමේන්තුව වැඩි දුරටත් සදහන් කර ඇත.

Posted on: September 2, 2024

බස් ගාස්තු සංශෝධනයක් සිදු නොවේ.

ඉන්ධන මිල පහළ දැමුවද බස් ගාස්තු සංශෝධනයක් සිදු නොවන බව ජාතික ගමනාගමන කොමිෂන් සභාව පවසා ඇත.

Posted on: September 2, 2024

ඡන්දෙට කලින් ලංවිමට 25%ක පඩි වැඩිවෙන ලකුණු

ජනාධිපතිවරණයට පෙර ලංකා විදුලිබල මණ්ඩලයේ සේවකයන්ට 25% ක පමණ වැටුප් වැඩිවීමක් ලැබීමට ඉඩ ඇති බව
‘ද සන්ඩේ මෝර්නින්’ වාර්තා කර ඇත.
විදුලිබල හා බලශක්ති අමාත්‍යාංශය විසින් අදාළ කැබිනට් පත්‍රිකාව දැනටමත් ඉදිරිපත් කර ඇති අතර, එය හෙට (2) පැවැත්වෙන කැබිනට් රැස්වීමේදී සාකච්ඡා කිරීමට බලාපොරොත්තු වන ද වාර්තා වේ.
මසකට රුපියල් මිලියන 750ක් පමණ මෙම වැටුප් වැඩිකිරීම සඳහා අතිරේකව වෙන්කිරීමට සිදුවනු ඇති බවයි වාර්තා වන්නේ.
රජය පොරොන්දු වී ඇති රුපියල් 10,000ක අතිරේක වැටුප් වැඩිවීම මෙම වැටුප් වර්ධකයට අතිරේකව ලබාදෙනු ඇතැයිද වාර්තා වී ඇත

Posted on: September 2, 2024

බස් ගාස්තු ගැන තීරණය අද

ජාතික ගමනාගමන කොමිෂන් සභාව ඉන්ධන මිල සංශෝධනයට සමගාමීව බස් ගාස්තු වල වෙනසක් සිදුවන්නේද යන තීරණය
අද (02) දිනයේ දී ප්‍රකාශයට පත් කරන බව වාර්තා වේ.
ඉන්ධන මිලෙහි සිදු වූ රුපියල් 10ක වෙනස, 4% ප්‍රතිශතයට ප්‍රමාණවත් නොවන බැවින් මෙවර බස් ගාස්තු සංශෝධනයක් සිදු නොකරන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසා ඇත.

Posted on: August 31, 2024

ක්ලබ් වසන්ත ඝාතනයට පහසුකම් සැපයූ හිටපු මන්ත්‍රී අමල් සිල්වා රිමාන්ඩ්

බස්නාහිර පළාත් සභාවේ හිටපු මන්ත්‍රීවරයෙකු වන අමල් සිල්වා සැප්තැම්බර් 02 දක්වා රක්ෂිත බන්ධනාගාරගත කර ඇති බව වාර්තා වේ.
සුරේන්ද්‍ර වසන්ත පෙරේරා හෙවත් ක්ලබ් වසන්ත ඝාතනය කිරීමේ සිද්ධියේ විමර්ශනවලට අදාළව එම ඝාතනය සිදුකිරීමට පැමිණි පිරිසට නවාතැන් පහසුකම් හා ආධාර අනුබලදීමේ චෝදනාව යටතේ බස්නාහිර දකුණ අපරාධ කොට්ඨාසය මගින් ඔහුව ඉකුත් 29 වනදා උදෑසන අත්අඩංගුවට ගත් අතර කඩුවෙල වැඩබලන මහෙස්ත්‍රාත් විසින් අදාළ නියෝගය නිකුත් කර ඇත.

Posted on: August 30, 2024

මැතිවරණය වෙනුවෙන් පොලිස් නිලධාරීන් 54,000ක්

ජනාධිපතිවරණ මැතිවරණ රාජකාරී සඳහා පොලිස් නිලධාරීන් 54,000ක් යොදවන බව ජ්‍යෙෂ්ඨ නියෝජ්‍ය පොලිස්පති අසංක කරවිට ප්‍රකාශ කර ඇත.
ඊයේ (29) මහජන ආරක්ෂ අමාත්‍යාංශයේ පැවති විශේෂ මාධ්‍ය හමුවකදී ඔහු මේ බව සඳහන් කර ඇති අතර දිවයින පුරා පවත්වන 13,000කට වැඩි ඡන්ද මධ්‍යස්ථාන සහ 45කට වැඩි ඡන්ද ගණන් කිරීමේ මධ්‍යස්ථාන සහ මැතිවරණ කාලසීමාව තුළ ක්‍රියාත්මක ජංගම රථ 3200ක් සඳහා පොලිස් නිලධාරීන් යෙදවීමට බලාපොරොත්තු වන බවද ඔහු සදහන් කර තිබේ.

Posted on: August 30, 2024

පෝස්ටර් හා කටවුට් ඉවත් කිරීමට කම්කරුවන් 1500ක්

ජනාධිපතිවරණයට ඉදිරිපත්ව සිටින අපේක්ෂකයින්ගේ නීති විරෝධී පෝස්ටර් සහ ප්‍රචාරක පුවරු 169,000 කට අධික ප්‍රමාණයක් මේ වන විට ඉවත් කර ඇති බවත් පෝස්ටර් 61052 ක් පොලිස් භාරයට ගෙන ඇති බවත්, බැනර් 613 ක් ඉවත් කර ඇති අතර බැනර් 510 ක් පොලිස් භාරයට ගෙන ඇති බවත් මැතිවරණ කටයුතු භාර ජ්‍යෙෂ්ඨ නියෝජ්‍ය පොලිස්පති අසංක කරවිට සඳහන් කර ඇත.
ඔහු වැඩිදුරටත් ප්‍රකාශ කර ඇත්තේ නීතිවිරෝධි ප්‍රචාරක පුවරු ඉවත් කිරීම සඳහා කම්කරුවන් 1,500කට ආසන්න පිරිසක් බඳවාගෙන ඇති බවයි.

Posted on: August 30, 2024

කෙහෙළිය ඇතුළු සිව් දෙනෙක් යළිත් බන්ධනාගාරයට

හිටපු සෞඛ්‍ය ඇමති කෙහෙළිය රඹුක්වැල්ල ඇතුළු සැකකරුවන් සිව් දෙනෙක් සැප්තැම්බර් 11 වනදා තෙක් යළි රක්ෂිත බන්ධනාගාරගත කර ඇත.
ප්‍රමිතියෙන් තොර හියුමන් ඉමියුනොග්ලොබියුලින් එන්නත් මාත්‍රා මිලදී ගැනීමේ නඩුව මාළිගාකන්ද මහෙස්ත්‍රාත් අධිකරණය හමුවේ කැඳවූ අවස්ථාවේදී මෙම නියෝගය නිකුත් කර ඇති අතර සිද්ධියේ පළමු සැකකරු මානසික රෝහලක් වෙත යොමු කරන ලෙස අධිකරණය නියෝග කර ඇති බවද වාර්තා වේ.
ප්‍රමිතියෙන් තොර ප්‍රතිදේහ එන්නත් සිද්ධිය සම්බන්ධයෙන් චෝදනා එල්ලවූ හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා පසුගිය පෙබරවාරි 02 වනදා අත්අඩංගුවට ගැනුණු අතර ඊට පසුදින මාළිගාකන්ද මහෙස්ත්‍රාත් අධිකරණය මගින් සැකකරු රක්ෂිත බන්ධනාගාරගත කෙරුණ අතර මේ වන තෙක් හිටපු සෞඛ්‍ය අමාත්‍යවරයා රිමාන්ඩ් භාරයේ පසුවිය.