දේශපාලන – Page 2

Posted on: October 9, 2024

මෙවර මහ මැතිවරණයට දමිතා අබේරත්න රත්නපුරයෙන්

මෙවර මහ මැතිවරණයට ජනප්‍රිය රංගන ශිල්පිනි දමිතා අබේරත්න ඉදිරිපත්වීමට තීරණය කර ඇති අතර ඇය සමගි ජන බලවේගයෙන් රත්නපුර දිස්ත්‍රික්කයට තරගවැදීමට නියමිත බව වාර්තා වේ.
ඊයේ (08) දිනයේදී ඇය විසින් ඊට අදාළ ලිපි ලේඛන සඳහා අත්සන් තබා ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: October 8, 2024

මන්ත‍්‍රීවරුන්ට නොමිලේ දුන් මුද්දර අවලංගු කරයි

පාර්ලිමේන්තු මන්ත‍්‍රීවරුන්ට නොමිලේ නිකුත් කර ඇති මුද්දර ළඟම තැපැල් කාර්යාලයට හෝ පාර්ලිමේන්තුවට ඛාර දෙන ලෙස තැපැල් දෙපාර්තමේන්තුව විසින් පාර්ලිමේන්තු මන්ත්‍රීවරුන්ට දන්වා තිබේ.
තැපැල් දෙපාර්තමේන්තුව දැනුම් දී ඇත්තේ පාර්ලිමේන්තුව විසුරුවා හැරීමත් සමඟම එම මුද්දර පාවිච්චි කිරීම තහනම් බවයි.
එමෙන්ම එම මුද්දර අවලංගු ඒවා හැටියට සලකන ලෙස ද තැපැල්පතිවරයා විසින් දිවයිනේ සියලුම තැපැල් කාර්යාලවලට දැනුම් දී ඇත.
පාර්ලිමේන්තු මන්ත්‍රීවරයෙකුට වාර්ෂිකව රුපියල් ලක්ෂ පහක් පමණ වටිනා මුද්දර නොමිලේ නිකුත් කෙරෙන අතර, පාර්ලිමේන්තු මන්ත‍්‍රීවරුන්ට සපයා ඇති සියලු පහසුකම් පාර්ලිමේන්තුව විසුරුවා හැරීමත් සමඟ අහෝසි වී යන බවයි සඳහන් වෙන්නේ.

Posted on: October 7, 2024

සර්වජන බලය පදක්කමෙන් තරඟ වදී

අද (07) පක්ෂ කාර්යාලයේ පැවති මාධ්‍ය හමුවකට එක්වෙමින් පිවිතුරු හෙළ උරුමයේ නායක උදය ගම්මන්පිළ මහතා ප්‍රකාශ කර සිටියේ සර්වජන බලය සන්ධානය පදක්කම ලකුණෙන් මෙවර මහමැතිවරණයට තරඟ කරන බවයි.
මෙරට ප්‍රධාන විපක්ෂයේ භූමිකාව කිරීමේ අවස්ථාව ලබා දෙන ලෙසට ජනතාවගෙන් ඉල්ලා සිටින බව ද ඔහු අවධාරණය කල අතරම අග්‍රාමාත්‍යධුරය අනිවාර්යයෙන්ම ජාතික ජනබලවේගය ලැබීය යුතු බවත්, පක්ෂ දෙකකින් ජනාධිපතිවරයෙකු සහ අගමැතිවරයෙකු පත්වූවහොත් රට අස්ථාවර වනු ඇති බවත් ඒ මහතා ප්‍රකාශ කර තිබේ.
“සර්වජන බලය සන්ධානය පදක්කම ලකුණෙන් මෙවර මැතිවරණයට තරඟ කරනවා. අපි මෙවර බලාපොරොත්තු වන්නේ රන් පදක්කම නෙවෙයි. රිදී පදක්කම. මොකද අගමැතිකම අනිවාර්යෙන්නම යන්න ඕනේ මාලිමාවට. පක්ෂ දෙකකට ජනපතිකම සහ අගමැතිකම ගියොත් රට අස්ථාවර වෙනවා. ප්‍රධාන විපක්ෂයේ භූමිකාව අපි ජනතාවගෙන් ඉල්ලනවා.”

Posted on: October 7, 2024

ජොනී පසුගිය රජයෙන් ගිනි අවි 8ක් ලබාගෙන

ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රී ජොන්ස්ටන් ප්‍රනාන්දු මහතා පසුගිය රජයෙන් ගිනි අවි 8ක් ලබාගෙන තිබෙන බව වාර්තා වේ.
ස්වයං ආරක්ෂාව සඳහා පුරවැසියන්ට නිකුත් කර ඇති සියලූම ගිනිඅවි සහ උණ්ඩ නැවත ලබාගැනීමට ආරක්ෂක අමාත්‍යාංශය පසුගිය 04වන දින තීරණය කරන ලදී.
ඒ අනුව ඔහු සතුව
01. AF 408 – 9mm cz 75
02. AHIBT 219 – 9mm Glock
03. ESM 893 – 9mm Glock
04. 24SLG2-0002 – 12Bore Repeter
05. 24SLG2-0151 – 12 Bore Repeter
06. 24SLG2-0010 – 12 Bore Repeter
07. 7000482/240888 – 12 Bore Repeter
08. 15333989 – 12 Bore Repeter
යන ගිනි අවි 8 ක් පැවති බව ඒවා නිකුත් කළ ලේඛන වල සඳහන් වී ඇති බවට වාර්තා වේ.
මීට අමතරව, ඇවන්ගාඩ් නැමැති සමුද්‍ර ආරක්ෂක ආයතනයක් පවත්වාගෙන ගිය නිශ්ශංක සේනාධිපතිද ද පසුගිය රජයන්ගෙන් ගිනි අවි 9ක් ලබාගෙන ඇති අතර එහි මි.මි 9 පිස්තෝල 7ක් සහ බෝර රිපීටර් 2ක් එම ගිනි අවි අතර වන බවයි වාර්තා වන්නේ.

Posted on:

දේශපාලන පක්ෂ කිහිපයකට නාමයෝජනා අහිමි වෙයි.

දේශපාලන පක්ෂ 06ක ලේකම්වරු සම්බන්ධයෙන් පවතින අර්බුද නිසා මෙවර පාර්ලිමේන්තු මැතිවරණයේදී එම පක්ෂ වලට නාමයෝජනා ලබාදීමට නොහැකි බව මැතිවරණ කොමසාරිස් ජනරාල් සමන් ශ්‍රී රත්නායක මහතා පවසයි.

Posted on: October 5, 2024

මහ මැතිවරණය සඳහා ස්වාධීන කණ්ඩායම් රැසක්

ඊයේ (04) දිනය වනවිට මෙවර මහ මැතිවරණය අදාළව ස්වාධීන කණ්ඩායම් 122 ක් ඇප මුදල් තැන්පත් කර ඇති අතර ඊයේ දිනය තුළ පමණක් ස්වාධීන කණ්ඩායම් 36 ක් ඇප මුදල් තැන්පත් කර ඇති බව මැතිවරණ කොමිෂන් සභාව විසින් පවසා ඇත.

මේවන විට මැතිවරණ කොට්ඨාස 22 න් 21 ක් සඳහා ස්වාධින කණ්ඩායම් විසින් ඇප මුදල් තැන්පත් කිරීම සිදුකර ඇති නමුත් මාතලේ මැතිවරණ කොට්ඨාසය සඳහා කිසිදු පාර්ශවයක් ඊයේ දිනය වනවිට ඇප මුදල් තැන්පත් කර නොතිබූ බව හා ජනසෙත පෙරමුණ පක්ෂය යාපනය සහ වන්නි මැතිවරණ කොට්ඨාසය වෙනුවෙන් නාම යෝජනා භාර දී ඇති අතර ස්වාධීන කණ්ඩායම් තුනක් ද ඊයේ නාමයෝජනා භාර දී ඇති බව ද වැඩි දුරටත් වාර්තා වේ.

Posted on:

මහමැතිවරණයට නොඑන බන්දුල නැවතත් චිත්‍රපට නිර්මාණයට

ජනමාධ්‍ය හමුවකට එක්වෙමින් හිටපු ඇමැතිවරයකු වන බන්දුල ගුණවර්ධන මහතා ප්‍රකාශ කර ඇත්තේ ඉදිරි මහමැතිවරණයට තමා තරග නොකරන බවයි.
ඉදිරි කාලයේ තමන් ආචාර්ය උපාධියක් වෙනුවෙන් වෙහෙසීමට අපේක්ෂා කරන බවත්, තවත් චිත්‍රපටයක් නිර්මාණය කිරීමට බලාපොරොත්තු වන බවත් බන්දුල ගුණවර්ධන මහතා වැඩි දුරටත් ප්‍රකාශ කර ඇත.
තමන් වසර 20කට වැඩි කාලයක් ජනතාව වෙනුවෙන් විශාල සේවයක් සිදුකළ බවත්, විශේෂයෙන් හෝමාගම කොට්ඨාශය තමාගෙන් විශේෂ මෙහෙයක් සිදුව ඇති බවත් ඔහු විසින් වැඩිදුරටත් ප්‍රකාශ කර ඇති බවට වාර්තා වේ.

Posted on: October 4, 2024

පියල් නිශාන්තට අල්ලස් පැමිණිලි

බස්නාහිර පළාත් දකුණ අපරාධ කොට්ඨාසය වෙත හිටපු රාජ්‍ය අමාත්‍ය පියල් නිශාන්ත මහතාට එරෙහිව පැමිණිල්ලක් ඉදිරිපත් කර ඇති බව සඳහන් වේ. ඊට හේතුව වී ඇත්තේ ඔස්ට්‍රේලියාවේ හා චීනයේ හිටපු රාජතාන්තිකයෙකුට තර්ජනය කළ බවට වන සිදුවීමකි .හිටපු රාජ්‍ය අමාත්‍යවරයාට එරෙහිව අපරාධ හා අල්ලස් නඩුවක් ගොනු කිරීම හේතුවෙන් අවස්ථා කිහිපයකදී පියල් නිශාන්ත මහතා තමන්ට තර්ජනය කළ බව එම පැමිණිල්ලේ සදහන් වී ඇති බව ද වැඩිදුරටත් වාර්තා වේ.කෙසේ වෙතත් පියල් නිශාන්ත මහතා රාජ්‍ය අමාත්‍ය ධුරය දරන කාලයේ පැමිණිලිකරු සීනෝර් පදනමේ සභාපති වශයෙන් කටයුතු කර ඇති අමාත්‍යවරයාගේ තර්ජන හේතුවෙන් ඉකුත් මාර්තු මාසයේදී එම දුරයෙන් ඉල්ලා අස්වී ඇති බව සඳහන් ය.

Posted on: October 3, 2024

ජනපති කෘෂිකර්ම අමාත්‍යංශයේදී වැඩ භාරගනී

ජනාධිපති අනුර කුමාර දිසානායක කෘෂිකර්ම, ඉඩම්, පශු සම්පත්, වාරිමාර්ග, ධීවර හා ජලජ සම්පත් අමාත්‍යවරයා ලෙස අද (03) පෙරවරුවේ කෘෂිකර්ම අමාත්‍යංශයේදී වැඩ භාරගෙන තිබේ.එහිදී එම අමාත්‍යවරුන් සමග පැවති සාකච්ඡාවකදී ඒ මහතා ප්‍රකාශ කර ඇත්තේ පුරවැසියා වෙනුවෙන් කටයුතු කරන රාජ්‍ය නිලධාරීන්ට මෙතෙක් කල් පැවති සාම්ප්‍රදායික දේශපාලන පළිගැනීම්වලට මින් ඉදිරියේදී මුහුණු දීමට සිදුනොවන බවයි.
කාර්යක්ෂම ජනතාවාදී රාජ්‍ය සේවයක් නිර්මාණය කිරීම සඳහා කැපවන රාජ්‍ය සේවකයින් වෙනුවෙන් තමන් පෙනී සිටින බව ජනාධිපති අනුර කුමාර දිසානායක පවසා ඇත.
කෘෂිකර්ම අමාත්‍යංශයේ වත්මන් තත්ත්වය සහ ඉදිරි කටයුතු පිළිබඳව ජනාධිපති අනුර කුමාර දිසානායක අමාත්‍යාංශ ලේකම්වරු ඇතුළු අමාත්‍යංශයේ ඉහළ නිලධාරීන් සමඟ මෙහිදී දීර්ඝ ලෙස සාකච්ඡා කර තිබේ.

Posted on: October 3, 2024

දේශපාලනයෙන් සමුගැනීමට සැරසෙන ධම්මික

ශ්‍රී ලංකා පොදු ජන පෙරමුණේ හිටපු පාර්ලිමේන්තු මන්ත්‍රී ධම්මික පෙරේරා මහතා දේශපාලනයෙන් සමු ගැනීමට සූදානම් වෙමින් සිටින බව වාර්තා වේ. ඔහු පාර්ලිමේන්තු මන්ත්‍රී ධුරයක් ලබා ගැනීමත් සමග ඔහුගේ හිමිකාරීත්වයක් සහිත සමාගම් රැසක තනතුරුවලින් ඉවත් වී ඇති බවත් පාර්ලිමේන්තුව විසුරුවා හැරිමෙන් පසු නැවතත් ඔහු එම ආයතනවල අධ්‍යක්ෂ තනතුරු සඳහා මේ වනවිට පත් කරමින් සිටින බවත් සඳහන් ය.