දේශපාලන – Page 41

Posted on: July 5, 2024

පක්ෂ මහලේකම් ධූරය නැවතත් දයාසිරි ජයසේකර මහතාට

අද (05) උදෑසන සිට ශ්‍රී ලංකා නිදහස් පක්ෂයේ මහ ලේකම්වරයා ලෙස යළිත් ධුරයේ කටයුතු ආරම්භ කරන බව පාර්ලිමේන්තු මන්ත්‍රී දයාසිරි ජයසේකර මහතා ප්‍රකාශ කර ඇත.
තවමත් පක්ෂයේ නීත්‍යානුකූල මහ ලේකම්වරයා ලෙස කටයුතු කරන්නේ තමන් බවත් යළි ධුරයේ කටයුතු ආරම්භ කරන අවස්ථාවට සියලුදෙනාටම එකතුවන ලෙස ආරාධනා කරන බවත් මන්ත්‍රීවරයා මන්ත්‍රීවරයා පැවසීය.
ශ්‍රී ලංකා නිදහස් පක්ෂයේ මහ ලේකම්වරයා ලෙස දයාසිරි ජයසේකර මහතා පිළිගන්නා බව එම පක්ෂයේ ජ්‍යෙෂ්ඨ උප සභාපති රෝහණ ලක්ෂමන් පියදාස මහතා පැවසූ අතර ඉදිරි ජනාධිපතිවරණයට ශ්‍රී ලංකා නිදහස් පක්ෂයේ අපේක්ෂකයෙකු ඉදිරිපත් කරන බවද ඔහු වැඩිදුරටත් පවසා ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 4, 2024

ජනාධිපතිවරණය වළක්වන්නැයි ඉල්ලා ශ්‍රේෂ්ඨාධිකරණයට මූලික අයිතිවාසිකම් පෙත්සමක්

2024 දී ජනාධිපතිවරණය පැවැත්වීමට අදාළව මැතිවරණ කොමිසමේ තීරණයට ජනාධිපති රනිල් වික්‍රමසිංහ මහතා සහාය පළ කරන බවත් ජනාධිපතිවරයාගේ ධුර කාලය වසර 5ක් බවට ද එතුමා තරයේ විශ්වාස කරන බවත් ජනාධිපති මාධ්‍ය ඒකකය නිවේදනයක් නිකුත් කරමින් ප්‍රකාශ කර තිබේ. තවද ඊයේ දින (03) ව්‍යාපාරිකයෙකු වන දයාන් ලෙනව මහතා විසින් ජනාධිපතිවරණය පැවැත්වෙන දිනය අධිකරණය විසින් අර්ථකථනය කරන තුරු දැනට නියම කර තිබෙන පරිදි ජනාධිපතිවරණය පැවැත්වීම වැළැක්වීමේ නියෝගයක් නිකුත් කරන මෙන් ඉල්ලා ශ්‍රේෂ්ඨාධිකරණයට මූලික අයිතිවාසිකම් පෙත්සමක් ඉදිරිපත් කර ඇති බව වාර්තා වේ. එ මෙන්ම එම පුද්ගලයා මෙම පෙත්සම ඉදිරිපත් කිරීමට පෙර තමාගෙන් හෝ තමාගේ නීතිඥයින් සමග මේ සම්බන්ධයෙන් කිසිදු අදහසක් ලබානොගත් බව මේ පිළිබඳව අදහස් දක්වමින් ජනාධිපතිවරයා සඳහන් කර ඇත.

Posted on: July 4, 2024

ලග්ගලින් ප්‍රමිතට විරෝධය

පොදුජන පෙරමුණේ ප්‍රබලයකු සහභාගී වීමෙන් පැවැත්වූ ලග්ගල ආසනයේ හිටපු මන්ත්‍රීවරුන්ගේ හමුවක් නාඋල අරංගල ෆොරස්ට් ලොජ් හෝටලේ පැවැත් වූ බව වාර්තා වේ.මෙහිදී ප්‍රමිත බණ්ඩාර තෙන්නකෝන් මහතා හට පළාත් පාලන හිටපු මන්ත්‍රීවරුන් පිරිසක් දෝෂාරෝපණය කර ඇති අතර ඊට හේතුව වී ඇත්තේ කඳුකර දශකය ව්‍යාපෘතිය යටතේ වෙන් කෙරුණු මුදල් ඔහු විසින් පාසල් සංවර්ධනය සඳහා වෙන් කිරීමයි.මෙම අවස්ථාව සඳහා විල්ගමුව, නාවල, ලග්ගල සහ අඹන්ගඟ ප්‍රදේශවල මන්ත්‍රීවරුන් පිරිසක් සහභාගි වූ බව ද වාර්තාවේ . පාසල් හදන්න පෙර අපේ ආර්ථිකය ශක්තිමත් කළ යුතු බව සහ මෙම සංවර්ධන කටයුතු තමන්ගේ තනි කැමැත්තට සිදු කිරීමට අප්‍රසාදය මෙහිදී මන්ත්‍රීවරුන් විසින් ප්‍රකාශ කොට ඇත.

Posted on: July 3, 2024

මෛත්‍රීගෙන් පසු කරලියට එන දහම්

ඉදිරි ජනාධිපතිවරණය සඳහා තමන් ඉදිරිපත් නොවී ඒ වෙනුවට තම පුත් දහම් සිරිසේන මහතා පොළොන්නරුව දිස්ත්‍රික්කයෙන් තරඟ කරනු ඇති බව මෛත්‍රීපාල සිරිසේන මහතා පැවසූ බව වාර්තා වේ.කෙසේ වෙතත් මෙය දේශපාලනයෙන් සමු ගැනීමක් නොවන බව සහ පක්ෂයේ උන්නතිය වෙනුවෙන් තමාට කළ හැකි මෙහෙවර සඳහා සහය දෙන බව ඔහු තවදුරටත් පවසා ඇත.

Posted on: July 3, 2024

මහින්ද කහඳගම පක්ෂ මාරු කරයී

ශ්‍රී ලංකා පොදු ජන පෙරමුණේ කොළඹ මහ නගර සභා හිටපු මන්ත්‍රී මහින්ද කහඳගම අද කෝට්ටේ පිහිටි සිරිකොත පක්ෂ මූලස්ථානයේදී ජනාධිපති රනිල් වික්‍රමසිංහට සහය පල කරමින් එක්සත් ජාතික පක්ෂය සමඟ එක්වී ඇති බවට වාර්තා වේ.

Posted on: July 3, 2024

නායකයෙකු බිහිවන්නේ ජනතාව අතරින් -මහින්ද රාජපක්ෂ

ඊයේ රාත්‍රියේ චීනයේ බීජිං නුවර පැවති සාමකාමී සහජීවනය පිළිබඳ පස්වැදෑරුම් මූලධර්ම ප්‍රකාශයට පත් කිරීමේ 70 වෙනි සංවත්සරයට සහභාගී වීමෙන් අනතුරුව නායකයෙකු බිහිවන්නේ ජනතාව අතරින් බව සහ ශ්‍රී ලංකා පොදුජන පෙරමුණ තවමත් ජනාධිපති අපේක්ෂකයෙක් පත්කරගෙන නොමැති බව පවසා ඇත.මේ වන විට චීනය ශ්‍රී ලංකාව පිළිබඳ යහපත් ස්ථාවරයක පසු වන බව සහ චීන ජනාධිපති ෂී ජින්පිං සහ එරට විදේශ මාධ්‍ය වෑන් ඊ සමග මේ පිළිබඳ සාකච්ඡා කළ බව ද ඔහු වැඩිදුරටත් පවසා ඇත.

Posted on: July 3, 2024

ජනපති සටනට මිහින්තලේ නාහිමිත්

රට වෙනුවෙන් ජනතාව වෙනුවෙන් තමා සක්විති රජකමට හෝ ජනාධිපතිකමට හෝ නොව ඕනෑම තැනකට යෑමට සූදානම් බව මිහින්තලේ රජමහා විහාරාධිපති වලවාහැංගුණ වැවේ ධම්මරතන නාහිමියෝ පැවසුහ. තමන්ට ජනාධිපතිවරණයට ඉදිරිපත් වන ලෙසට ජනතාවගෙන් දැනටමත් ඉල්ලීම් විශාල සංඛ්‍යාවක් ලැබී ඇතැයිද වැඩිදුරටත් සඳහන් කළහ.
ජනාධිපති අපේක්ෂකත්වය තනිව කෙරෙන කටයුත්තක් නොවන බැවින් එය ලොකු කණ්ඩායමක් එක්ව තීරණය කළ යුතු කාරණයක් වන අතර පක්ෂය ගන්නා යෝජනාවකට එකඟ බවද උන්වහන්සේ පැවසූහ.

Posted on: July 2, 2024

අධිකරණ නියෝගයක් ගත් දයාසිරි ජයසේකර

ශ්‍රී ලංකා නිදහස් පක්ෂයේ සාමාජිකත්වයෙන් සහ ලේකම් ධූරයෙන් පාර්ලිමේන්තු මන්ත්‍රී දයාසිරි ජයසේකර මහතා ඉවත් කිරීමට එම පක්ෂය විසින් ගනු ලැබූ තීරණය අත්හිටුවමින් කොළඹ දිසා අධිකරණය විසින් අතුරු තහනම් නියෝගයක් නිකුත් කොට තිබේ. ඒ ශ්‍රී ලංකා නිදහස් පක්ෂයේ තනතුරුවලින් තමන්ව ඉවත් කිරීමට එරෙහිව දයාසිරි ජයසේකර මහතා මෛත්‍රීපාල සිරිසේන මහතා ඇතුළු පිරිසකට එරෙහිව ඉදිරිපත් කර තිබූ පෙත්සමක නියෝගය ප්‍රකාශයට පත් කරමින් දිසා අධිකරණය විසින් මෙම නියෝගය නිකුත් කර ඇත.

Posted on: June 29, 2024

එජාප මහලේකම්ගේ පුත් අත්අඩංගුවට

එක්සත් ජාතික පක්ෂ මහලේකම් පාලිත රංගේ බණ්ඩාර මහතාගේ පුත්‍රයා වන යශෝධ රංගේ බණ්ඩාර අත්අඩංගුවට ගෙන තිබේ. අද (29) අලුයම 4.30ට පමණ කරුවලගස්වැව 07 කණුව මී ඔය ආසන්නයේ අලිමංකඩ ප්‍රදේශයේදී ඔහු ගමන්ගත් මෝටර් රථය මාර්ගයෙන් ඉවතට පැන ත්‍රීවීල් රථයක ගැටීමෙන් සිදු වූ අනතුරක් හේතුවෙන් මෙලෙස අත්අඩංගුවට ගත් බව වාර්තා වේ. අනතුරෙන් ත්‍රීවිල් රථයේ රියදුරු බරපතළ තුවාල ලබා පුත්තලම මූලික රෝහලට ඇතුළත් කර ඇති අතර අනතුර සම්බන්ධයෙන් තවදුරටත් පරීක්ෂණ සිදුකරමින් පවතින බව කරුවලගස්වැව පොලීසිය සඳහන් කර ඇත.

සැණින් එසැණින් දසත විහිදූ පුවත් ඔබ අතට🌍
TheNewsLK Web link >>> https://thenews.lk/
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: June 29, 2024

ගුරු වෘත්තිය රටේ ප්‍රධාන වෘත්තීයන් දහයෙන් එකක් කරනවා – NPP නායක අනුර කුමාර දිසානායක

ජාතික ජන බලවේගයේ නායක අනුර කුමාර දිසානයක මහතා පවසා ඇත්තේ තම රජයක් යටතේ ගුරු වෘත්තිය රටේ ප්‍රධාන වෘත්තීන් දහයෙන් එකක් බවට පත් කරන බවයි. තවද උතුරේත් දකුණේත් නැගෙනහිරත් සෑම සියලු දෙනාම වෙනසක් බලාපොරොත්තු වෙන බව පැවසූ එම මහතා දෙමළ භාෂාව කතා කරන පුරවැසියන්ගේ සහය ද ඒ සඳහා එහිදී ඉල්ලා සිටියේය. දෙමළ භාෂාව කතා කරන පුරවැසියන්ට එම භාෂාවෙන්ම රජය සමඟ කටයුතු කිරීමට අවස්ථාව දෙන බවත් ඔවුන්ගේ ආගම සංස්කෘතිය ආරක්ෂා කරමින් ඒවා ගොඩනැගීම සඳහා අවශ්‍යය සියලු දේවල් සම්පාදනය කර දෙන බවත් ඔහු වැඩිදුරටත් සඳහන් කර තිබේ. තම පක්ෂය සමඟ හැප්පීමට තරම් දකුණේ කිසිදු දේශපාලන පක්ෂයක් දැනට නැති බවද පසුගියදා පැවති ගුරු සමුළුවක් අමතමින් වැඩිදුරටත් පැවසීය.