පාර්ලිමේන්තු මන්ත්‍රී නිමල් ලන්සා මහතා මාධ්‍ය වෙත විශේෂ නිවේදනයක් නිකුත් කරමින් පවසා ඇත්තේ ජනාධිපතිවරණය නියමිත කාලසීමාව තුළ අනිවාර්යෙන් පවත්වන බවත් කිසිදු අයුරකින් එය කල් දැමීමට සූදානමක් නැති බවත් ය.

ඔහු වැඩිදුරටත් පවසා ඇත්තේ ආණ්ඩුක්‍රම ව්‍යවස්ථාවට අනුව ජනාධිපතිවරණය නියමිත කාලයේදී පැවැත්වීමට රනිල් වික්‍රමසිංහ මහතාට පොරොන්දු වී ඇති බවයි.

වසර දෙකකින් ජනාධිපතිවරණය හෝ පාර්ලිමේන්තු මැතිවරණය කල්දැමීමට යෝජනාවන් ඉදිරිපත් කිරීම තම තමන්ගේ කැමැත්ත බවත් විවිධ මතයන් ඉදිරිපත් කිරීමට අනෙක් පාර්ශවයන්ට හැකි බවත් ඔහු මෙම මාධ්‍ය හමුවේදී පවසා ඇත.

ඔහු මෙම නිවේදනයෙන් වැඩිදුරටත් සඳහන් කර ඇත්තේ මැතිවරණ පැවැත්වීමේ පූර්ණ වගකීම ඇත්තේ මැතිවරණ කොමිසමට බවයි.

සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1

දක්ෂිණාංශික ලිබරල්වාදය සහ වාමාංශික ලිබරල්වාදය යන දේශපාලන නිවුන් සොහොයුරන් එකටතබා පැරදවිය හැකි මේ රටේ එකම දේශපාලන කඳවුර වන ජාතිකවාදී දේශපාලන කඳවුර ලෙස “සර්වජන බලය” නව දේශපාලන සන්ධානය පිහිටා ඇතිබව උත්තර ලංකා සභාගයේ සභාපති, ජාතික නිදහස් පෙරමුණේ නායක විමල් වීරවංශ මහතා අවධාරණය කරයි.
ඉහත කී දේශපාලන නිවුන් සොහොයුරන් එකටතබා පරදවන දේශපාලන පිංකම සිදු කිරීමට “සර්වජන බලය” සමඟ රොද බැඳගන්නා ලෙස මේ රටේ සියලුම සැබෑ ජාතිකවාදීන්ට ඇරයුම් කරන බවත් ඔහු වැඩිදුරටත් සදහන් කළේය,

උත්තර ලංකා සභාගය නියෝජනය කරන ජාතික නිදහස් පෙරමුණ, ප්‍රජාතන්ත්‍රවාදී වාමාංශික පෙරමුණ, ශ්‍රී ලංකා කොමියුනිස්ට් පක්ෂය, පිවිතුරු හෙළ උරුමය, යුතුකම ජාතික සංවිධානය යන දේශපාලන පක්ෂ මව්බිම ජනතා පක්ෂය සහ ස්වාධීන මන්ත්‍රී සංසදය සමඟ එක්ව “සර්වජන බලය” නමින් නව දේශපාලන සන්ධානයක් සඳහා 27 දින කොළඹදී මූලික ප්‍රතිපත්ති දහයකින් යුත් ප්‍රතිපත්තිමය සම්මුතියකට අත්සන් තැබීමෙන් අනතුරුව රැස්ව සිටි පිරිස අමතමින් ඒ මහතා මෙසේ අවධාරණය කළේය

සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1

ශ්‍රී ලංකා පොදුජන පෙරමුණේ මංගල ආසන සමුළුව හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් තලාව නගරයෙන් ආරම්භ කෙරුණි. එහි තේමාව වී ඇත්තේ “සටන අරඹමු රජරටෙන්” යන්නයි. මෙම අවස්ථාවට පොදු ජන පෙරමුණ නියෝජනය කරන පාර්ලිමේන්තු මන්ත්‍රීවරුන් ඇතුලු විශාල පිරිසක් එක් වී සිටියහ.

එම සභාව ඇමතූ පාර්ලිමේන්තු මන්ත්‍රී නාමල් රාජපක්ෂ මහතා, හිටපු ජනාධිපති මහින්ද රාජපක්ෂ මහතා විසින් ගොඩනගන ලද ආණ්ඩුව ඇදවැට්ටවීම සඳහා රට තුළ බරපතළ කුමන්ත්‍රණයක් ක්‍රියාත්මක වුණු බව ත් ආණ්ඩුව තුළ ම විවිධ බලවේග ක්‍රියාත්මක වූ බව ද ප්‍රකාශ කොට ඇත. ඒ මහතා ඒ අවස්ථාවේදී ආණ්ඩුව ඇතුළෙන් එදින එම කුමන්ත්‍රණය ගොඩනැගුණු බවත් ඒ වගේම ජාත්‍යන්තර බලවේග, ත්‍රස්තවාදී සංවිධාන එදා ආණ්ඩුව පෙරළන්න කටයුතු කළ බවත් එහි ප්‍රතිඵලයක් විදියට යහපාලන ආණ්ඩුව ගොඩනැගුණු බවත් ප්‍රකාශ කොට ඇත. ඒ වගේම මෙහිදී ගෝඨාභය රාජපක්ෂ මහතා භාර ගනු ලැබුවේ හිටපු ජනාධිපති මහින්ද රාජපක්ෂ මහතා භාරදීපූ ආණ්ඩුව නොවන බවත් එය වැටිච්ච් ආණ්ඩුවක් බවත් මෙහිදී නාමල් රාජපක්ෂ මහතා ප්‍රකාශ කොට ඇත.

එදින මෙහි විශේෂත්වයක් වූයේ හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් මෙම සමුළුව පැවතුනද ඔහු සමුළුව අමතා කතා නොකිරීමයි.

සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1

අද අළුයම තායිලන්තය බලා විපක්ෂයේ මන්ත්‍රීවරුන් තිදෙනෙකු ගොස් ඇති බව ආරංචි මාර්ග පවසයි.

ඊට හේතුව ලෙස සඳහන් කර ඇත්තේ යුක්‍රේන යුද්ධයට මැදිවී සිටින ශ්‍රී ලාංකික රණවිරුවන් බේරා ගනිමින් ඔවුන් ලංකාවට රැගෙන ඒම සඳහා එම රටවල රාජ්‍යතාන්ත්‍රික නිලධාරීන් මුණ ගැසීමට මෙන් ම තෙවන පාර්ශ්වයන් සමග සාකච්ඡා කිරීමට වැඩපිළිවෙළක් සකස් කර ගැනීම සඳහා බවයි ආරංචි මාර්ග වැඩිදුරටත් පවසා ඇත්තේ.

එරටට ගොස් මන්ත්‍රී පිරිස වන්නේ නීතිඥ වසන්ත යාපා බණ්ඩාර, ජේ.සී අලවතුවල සහ සුජිත් සංජය පෙරේරා මහතා ඇතුළු කණ්ඩායම බව ද වාර්තා වේ.

සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1

පවතින දේශපාලන අර්බුදය හා අධිකරණ තීන්දු හේතුවෙන් වෙනත් ස්ථානයක සිට පක්ෂයේ දේශපාලන කටයුතු සිදුකරගෙන යාමට ශ්‍රී ලංකා නිදහස් පක්ෂයේ මෛත්‍රීපාල සිරිසේන ජනාධිපතිවරයාගේ පාර්ශ්වය තීරණය කර ඇති බව වාර්තා වේ.
ඒ අනුව ශ්‍රී ලංකා නිදහස් පක්ෂ මූලස්ථානය නොව කොළඹ පිහිටි වෙනත් ස්ථානයක් ඒ සඳහා යොදා ගැනීමට නියමිත බව ආරංචි මාර්ග පවසයි.
ස්ථිර ස්ථානයක සිය දේශපාලන කටයුතු හා ආසන සහ දිස්ත්‍රික් සංවිධායකවරුන් කැඳවීමට නොහැකි තත්ත්වයක් උද්ගතවී ඇති බව ඔවුන් සදහන් කරන අතර නව දේශපාලන මධ්‍යස්ථානයක් ආරම්භ කරමින් දිවයින පුරා සිටින දිස්ත්‍රික් සහ ආසන සංවිධායකවරුන් කොළඹට කැඳවා ඉදිරි දේශපාලන කටයුතු පිළිබඳව සාකච්ඡා කිරීමට නියමිත බවද වාර්තා වේ.

සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1