ක්‍රීඩා

Posted on: October 10, 2024

ශ්‍රී ලංකා කාන්තා කණ්ඩායම ලෝක කුසලාන⁣ මූලික වටයෙන්ම ඉවතට

T20 කාන්තා ලෝක කුසලාන ක්‍රිකට් තරගාවලියේ මූලික වටයෙන්ම ඉවත්වීමට ශ්‍රී ලංකා කාන්තා කණ්ඩායමට සිදුව තිබේ.
ඒ, තරගාවලියේ සහභාගි වූ තුන්වැනි තරගයේදී ඉන්දියාව හමුවේ ඊයේ (09) පරාජයට පත්විමත් සමගයි.ඉන්දියාවට අමතරව පාකිස්ථානය සහ ඕස්ට්‍රේලියාව හමුවේ ද පරාජයට පත්විය.
මෙවර කාන්තා T20 ලෝක කුසලාන ක්‍රිකට් තරගාවලියේදී කණ්ඩායමක් රැස්කළ ඉහළම ලකුණු ඉන්දීය කාන්තා කණ්ඩායම ශ්‍රී ලංකාවට එරෙහිව ඊයේ දිනයේදී රැස්කල අතර ඒ 172-3 ක් ලෙසයි.
තරගය ජයගැනීම සඳහා ලකුණු 173ක ඉලක්කයක් හඹාගිය ශ්‍රී ලංකාවට පන්දුවාර 19යි පන්දු 5ක් තුළ සියලුදෙනා දැවී ලබාගත හැකි වූයේ ලකුණු 90ක් පමණි.
ඒ් අනුව ඉන්දීය කාන්තා කණ්ඩායමට ලකුණු 82ක ජයක් හිමිවිය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: October 10, 2024

ශ්‍රී ලංකා – කොදෙව් සංචිතයට අගමැතිනියගේ අනුමැතිය

ක්‍රීඩකයන් 17 දෙනකුගෙන් යුත් සංචිතයක් ශ්‍රී ලංකා ක්‍රිකට් තේරීම් කමිටුව බටහිර ඉන්දීය කොදෙව්වන්ට එරෙහි T20I තරඟාවලියට ක්‍රීඩා කිරීම සඳහා තෝරාගෙන තිබෙන අතර එම සංචිතය ක්‍රීඩා හා යෞවන කටයුතු අමාත්‍යවරිය වන අග්‍රාමාත්‍ය ආචාර්ය හරිනි අමරසූරිය විසින් අනුමත කර ඇත.
ශ්‍රී ලංකාව සහ බටහිර ඉන්දීය කොදෙව් කණ්ඩායම අතර පන්දුවාර විස්සයි20 තරඟාවලිය ඔක්තෝබර් 13, 15 සහ 17 යන දිනවල දඹුල්ල අන්තර්ජාති ක්‍රිකට් ක්‍රීඩාංගනයේදී පැවැත්වේ.

ශ්‍රී ලංකා සංචිතය:-
1. චරිත් අසලංක – නායක
2. පැතුම් නිස්සංක
3. කුසල් මෙන්ඩිස්
4. කුසල් ජනිත් පෙරේරා
5. කමිඳු මෙන්ඩිස්
6. දිනේෂ් චන්දිමාල්
7. අවිශ්ක ප්‍රනාන්දු
8. භානුක රාජපක්ෂ
9. වනිඳු හසරංග
10. මහේෂ් තීක්ෂණ
11. දුනිත් වෙල්ලාලගේ
12. ජෙෆ්රි වැන්ඩර්සේ
13. චමිදු වික්‍රමසිංහ
14. නුවන් තුෂාර
15. මතීෂ පතිරණ
16. බිනුර ප්‍රනාන්දු
17. අසිත ප්‍රනාන්දු

Posted on: October 9, 2024

සංගක්කාර නැවතත් ක්‍රිකට් පිටියට

International Masters League 2024 ක්‍රිකට් තරගාවලිය නොවැම්බර් 17 වැනිදා සිට දෙසැම්බර් 08 වැනිදා දක්වා පැවැත්වීමට නියමිතව ඇති අතර ශ්‍රී ලංකා කණ්ඩායමේ නායකත්වයට සුපිරි ක්‍රිකට් ක්‍රීඩක කුමාර් සංගක්කාර පත්කර තිබේ.
මෙම තරගාවලිය සඳහා ඉන්දීය සත්කාරකත්වය යටතේ රටවල් 06ක් ක්‍රීඩා කිරීමට නියමිතයි.
ඒ අනුව ශ්‍රී ලංකාව, ඉන්දියාව, ඕස්ට්‍රේලියාව, එංගලන්තය, බටහිර ඉන්දීය කොදෙව් සහ දකුණු අප්‍රිකාව යන කණ්ඩායම් 06 තරග කිරීමට නියමිතව තිබේ.
තරගාවලියේ පළමු පියවර 2024 නොවැම්බර් 17 සිට 2024 දෙසැම්බර් 8 දක්වා ඉන්දියාවේ මුම්බායි හි ඩී.වයි. පටිල් ක්‍රීඩාංගණයේදී ආරම්භවේ.
තරගාවලිය නොවැම්බර් 17 වැනිදා ඉන්දියාව සහ ශ්‍රී ලංකාව අතර උද්වේගකර ගැටුමකින් ආරම්භ වන අතර, සචින් තෙන්ඩුල්කාර් සහ කුමාර් සංගක්කාර යන ප්‍රබලයෝ කණ්ඩායම් දෙකට ඇතුලත් වේ.

කණ්ඩායම්වල නායකත්වය :
ඉන්දියාව: සචින් ටෙන්ඩුල්කාර්
බටහිර ඉන්දීය කොදෙව්: බ්‍රයන් ලාරා
ශ්‍රී ලංකාව: කුමාර් සංගක්කාර
ඕස්ට්‍රේලියාව: ෂේන් වොට්සන්
එංගලන්තය: ඉයන් මෝගන්
දකුණු අප්‍රිකාව: ජැක් කලිස්

තරග කාලසටහන
17-11-2024 Sun 7:30 PM Mumbai India v Sri Lanka
18-11-2024 Mon 7:30 PM Mumbai Australia v South Africa
19-11-2024 Tue 7:30 PM Mumbai Sri Lanka v England
20-11-2024 Wed 7:30 PM Mumbai West Indies v Australia
21-11-2024 Thu 7:30 PM Lucknow India v South Africa
23-11-2024 Sat 7:30 PM Lucknow South Africa v England
24-11-2024 Sun 7:30 PM Lucknow India v Australia
25-11-2024 Mon 7:30 PM Lucknow West Indies v Sri Lanka
26-11-2024 Tue 7:30 PM Lucknow England v Australia
27-11-2024 Wed 7:30 PM Lucknow West Indies v South Africa
28-11-2024 Thu 7:30 PM Raipur India v England
30-11-2024 Sat 7:30 PM Raipur Sri Lanka v England
01-12-2024 Sun 7:30 PM Raipur India v West Indies
02-12-2024 Mon 7:30 PM Raipur Sri Lanka v Australia
03-12-2024 Tue 7:30 PM Raipur West Indies v England
05-12-2024 Thu 7:30 PM Raipur Semi Final 1
06-12-2024 Fri 7:30 PM Raipur Semi Final 2
08-12-2024 Sun 7:30 PM Raipur Final

Posted on: October 7, 2024

සනත්ගේ සේවා කාලය වසර දෙකකින් යලි දීර්ඝ කරයි

2026 T20 ලෝක කුසලානය දක්වා ශ්‍රී ලංකා පිරිමි ක්‍රිකට් ප්‍රධාන පුහුණුකරු ලෙස සනත් ජයසූරිය පත්කර ඇත.
ශ්‍රී ලංකා ක්‍රිකට් ආයතනය ඒ සම්බන්ධයෙන් නිකුත් කර ඇති ජනමාධ්‍ය නිවේදනය මෙසේය.
‘ශ්‍රී ලංකා ජාතික කණ්ඩායමේ ප්‍රධාන පුහුණුකරු ලෙස සනත් ජයසූරිය පත්කිරීම පිළිබඳව ශ්‍රී ලංකා ක්‍රිකට් ආයතනය නිවේදනය කරයි.
ශ්‍රී ලංකා ක්‍රිකට් විධායක කමිටුව මෙම තීරණය ගෙන ඇත්තේ, ජයසූරිය ‘අතුරු ප්‍රධාන පුහුණුකරු’ ලෙස කටයුතු කළ ඉන්දියාව, එංගලන්තය සහ නවසීලන්තයට එරෙහිව පසුගියදා පැවැති සංචාරවලදී කණ්ඩායම දැක්වූ දස්කම් සැළකිල්ලට ගනිමිනි.
මෙම පත්වීම 2024 ඔක්තෝබර් 1 දින සිට බලාත්මක වූ අතර, 2026 මාර්තු 31 දක්වා පවතිනු ඇත.’

Posted on: October 5, 2024

ශ්‍රී ලංකාව අද තරඟ බිමට

මෙවර කාන්තා 20-20 ලෝක කුසලාන ක්‍රිකට් තරඟාවලියේ ශ්‍රී ලංකා කණ්ඩායම සහභාගි වන දෙවැනි තරඟය අද (05) දා ඔස්ට්‍රේලියාව සමඟ පැවැත්වීමට නියමිතව ඇති අතර B කාණ්ඩායේ තරඟයක් ලෙස පැවැත්වෙන මෙම තරඟය සාජා හි පැවැත්වේ.
පාකිස්තාන කාන්තා කණ්ඩායම සමඟ පැවති පළමු තරඟය අනපෙක්ෂිත ලෙස පරාජය වීමත් සමඟ ශ්‍රී ලංකා ක්‍රීඩිකාවන්ට තරඟාවලියේ අවසන් පූර්ව තරඟ වටයේ සිය බලාපොරොත්තු තබා ගැනීමට මෙම තරඟය ජය ගැනීම අනිවාර්ය වී ඇත.
ශ්‍රී ලංකා – ඔස්ට්‍රේලියා කාන්තා තරඟය මෙරට වේලාවෙන් පස්වරු 3.30ට ආරම්භ වීමට නියමිතව තිබේ.

Posted on: October 3, 2024

ICC කාන්තා විස්සයි විස්ස ලෝක කුසලාන තරගාවලිය අද

ICC කාන්තා විස්සයි විස්ස ලෝක කුසලාන තරගාවලිය අද (03) ආරම්භ වීමට නියමිත අතර ශ්‍රී ලංකාව සහභාගී වන පළමු තරගය අද පාකිස්ථාන කණ්ඩායමට එරෙහිව පැවැත්වීමට නියමිතව ඇත.
අද රාත්‍රී 7.30 එම තරඟය පැවැත්වීමට නියමිතව ඇති බව වැඩිදුරටත් වාර්තා වේ.

Posted on: October 3, 2024

ශ්‍රී ලංකා ක්‍රීඩකයෙකුට වසරක ක්‍රිකට් තහනමක්

ICC දූෂණ විරෝධී සංග්‍රහය උල්ලංගනය කළ බව ශ්‍රී ලංකා ක්‍රිකට් ක්‍රීඩක ප්‍රවීන් ජයවික්‍රම විසින් පිළිගැනීමෙන් පසුව ඔහුට වසරක සියලු ආකාරයේ ක්‍රිකට් තහනමක් පැනවීමට ජාත්‍යන්තර ක්‍රිකට් කවුන්සිලය තීරණය කර ඇති බව වාර්තා වේ.
ඔහුට එල්ල වූ චෝදනාව , ජාත්‍යන්තර ක්‍රිකට් තරගවලදී සහ 2021 ලංකා ප්‍රිමියර් ලීග් තරගාවලියේදී තරග පාවාදීම සඳහා ඔහු වෙත සිදුකර තිබූ යෝජනා සම්බන්ධයෙන් දුෂණ විරෝධී ඒකකය දැනුවත් නොකිරීම බව වැඩි දුරටත් වාර්තා වේ.

Posted on: October 2, 2024

කාන්තා 20-20 ලෝක කුසලාන තරඟාවලිය හෙට ආරම්භ වෙයි

කාන්තා 20-20 ලෝක කුසලාන තරඟාවලිය හෙට (3) බංග්ලාදේශයේ සත්කාරකත්වයෙන් එක්සත් අරාබි එමීර් රාජ්‍යයේදී ඇරැඹීමට නියමිත අතර චමරි අතපත්තුගේ නායකත්වයෙන් යුත් ශ්‍රී ලංකා කණ්ඩායමේ පළමු තරඟය හෙට පකිස්තානය සමගින් පැවැත්වීමට නියමිතව ඇත. කාන්තා විස්සයි විස්ස ලෝක කුසලාන ඉතිහාසයේ 9 වැනි තරගාවලිය වන මෙවර තරගාවලිය සඳහා සහභාගී වන කණ්ඩායම් ගණන 10කි.

Posted on: September 28, 2024

ශ්‍රී ලංකා – කොදෙව් තරඟ කාලසටහන නිවේදනය කරයි

බටහිර ඉන්දීය කොදෙව්වන්ගේ ශ්‍රී ලංකා සංචාරය ශ්‍රී ලංකා ක්‍රිකට් ආයතනය විසින් තහවුරු කර තිබෙන අතර ඒ අනුව කොදෙව්වන් සීමිත ඕවර තරග 6කට මෙරටදී සහභාගී වීමට නියමිතය.
ශ්‍රී ලංකා ක්‍රිකට් ආයතනයට අනුව කොදෙව් කණ්ඩායම ඔක්තෝබර් මස පළමු සතියේ මෙරටට පැමිණෙනු ඇත.
T20 තරග 3ක් සහ එක්දින තරග 3ක් මෙම සංචාරයට ඇතුළත් වේ.
T20 තරග තුනම දඹුල්ලේ දී පැවැත්වෙන අතර එක්දින තරග තුන පල්ලේකැලේ දී පැවැත්වීමට නියමිතව තිබේ.
T20 තරග තුන ඔක්තෝබර් මස 13, 15 සහ 17 යන දිනවල පැවැත්වෙන අතර එක්දින තරග පැවැත්වෙන්නේ ඔක්තෝබර් මස 20, 23 සහ 26 යන දිනවලයි.

Posted on: September 28, 2024

නවසීලන්ත පළමු ඉනිම ලකුණු 88කට සීමා වෙයි

ශ්‍රී ලංකාව හා නවසීලන්තය අතර ගාල්ලේ පැවැත්වෙන දෙවැනි ටෙස්ට් ක්‍රිකට් තරගයේ තෙවැනි දිනය අදයි (28).
අද දිනයට තරගය ආරම්භ කරන විට සිය පළමු ඉනිම ක්‍රීඩා කරමින් සිටි නවසීලන්තය කඩුලු 2 ක් දැවී ලකුණු 22 ක් ලබා
සිටි අතර, ඔවුන්ට සියලු දෙනා දැවී ලබාගත හැකි වූයේ ලකුණු 88 ක් පමණයි.ඉනිමේ වැඩිම ලකුණු ලාභියා වූයේ ලකුණු 29 ක් රැස් කළ මිචෙල් සැන්ට්නර්. ඩැරල් මිචෙල් ලකුණු 13 ක් හා රවින් රවීන්ද්‍ර ලකුණු 10 ක් ලබා ගෙන තිබේ.

තරගයේ පළමුව පන්දුවට පහර දුන් ශ්‍රී ලංකාව කඩුලු 5 ක් දැවී ලකුණු 602 ක් ලබා සිටියදී ඉනිම අත්හිටු වීමට තීරණය
කළේය.ඒ අනුව නවසීලන්තය මේ වන විට පිටු පසින් පසුවන ලකුණු සංඛ්‍යාව 514ක්.
පන්දු යැවීමේ දී ප්‍රභාත් ජයසූරිය ලකුණු 42 කට කඩුලු 6 ක් දවා ගත් අතර, සිය මංගල ටෙස්ට් තරගය ක්‍රීඩා කරන නිශාන්
පීරිස් ලකුණු 33 කට කඩුලු 3 ක් බිද හෙලුවා.