ක්‍රීඩා පුවත් – Page 8

Posted on: July 10, 2024

වාර්තා පොත් අතරට ගිය යමාල්

යුරෝපීය කුසලාන පාපන්දු තරගාවලියේ ගෝල 2-1ක් ලෙස ප්‍රංශය පරාජය කරමින් ස්පාඤ්ඤය අවසන් තරගයට සුදුසුකම් ලැබීමට සමත් විය. මෙහිදී ස්පාඤ්ඤය වෙනුවෙන් ක්‍රීඩාකළ ලෙමීන් යමාල් එම කණ්ඩායමේ පළමු ගෝලය වාර්තා කළ අතර යුරෝපීය කුසලාන තරගයකදී ගෝලයක් වාර්තාකළ ළාබාලතම ක්‍රීඩකයා ලෙස තවමත් වයස අවුරුදු 16යි දින 362ක් වන යමාල් වාර්තා පොත් අතරට එක්විය.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: July 8, 2024

හිතුවක්කාර වනිඳුට දඩයක්

වෙනත් ලාංඡනයක් සහිත හිස් ආවරණයක් පැළඳ පන්දුවට පහරදීමට පිටියට පැමිණි වනිදු හසරංගට LPL තරගාවලියේ ඇඳුම් වලට අදාළ නීතිය කඩකිරීම නිසා ඇමෙරිකානු ඩොලර් 3000ක දඩයක් ගෙවීමට ළ්ඵ්ළ් තරඟ කමිටුව තීරණය කර ඇති බව වාර්තාවේ..ඒ අනුව අයර්ලන්ත ජාතික විනිසුරු රොලී බ්ලැක් එය ගලවා දමන ලෙස ඔහුට දැනුම් දී ඇතත් එම විනිසුරු තීරණයට අවනත නොවීම මෙම දඬුවමට හේතුව වී ඇති බව ද වැඩිදුරටත් සඳහන් වේ.

Posted on: July 6, 2024

2024 යුරෝපීය පාපන්දු අවසන් පූර්ව තරඟය ස්පාඤ්ඤය සහ ප්‍රංශය අතර

2024 යුරෝපීය පාපන්දු තරඟාවලියේ අවසන් පූර්ව වටයට සුදුසුකම් ලැබීමට ස්පාඤ්ඤය සහ ප්‍රංශය සමත් වී ඇති අතර ස්පාඤ්ඤය ගෝල 2කට 1ක් වාර්තා කරමින් සත්කාරක ජර්මනිය පරාජය කිරීමට සමත්වී තිබේ.ප්‍රංශය සහ පෘතුගාලය අතර පැවති තරගයේ නියමිත කාලයේ දී කණ්ඩායම් දෙකම ගෝල වාර්තා කිරීමට නොහැකි වූ නිසාවෙන් ජයග්‍රාහකයින් තීරණය කිරීමට දඬුවම් පහරක් ලබා දුන් අතර එහිදී 5ට 3ක් ලෙස තරගය ජය ගැනීමට ප්‍රංශය සමත්විය. මෙම තරගය සුපිරි ක්‍රීඩක ක්‍රිස්ටියානෝ රොනාල්ඩෝ ගේ අවසන් යුරෝපීය කුසලාන තරගය ලෙස වාර්තා වේ.

Posted on: July 1, 2024

අදින් ඇරඹෙන LPL

පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී ලංකා ප්‍රිමියර් ලීග් 20යි 20 ක්‍රිකට් තරගාවලියේ 5 වැනි අදියර පළමු තරගයේදී දඹුල්ල සික්සර්ස් සහ කැන්ඩි ෆැල්කන්ස් කණ්ඩායම තරග බිමට පිවිසෙන අතර අද (01) රාත්‍රී 7.30ට තරඟය ආරම්භ වීමට නියමිතව පවතී. මෙවර ලංකා ප්‍රිමියර් ලීග් 20යි 20 ක්‍රිකට් තරගාවලියේ සන්නාම තානාපතිවරයා ලෙසින් කටයුතු කරන ඔස්ට්‍රේලියා හිටපු නායක මයිකල් ක්ලාක්ද සහභාගී වන අතර අදින් ඇරඹෙන තරගාවලිය ජුලි 21 වනදා දක්වා පැවැත්වීමට නියමිතව ඇත.

Posted on: June 27, 2024

ක්‍රිස් සිල්වර්වූඩ් ක්‍රිකට් පුහුණුකරු ධූරයෙන් ඉවත් වේ.

ශ්‍රී ලංකා ජාතික ක්‍රිකට් කණ්ඩායමේ ප්‍රධාන පුහුණුකරු ක්‍රිස් සිල්වර්වූඩ් මහතා තම ධුරයෙන් ඉල්ලා අස්වුණු බවට වාර්තා වේ. ඒ තම පවුලේ සාමාජිකයන් සමඟ කාලය ගත කිරීමට අවශ්‍ය බව දැනුම් දෙමිනි. ඔහුගේ ධුර කාලය තුළ ශ්‍රී ලංකා ක්‍රිකට් ක්‍රීඩාව සඳහා සිදුකළ වටිනා දායකත්වයට ස්තුති වන්ත වන බව ශ්‍රී ලංකා ක්‍රිකට් ආයතනය මෙම ඉල්ලා අස්වීම නිල වශයෙන් නිවේදනය කරමින් සඳහන් කර ඇත. ඔහුගේ පාලන කාලය තුළ ශ්‍රී ලංකා ක්‍රිකට් කණ්ඩායම 2022දී T 20 ආසියානු කුසලානය ජයගත් අතර 2023දී එක්දින ආසියානු කුසලානයේ අවසන් මහා තරඟයට තරඟ වැදුණේය.

Posted on:

20යි 20 ක්‍රිකට් අවසන් පූර්ව තරඟය අද

20යි 20 ලෝක කුසලාන ක්‍රිකට් තරගාවලියේ අවසන් පූර්ව වටය මේ වන විට ඇෆ්ගනිස්තාන කණ්ඩායම සහ දකුණු ආප්‍රිකා කණ්ඩායම සමඟ පැවැත්වෙන අතර තරගයේ කාසියේ වාසිය දිනාගනිමින් ප්‍රථමයෙන් පන්දුවට පහරදුන් ඇෆ්ගනිස්තාන කණ්ඩායම පන්දුවාර 11 පන්දු 5ක් අවසානයේ සියලුදෙනා දැවී ලකුණු 56ක් රැස්ක‍ර තිබේ. Azmatullah Omarzai ඇෆ්ගනිස්තානය වෙනුවෙන් ලකුණු 10ක් රැස් කල අතර පන්දු යැවීමේදී දකුණු අප්‍රිකානු කණ්ඩායම වෙනුවෙන් Marco Jansen සහ Tabraiz Shamsi කඩුලු 03 බැගින් දවාගෙන තිබේ. දකුණු අප්‍රිකානු කණ්ඩායමට තරගය ජය ගැනීම සඳහා ලකුණු 57ක ඉලක්කයක් හිමිව තිබේ.

Posted on: June 27, 2024

උපදේශක මහේල ඉල්ලා අස්වෙයි

උපදේශක පුහුණුකරු ධූරයෙන් මහේල ජයවර්ධන මහතා ඉල්ලා අස්වී ඇති බව ශ්‍රී ලංකා ක්‍රිකට් ආයතනය නිවේදනයක් නිකුත් කරමින් පවසා ඇත.

Posted on: June 19, 2024

සිංහ පැටව් දිවයිනට

T20 ලෝක කුසලාන තරගයේ මුල්වටයෙන්ම ඉවත් වූ ශ්‍රී ලංකා කණ්ඩායම අද (19) කටුනායක ගුවන් තොටුපොළින් නැවත මෙරටට පැමිණ තිබේ.ඒ මුදල් ගෙවා පහසුකම් සළසා ගත යුතු ” සිල්ක් රූට් ” පර්යන්තය ඔස්සේ බවයි ගුවන් තොටුපොළ ආරංචි මාර්ග සඳහන් කලේ.
එහිදී ” සිල්ක් රූට් ” පර්යන්තයේ පහසුකම් සදහා එක් අයෙකුට ඇමෙරිකානු ඩොලර් 50 ක මුදලක් අය කරන අතර එම මුදල් ගෙවා මෙම පහසුකම ශ්‍රී ලංකා ක්‍රිකට් කණ්ඩායම ලබා ගත් බව ගුවන් තොටුපොළ කාර්යය භාර නිලධාරීවරයා ප්‍රකාශ කර ඇත.
එහිදී මාධ්‍ය වෙත අදහස් දක්වමින් ශ්‍රී ලංකා කණ්ඩායමේ නායක වනිදු හසරංග ප්‍රකාශ කර සිටියේ, ඔවුන් වශයෙන් ක්‍රීඩකයින් අතින් සිදු වූ වැරදි සහ ඔවුන් හරිහැටි ක්‍රීඩා නොකළ නිසා මේ තරගාවලියෙන් ඉවත් වීමට සිදුවූ බවත් පිතිකරණය , පන්දු රැකීම සහ පන්දු යැවීම කණ්ඩායමක් වශයෙන් හොදින් සිදු නොවූ බැවින් ඒ සම්බන්ධයෙන් කණගාටුව පලකරන බවත්‍ ය.

Posted on:

නව ව්‍යවස්ථා කෙටුම්පතක් අද දින ජනාධිපති අතට

විශ්‍රාමික විනිසුරු කේ. ටී. චිත්‍රසිරි මහතා ප්‍රමුඛ කමිටුවක් මගින් සකසන ලද ශ්‍රී ලංකා ක්‍රිකට් ආයතනයේ නව ව්‍යවස්ථා කෙටුම්පත ජනාධිපති රනිල් වික්‍රමසිංහ මහතා වෙත අද (15) දින භාරදී ඇති බව වාර්ථා වේ.
ශ්‍රී ලංකා ක්‍රිකට් ආයතනයේ සංයුතිය සහ ව්‍යුහය ප්‍රතිව්‍යුහගත කිරීමටත් ඉන් යෝජනා කර ඇති බව වැඩිදුරටත් සඳහන් වේ.

Posted on:

ශ්‍රී ලංකාව T20 ත‍රගාවලියෙන් ඉවතට

ශ්‍රී ලංකාව හා නේපාලය අතර ලෝක කුසලාන තරගාවලිය අද පැවැත්වීමට නියමිතව තිබූ නමුත් වර්ෂාව හේතුවෙන් අතහැර දමා තිබේ.ඒ කණ්ඩායම් දෙකටම සම ලකුණු ලබා දීමෙනි.
තරග සැලැස්මේ ශ්‍රී ලංකා කණ්ඩායම අවසන් ස්ථානයේ පසුවන අතර සුපිරි 8 දෙනාගෙ වටයට යාමට අවස්ථාවක් නැති තත්වයට පත්ව ඇත.
නෙදර්ලත්වය හා බංගලදේශය අතර පැවැත්වෙන තරඟයෙන් කුමක් ජයග්‍රහණය කළත් ශ්‍රී ලංකා කණ්ඩායමට ඊළඟ වටයට යාමේ කිසිදු අවස්ථාවක් නොලැබී යයි.
එම තරඟයට වර්ෂාවෙන් බාධා ඇති වුවත් දළ ලකුණු ලබා ගැනීමේ වේගය අනුව හා ශ්‍රී ලංකා කණ්ඩායම සිටින ස්ථානය අනුව නෙදර්ලන්තය හා තරගය ඉතා විශාල පරතරයකින් ජයගෙන දෙවන ස්ථානයට යාමට අවස්ථාව ඉතාමත් අඩුය.

සැණින් එසැණින් දසත විහිදූ පුවත් ඔබ අතට🌍
https://www.facebook.com/thenewslk1