ක්‍රීඩා – Page 2

Posted on:

කාසියේ වාසිය දිනූ ලංකාව පළමුව පන්දුවට පහරදෙයි

අද (26) දිනයේදී පැවැත්වෙන සංචාරක නවසීලන්ත කණ්ඩායම හා ශ්‍රී ලංකා කණ්ඩායම අතර දෙවන හා අවසන් ටෙස්ට් තරගයේ කාසියේ වාසිය දිනා ගැනීමට ශ්‍රී ලංකා කණ්ඩායම සමත් වූ අතර ඔවුන් පළමුවෙන් පන්දුවට පහරදීමට තීරණය කර ඇත.
මේ වන විට වර්ෂාව හේතුවෙන් තරගය මදකට නතර කරන විට ශ්‍රී ලංකා කණ්ඩායම එක් කඩුල්ලක් දැවී ලකුණූ 41 ක් රැස්කරගෙන සිටියි.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on: September 18, 2024

කාසියේ වාසිය ලංකාවට

ශ්‍රී ලංකාව හා නවසීලන්තය අතර පැවැත්වීමට නියමිත ටෙස්ට් තරඟාවලියේ පළමු තරඟයේ කාසියේ වාසිය ශ්‍රී ලංකාවට හිමි වූ අතර ලංකා කණ්ඩායම පළමුව පන්දුවට පහර දීමට තිීරණය කර තිබේ.
ඒ අනුව තරඟ දෙකකින් සමන්විත මෙම තරඟාවලිය ගාල්ල ජාත්‍යන්තර ක්‍රීඩාපිටියේදී පැවැත්වේ.

Posted on: September 17, 2024

හර්ෂිතා සහ වෙල්ලාලගේ ICC සම්මානයට

අගෝස්තු මාසයට අදාළව ජාත්‍යන්තර ක්‍රිකට් කවුන්සිලය විසින් නම් කරන ලද මාසයේ ක්‍රීඩකයා හා ක්‍රීඩිකාව ලෙස ශ්‍රී ලංකා යොවුන් ක්‍රීඩක දුනිත් වෙල්ලාලගේ හා හර්ෂිතා සමරවික්‍රම නම් කර තිබේ.
අගෝස්තු මස පිරිමි ක්‍රිකට් ක්‍රිඩක සම්මානයට වෙල්ලාලගේ සමගින් දකුණු අප්‍රිකාවේ කේෂව් මහාරාජ් සහ බටහිර ඉන්දිය කොදෙව් කණ්ඩායමේ ජේඩන් සීල්ස් නිර්දේශ වී තිබිණි.
දුනිත් වෙල්ලාලගේ මේ වසරේ මාර්තු මසදීද අන්තර්ජාතික ක්‍රිකට් කවුන්සිල ක්‍රිකට් ක්‍රීඩක සම්මානයට කමිඳු මෙන්ඩිස් සමග නිර්දේශ වී තිබිණි.
මේ අතර අන්තර්ජාතික ක්‍රිකට් කවුන්සිල අගෝස්තු මස හොදම ක්‍රිකට් ක්‍රීඩිකාවට හිමි සම්මානය ශ්‍රී ලංකා කාන්තා ක්‍රිකට් කණ්ඩායමේ හර්ෂිතා සමරවික්‍රමට හිමිව ඇත.

Posted on: September 16, 2024

SL vs NZ ටෙස්ට් තරගාවලියේ ශ්‍රී ලංකා සංචිතය නම් කරයි

ශ්‍රී ලංකා ක්‍රිකට් තේරීම් කමිටුව විසින් නවසීලන්තයට එරෙහිව තරඟ දෙකකින් සමන්විත ටෙස්ට් තරඟාවලියට ක්‍රීඩා කිරීම සඳහා ශ්‍රී ලංකා ටෙස්ට් සංචිතය නම්කර ඇත.
ඒ අනුව ධනංජය ද සිල්වාගේ නායකත්වයෙන් යුත් එම සංචිතයට ක්‍රීඩකයන්16 දෙනා ඇතුළත් වේ.

Posted on: September 14, 2024

දකුණු ආසියානු මලල ක්‍රීඩා ශූරතාවලියේදී ලංකාවට තවත් රන්පදක්කමක්

ඉන්දියාවේදී පැවති 2024 දකුණු ආසියානු මලල ක්‍රීඩා ශූරතාවලියේ මීටර 110 කඩුලු මතින් දිවීම පිරිමි ධාවන ඉසව්වේ රන් පදක්කම ශ්‍රී ලංකාවේ සඳුන් කෝසල විසින් දිනාගත් අතර ඔහු වාර්තා කළ කාලය තත්පර 14.06 කි.
එම තරඟයේම රිදී පදක්කම ඉන්දියාවට හිමි වූ අතර තත්පර 14.27 කාලයක් වාර්තා කළ ශ්‍රී ලංකාවේ විශ්ව තාරුකට ලෝකඩ පදක්කම හිමි විය.

Posted on: September 12, 2024

තුන්වන වටයට පිවිසීමට වරම් ලැබූ පාපන්දු ශූරයින් දිවයිනට

ශ්‍රී ලංකා ජාතික පාපන්දු කණ්ඩායම ආසියානු කුසලාන පාපන්දු ශූරතා තරගාවලියේ තුන්වන වටයට පිවිසීම සදහා සුදුසුකම් ලබා ගත් අතර එම කණ්ඩායම ඊයේ (11) රාත්‍රියේ දිවයිනට පැමිණි අවස්ථාවේදී ඔවුන් පිළිගැනීම සදහා පාපන්දු ක්‍රීඩකයින් සහ පාපන්දු ලෝලීන් විශාල පිරිසක් කටුනායක ගුවන් තොටුපොළ පැමිණීමේ පර්යන්තය වෙත පැමිණ තිබෙන අයුරු දක්නට ලැබිණි.
ශ්‍රී ලංකා ජාතික පාපන්දු කණ්ඩායම ඉකුත් 05 දින කාම්බෝජය සමග කොළඹ දී පැවති තරගය ජය පරාජයෙන් තොරව අවසන් වීමත් සමග එහි තවත් තරගයක් කාම්බෝජයේ නොන්පෙන් නුවර දී පසුගිය 10 දින පැවැත්වූ අතර එහිදී දෙරටම 2-2 ක් ලෙස සමාන ආකාරයෙන් ගෝල වාර්තා කිරීම නිසා ඔවුන්ට හිමි වූ දඩුවම් පහර ශ්‍රී ලංකා කණ්ඩායම 4-2 ක් ලෙස සාර්ථක කර ගැනීමත් සමග මෙම ජයග්‍රහණය හිමි කර ගැනීමට සමත් විය.

Posted on: September 11, 2024

ශ්‍රී ලංකා පාපන්දු කණ්ඩායමට කාම්බෝජයට එරෙහිව තියුණු ජයක්

නොම් පෙන් ඔලිම්පික් ක්‍රීඩාංගණයේ පැවති AFC ආසියානු කුසලාන 2027 සුදුසුකම් ලැබීමේ ප්‍ලේඕෆ් වටයේදී ශ්‍රී ලංකා පාපන්දු කණ්ඩායම ත්‍රාසජනක දඬුවම් පහරකින් කාම්බෝජයට එරෙහිව ජයග්‍රහණය වාර්තා කිරීමට සමත්විය.
මෙම තරගයේදී නියමිත කාලය තුළදී ගෝල 2-2ක් ජය පරාජයෙන් තොරව තරගය නිමාවීම හේතුවෙන් ජයග්‍රහණය තහවුරු කර ගැනීම සඳහා දඬුවම් පහර වෙත යොමුවීමට සිදුව ඇති අතර එහිදී 4-2ක් ලෙස ශ්‍රී ලංකාවට ජය ගැනීමට හැකිවී තිබේ.
ජයග්‍රහණය තහවුරු කර ගැනීම සඳහා දඬුවම් පහරවලදී තීරණාත්මක රැකගැනීම් සිදු කළ ගෝල රකින ක්‍රීඩක සුජාන් පෙරේරා එදින තරගයේ වීරයා සම්මානයද දිනාගත්තේය.

Posted on: September 10, 2024

නවසීලන්ත සංචාරයෙත් පුහුණුකරු සනත්

ශ්‍රී ලංකා ක්‍රිකට් කණ්ඩායමේ වැඩබලන ප්‍රධාන පුහුණුකරු සනත් ජයසූරිය එළැඹෙන නවසීලන්ත සංචාරය සඳහා තාවකාලික ප්‍රධාන පුහුණුකරු ලෙස කටයුතු කරන බව ශ්‍රී ලංකා ක්‍රිකට් ආයතනය තහවුරු කරයි.
එංගලන්තයට එරෙහිව පැවති ටෙස්ට් තරග ජයග්‍රහණයෙන් පසුව සනත් ජයසූරියට ඔහුගේ භූමිකාව වෙනුවෙන් වැඩි වගකීමක් ලබාදී තිබෙන බවටත් ඔහුගේ මඟපෙන්වීම යටතේ ශ්‍රී ලංකාව ඉන්දියාවට එරෙහිව ඓතිහාසික එක්දින තරගාවලි ජයග්‍රහණයක් ලබාගත්තේ වසර 27කට පසුවය.
ශ්‍රී ලංකාව පසුගියදා එංගලන්තයට එරෙහිව පැවැති ටෙස්ට් තරගාවලිය 2-1ක් ලෙස පරාජය වුවද, ප්‍රබල එංගලන්ත කණ්ඩායමට එරෙහිව ශ්‍රී ලංකා කණ්ඩායම දැක්වූ ප්‍රශංසනීය දස්කම් පිළිබඳව බොහෝ දෙනාගේ පැසසුමට ලක්ව තිබේ.

Posted on: September 6, 2024

දඟ පන්දු පුහුණුකරු ලෙස රංගන හේරත් නම් කරයි

එළැඹෙන ඇෆ්ගනිස්තාන සහ ශ්‍රී ලංකා ටෙස්ට් තරග සඳහා නවසීලන්ත කණ්ඩායමේ දඟ පන්දු පුහුණුකරු ලෙස හිටපු ශ්‍රී ලංකා ක්‍රීඩක රංගන හේරත් නම්කර ඇත.

නවසීලන්ත ටෙස්ට් ක්‍රිකට් කණ්ඩායම ඉදිරි මාස දෙකේදී ආසියාවේදී ටෙස්ට් තරග 6කට සහභාගී වීමට නියමිතව ඇති අතර ඉන් ඇෆ්ගනිස්තාන කණ්ඩායම සමග ඉන්දියාවේ පැවැත්වෙන තරගය සහ ශ්‍රී ලංකා කණ්ඩායම සමග ශ්‍රී ලංකාවේදී පැවැත්වීමට නියමිත ටෙස්ට් තරග දෙක සඳහා රංගන හේරත් ගේ සේවය නවසීලන්ත කණ්ඩායමට හිමි වීමට නියමිතය.

Posted on: September 3, 2024

සමිත දුලාන්ගෙන් රිදී පදක්කමක්

පැරිස් 2024 පැරාලිම්පික් ක්‍රීඩා උළෙලේ පිරිමි හෙල්ල විසිකිරීම (F64) ඉසව්වෙන් රිදී පදක්කම දිනා ගැනීමට ශ්‍රී ලංකාවේ සමිත දුලාන් කොඩිතුවක්කු සමත්වී තිබෙනවා.
මීටර 67.03 ක පුද්ගලික හොඳම දුරක් සමඟින් දුලාන්ට F44 කාණ්ඩයේ ඔහුගේම පෙර පැවති ලෝක වාර්තාව (මීටර් 66.49) ද බිඳ දැමීමටද හැකිවී ඇති බවයි වැඩිදුරටත් සඳහන් වෙන්නේ.