ක්‍රීඩා – Page 4

Posted on: August 6, 2024

ඔලිම්පික් ගිය දර්ශනගේ අවසන් පූර්ව වටය අද

අද (06) ඔලිම්පික් උළෙලේ පිරිමි මීටර් 400 ඉසව්වේ අවසන් පූර්ව වටයට සුදුසුකම් ලැබූ අරුණ දර්ශන සහභාගී වන තරඟය පැවැත්වීමට නියමිතව ඇති අතර එය ශ්‍රී ලංකා වේලාවෙන් රාත්‍රී 11.5ට පමණ ආරම්භ වේ .
මීටර් 400 ඉසව්වේ මූලික වටයේ 5 වෙනි තරඟයට සහභාගී වූ අරුණ දර්ශන එහිදී තෙවන ස්ථානය හිමිකර ගත් අතර එහිදී අරුණ දර්ශන තත්ත්පර 44 දශම 9.9කින් තරගය අවසන් කළ අතර එය ඔහුගේ පෞද්ගලික හොඳම කාලය ලෙස වාර්තා විය.
අද රාත්‍රී අරුණ දර්ශන සහභාගී වන තරගය පැවැත්වීමට නියමිත බව වාර්තා වේ.

සැණින් එසැණින් දසත විහිදූ පුවත් ඔබ අතට🌍
TheNewsLK Facebook page link >>> https://www.facebook.com/thenewslk1
ThenewsLk WhatsApp group link >>> https://chat.whatsapp.com/BpZ2apzFoKqHtoo4RWnaBi

Posted on:

අරුණ දර්ශන අවසන් පූර්ව වටයට

පැරිස් ඔලිම්පික් ක්‍රීඩා උළෙලේ මීටර් 400 පිරිමි අවසන් පූර්ව වටය සඳහා සුදුසුකම් ලබා ගැනීමට ශ්‍රී ලංකා මළල ක්‍රීඩක අරුණ දර්ශන සමත් වී ඇත. ඊයේ පැවති මූලික වටයේ තරගයෙන් ඔහු 3 වන ස්ථානය හිමි කර ගෙන ඇත.

Posted on: August 3, 2024

තරුෂිට තවත් තරග වටයකට අවස්ථාවක්

2024 පැරිස් ඔලිම්පික් උළෙලේ මීටර් 800 කාන්තා මුලික වටයේ 6 වැනි තරගයට සහභාගී වූ ශ්‍රී ලංකාවේ තරුෂි කරුණාරත්න එහි අටවැනි ස්ථානය දිනාගත් අතර ඒ මිනිත්තු 2යි තත්පර 7යි දශම 7යි 6ක දක්ෂතාවයක් දක්වමිනි.
තරුෂි එම තරගය සදහා සහභාගී වූ ක්‍රීඩිකාවන් අතරින් ළාබාලතම ක්‍රීඩිකාවයි.
ඔලිම්පික් ඉතිහාසයේ පළමු වතාවට පැරිස් ඔපිම්පික් උළෙලේදී තෝරාගත් ධාවන ඉසව් කිහිපයක මූලික වටයේ තරගවලින් ඉවත් වන ක්‍රීඩක ක්‍රීඩිකාවන් සඳහා අවසන් පූර්ව වටයට පිවිසීමට Repechage නම් තරග අවස්ථාවක් හිමිව තිබේ. මෙම ත‍රග වටය අද ශ්‍රී ලංකා වේලාවෙන් පස්වරු 2. 45ට ආරම්භ වීමට නියමිතය.
ඒ අනුව අද පැවැත්වෙන එම තරග වටයේදී ප්‍රදර්ශනය කරන දක්ෂතා අනුව අවසන් පූර්ව වටයට පිවිසීමට තරුෂිට අවස්ථාව හිමිවනු ඇත.

Posted on: August 2, 2024

කාසියේ වාසිය ශ්‍රී ලංකාවට

සංචාරක ඉන්දීය කණ්ඩායම හා ශ්‍රී ලංකා කණ්ඩායම අතර පළමු එක්දින තරගයේ කාසියේ වාසිය ශ්‍රී ලංකාව හිමි කරගත් අතර ඔවුන් පළමුවෙන් පන්දුවට පහර දීමට තීරණය කර තිබේ.

ශ්‍රී ලංකා කණ්ඩායම වෙනුවෙන් Mohamed Shiraz අද එක්දින වරම් දිනා හිමිකර ගෙන තිබේ.

Posted on: August 2, 2024

ලක්මවගේ සිංහධේනුවෝ අයර්ලන්ත සංචාරයකට සැරසේ

ආසියානු ශූර ශ්‍රී ලංකා කාන්තා ක්‍රිකට් කණ්ඩායම එක්දින තරග 03කින් හා විස්සයි20 තරග 02කින් යුත් ක්‍රිකට් තරගාවලියක් සඳහා මේ මස 06 වනදා අයර්ලන්තයේ සංචාරක නිරත වීමට නියමිතව පවතී. මෙම සංචාරය ශ්‍රී ලංකා කාන්තා ක්‍රිකට් කණ්ඩායමක් අයර්ලන්තයේ සංචාරයක නිරත වන පළමු අවස්ථාවද වෙයි.
ශ්‍රී ලංකාව හා අයර්ලන්තය අතර මේ දක්වා (2007 – 2023) එක්දින ජාත්‍යන්තර තරග 05ක් පැවැත් වී ඇති අතර, එම සියලුම තරග ශ්‍රී ලංකාව ජයගෙන ඇති බව වාර්තා වේ. මේ අතර දෙරට අතර මේ දක්වා (2009 – 2022) විස්සයි20 තරග 03ක්ද පැවැත්වී ඇති අතර, ඒ සියල්ලම ජයගෙන ඇත්තේද ශ්‍රී ලංකාව වේ. එමෙන්ම මේ මස 11 හා 13 දිනවලදී ඩබ්ලින් හා බෙල්ෆාස්ට්හිදී දෙරට අතර පළමුව විස්සයි20 තරගාවලිය පැවැත්වීමට නියමිතව ඇත. ඉන් අනතුරුව එක්දින තරගාවලිය ආරම්භ වන අතර, එම තරග මේ මස 16, 18 හා 20 දිනවලදී පැවැත්වීමට නියමිතව ඇත. මෙහි සියලුම තරග බෙල්ෆාස්ට්හිදී පැවැත්වීමට සැලසුම් කර ඇති අතර එක්දින තරගාවලිය කණ්ඩායම් 10ක සහභාගිත්වයෙන් පැවැත්වෙන 2022-2025 අයි.සී.සී. කාන්තා ශූරතාවලිය යටතේද පැවැත්වේ. එමෙන්ම දැනට ශ්‍රී ලංකාව අයි.සී.සී. කාන්තා ක්‍රිකට් ශූරතාවේ මේ දක්වා පැවැති තරග අනුව ශ්‍රී ලංකාව ප්‍රසාද ලකුණු සටහනේ 05වැනි ස්ථානයට උරුමකම් කියයි. ඒ වගේම ඔවුන් මේ දක්වා තරග 21කට ක්‍රීඩාකර ඉන් තරග 08ක් ජයගෙන ඇති අතර, තරග 09ක් ද පරාජය වී ඇති නමුත් අයර්ලන්ත කණ්ඩායම පසුවන්නේ මෙහි අවසන් ස්ථානයේ බව වාර්තා වේ. මේ දක්වා තරග 12කට සහභාගි වී ඇති ඔවුන්, ඉන් තරග 10ක්ම පරාජය වී ඇත.

Posted on: August 2, 2024

ඔලිම්පික් තරඟ බිමට අද ශ්‍රී ලංකා නියෝජනයක්

අද (02) දින තරුෂි කරුණාරත්න පැරිස් ඔලිම්පික් තරග බිමට පිවිසීමට නියමිත බව වාර්තා වේ.
ඇය සහභාගී වන මීටර් 800 තරග ඉසව්ව අද රාත්‍රී 11.15 ට ආරම්භවීමට නියමිතව ඇති අතර ඇය සහභාගී වන්නේ මීටර් 800 මූලික වටයේ heat 6 වන තරඟයටයි.
ඒ අනුව වන අතර අද රාත්‍රී 12.00 ට එම තරගය පැවැත්වීමට නියමිතව ඇත.

Posted on: July 31, 2024

එක්දින සංචිතය නම් කරයි – නායකත්වය චරිත්ට

ඉන්දියාව හා ලංකාව සමඟ පැවැත්වීමට නියමිත එක්දින ක්‍රිකට් තරගාවලියේ නායකත්වය චරිත් අසලංකට හිමිව ඇත. 16 දෙනකුගෙන් යුත් එම සංචිතයට දිනේෂ් චන්දිමාල් මෙන්ම මීට පෙර එක්දින කණ්ඩායමට ක්‍රීඩාකළ ඇන්ජලෝ මැතිව්ස් ද ඇතුළත්ව නොමැත.
අවිශ්ක ප්‍රනාන්දු, නිශාන් මධුෂ්ක සහ චාමික කරුණාරත්න එක්දින කණ්ඩායමට නම්කර තිබේ.
ශ්‍රී ලංකා එක්දින සංචිතය:-

චරිත් අසලංක
පැතුම් නිශ්ශංක
අවිශ්ක ප්‍රනාන්දු
කුසල් මෙන්ඩිස්
සධීර සමරවික්‍රම
කමිදු මෙන්ඩිස්
ජනිත් ලියනගේ
නිෂාන් මධුෂ්ක
වනිදු හසරංග
මහීෂ් තීක්ෂණ
දුනිත් වෙල්ලාලගේ
චාමික කරුණාරත්න
අකිල ධනංජය
ඩිල්ශාන් මධුසංඛ
මතීෂ පතිරණ
අසිත ප්‍රනාන්දු

Posted on:

සුපුරුදු පරිදි ලංකාව පරදා ඉන්දියාව ජය ගනී

සංචාරක ඉන්දීය කණ්ඩායම හා ශ්‍රී ලංකා කණ්ඩායම අතර පැවති විස්සයි විස්ස තරගාවලියේ තුන්වන හා අවසන් විස්සයි විස්ස තරගය සුපිරි පන්දුවාරයේදී ජය ගැනීමට ඉන්දීය කණ්ඩායම සමත් වී ඇත. මෙම තරඟයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීමට ඉන්දීය කණ්ඩායමට ආරාධනා කළ අතර ඔවුන් සිය පන්දුවාර 20 තුළ කඩුලු 9 ක් දැවී ලකුණු 137 ක් ලබා ගෙන ඇත.

මෙම තරඟය අතරතුරදී,
පන්දුවට පහරදීමේදී Shubman Gill ලකුණු 39 ක් හා Riyan Parag ලකුණු 26 ක් ලබා ගැනීමට සමත් වී ඇත.
එමෙන්ම පන්දු යැවීමේදී ශ්‍රී ලංකා කණ්ඩායම වෙනුවෙන් මහීෂ් තීක්ෂණ කඩුලු 3 ක්, වනිඳු හසරංග කඩුලු 2 ක් හා චමිඳු වික්‍රමසිංහ, අසිත ප්‍රනාන්දු හා රමේෂ් මෙන්ඩිස් එක් කඩුල්ල බැඟින් බිඳ හෙළීමට සමත් වුණු බව වාර්තා වේ. මෙම තරඟයේ පිළිතුරු ඉනිම ක්‍රීඩා කළ ශ්‍රී ලංකා කණ්ඩායම අවසන් පන්දුවාරයේදී ලකුණු සම කිරීම හේතුවෙන් තරගයේ ජයග්‍රහණය තීරණය කිරිමට සුපිරි පන්දුවාරයක් ක්‍රියාත්මක කිරීමට සිදු වුණද සුපිරි පන්දුවාරයේදී පළමුව පන්දුවට පහරදුන් ශ්‍රී ලංකා කණ්ඩායම ලබාගත හැකිවූයේ කඩුලු 2 ක් දැවී ලකුණු 2 ක් පමණි. ඒ අතර සුපිරි පන්දුවාරයේදී පිළිතුරු ඉනිම ක්‍රීඩා කළ ඉන්දීය කණ්ඩායම තරගය ජයග්‍රහණය කිරීමට සමත් වුණා. .

මෙහිදී විස්සයි විස්ස තරගාවලිය 3 ට 0 ක් ලෙස ජය ගැනීමට ඉන්දීය කණ්ඩායම සමත් වී ඇති බව වාර්තා වේ.

Posted on: July 29, 2024

ශ්‍රී ලංකා ක්‍රිකට් කණ්ඩායම සම්බන්ධයෙන් ඉදිරියේ දී දැඩි තීරණයක්

ශ්‍රී ලංකා ක්‍රිකට් කණ්ඩායම සම්බන්ධයෙන් ඉදිරියේ දී දැඩි තීරණයක් ගැනීමට සිදුවනු ඇති බව ශ්‍රී ලංකා ජාතික ක්‍රිකට් කණ්ඩායමේ පිතිකරණ පුහුණුකරු තිළිණ කණ්ඩම්බි පවසා සිටියා, ඔහු මේ බව ප්‍රකාශ කලේ ඊයේ (28) ඉන්දියාව සමඟ පැවති දෙවන විස්සයි විස්ස තරගයෙන් පසු මාධ්‍ය හමුවට එක්වෙමිනී.

පිතිකරුවන් වශයෙන් මීට වඩා වගකීම් සහගත වියයුතු බවත් ඔවුන්ගේ දක්ෂතාවයේ නොව ඔවුන් පිටියට අවතීර්ණ වූ අවස්තාවේ සිට ඉතා කල්පනාවෙන් තොරව ක්‍රීඩා කිරීම මේ තත්වයට හේතු වී ඇති බව ඔහු සදහන් කළ අතර කණ්ඩායමේ සිටින මැදපෙළ පිතිකරුවන් මෙලෙස දිගින් දිගටම අසාර්ථක වනවා නම් සංචිතයේ සිටින දක්ෂ නවක ක්‍රීඩකයින්ට එම අවස්ථාව ලබාදීමට කටයුතු කරන බවත් මාධ්‍යවේදීන් නැගූ ප්‍රශ්න වලට පිලිතුරු දෙමින් ඔහු වැඩිදුරටත් පවසා සිටියා.

Posted on: July 27, 2024

අවසන් සටනට එක් වන සිංහ ධේනූවෝ

2024 කාන්තා ආසියානු කුසලාන ක්‍රිකට් තරගාවලියේ අවසන් තරගය සඳහා සුදුසුකම් ලබා ගැනීමට ශ්‍රී ලංකා කණ්ඩායම ඊයේ (26) සමත් වූයේ පාකිස්තාන කණ්ඩායම කඩුලු තුනකින් පරාජයට පත් කරමින්.

තරගයේ කාසියේ වාසිය ජයග්‍රහණය කළ ශ්‍රී ලංකා කණ්ඩායම පළමුව පන්දු යැවීමට තීරණය කළ අතර පළමුව පන්දුවට පහර දුන් පකිස්ථාන කණ්ඩායම නියමිත පන්දුවාර විස අවසානයේ කඩුලු හතරක් දැවී ලකුණු 140ක් රැස් කරගත්තා.

ශ්‍රී ලංකා කණ්ඩායමට අවසන් මහා තරගයට සුදුසුකම් ලබා ගැනීමට හිමි ඉලක්කය ලකුණු 141 විය. පන්දුවාර දහනවයයි පන්දු පහක් අවසානයේ ශ්‍රී ලංකා කණ්ඩායම කඩුලු හතක් දැවී ජයග්‍රාහී සීමාව පසුකර ගියා.

ශ්‍රී ලංකාව ජයග්‍රහණය කරා රැගෙන යෑමේ වගකීම ගත් අනුෂ්කා සංජීවනී, එක් පන්දුවක් ඉතිරි ව තිබිය දී තරගය ජයග්‍රහණ කරා රැගෙන යමින් 2024 ආසියානු කුසලාන කාන්තා විස්සයි විස්ස තරගාවලියේ අවසන් මහා තරගයේ ශ්‍රී ලංකාවට සුදුසුකම් හිමි කර දුන්නා.