අසිරිමලේට නැවත ආරක්ෂාව

අරිසිමලය ආරණ්‍ය සේනාසනාධිපති පනාමුරේ තිලකවංශාභිධාන නාහිමියන්ට නැවත ඇමැති ආරක්ෂක අංශයේ ආරක්ෂාව ලබා දී තිබේ.

අරිසිමලේ හිමියන්ගේ ආරක්ෂාව ඉවත් කිරීම ගැන සමාජ මාධ්‍ය ජාලාවල ද බෙහෙවින් ප්‍රචාරය වූ අතරදෙමළ හා මුස්ලිම් අන්තවාදී බලවේගයන්ගෙන් නැගෙනහිර පළාතේ බෞද්ධ උරුමයන් ආරක්ෂා කරමින් තමන් වහන්සේ මෙම ප්‍රදේශයේම වැඩ සිටීම ගැන වෛරයෙන් පසුවන පිරිසක් නිසා තමන්ට ආරක්ෂාවේ ප්‍රශ්නයක් ඇති බව උන්වහන්සේ පැවසූහ.

මීට සති කිහිපයකට පෙර භාවනානුයෝගීව වැඩ සිටි ස්වාමින් වහන්සේ නමක ද අතුරුදන්ව ඇති බවත් හමුදාවේ භට පිරිස් සෝදිසි මෙහෙයුම් සිදු කළ ද උන්වහන්සේ ගැන කිසිදු තොරතුරක් නැති බවත් නාහිමියෝ පවසති.